الباركنج سنسور

[bebo12125]

احب اعرف من الاخوة الاعضاء ما هو الباركنج سنسور عشان انا اركبوا فى الياريس

[Sameh]

ببساطة خلية صغيرة بتتركب فى الإكصدام الخلفى ، وظيفتها إنا ترسل موجة فوق صوتية ultra sonic وتستقبل الإنعكاس بتاعها ، وعن طريق الوقت اللى أخدته الموجة ذهاباً وإيابا (وقت صغير بالمللى ثانية) بتحسب المسافة بينك وبين العائق اللى عكس الموجة (عربية وراك ، رصيف ، ...) فيديك صفارة مستمرة أو متقطعة تزيد مع إقترابك من العائق ده ، ومع الوقت بتتعود على الصوت وتعرف إمتى تبقا قربت أوى أو فاضلك أد إيه وتخبط

النظام بيشتغل لما تجيب مارشيدير بس عشان مش طول الطريق وعربيات بتقف وراك يفضل يشتغل ويزعجك

بيتباع كيت وبيتخرمله فتحات فى الإكصدام الخلفى

رأيى الشخصى مالوش لازمة تخرم فى العربية وتعمل توصيلات وأجزاء مش فابريقة ممكن تبوظ بسرعة ، لو لسة جايب العربية جديد هتتعود على أبعادها ومش هتحتاج الباركنج سنسور بالعكس ممكن تكرهه من الصداع بتاعه

[mazen86]

ببساطة خلية صغيرة بتتركب فى الإكصدام الخلفى ، وظيفتها إنا ترسل موجة فوق صوتية ultra sonic وتستقبل الإنعكاس بتاعها ، وعن طريق الوقت اللى أخدته الموجة ذهاباً وإيابا (وقت صغير بالمللى ثانية) بتحسب المسافة بينك وبين العائق اللى عكس الموجة (عربية وراك ، رصيف ، ...) فيديك صفارة مستمرة أو متقطعة تزيد مع إقترابك من العائق ده ، ومع الوقت بتتعود على الصوت وتعرف إمتى تبقا قربت أوى أو فاضلك أد إيه وتخبط

النظام بيشتغل لما تجيب مارشيدير بس عشان مش طول الطريق وعربيات بتقف وراك يفضل يشتغل ويزعجك

بيتباع كيت وبيتخرمله فتحات فى الإكصدام الخلفى

رأيى الشخصى مالوش لازمة تخرم فى العربية وتعمل توصيلات وأجزاء مش فابريقة ممكن تبوظ بسرعة ، لو لسة جايب العربية جديد هتتعود على أبعادها ومش هتحتاج الباركنج سنسور بالعكس ممكن تكرهه من الصداع بتاعه

انا اختلف معاك جداجداجداجداجداجداجدا

الباركنج سنسور مفيد جدا في الركن وفي الابعاد وكمان موضوع التخريم مش مشكلة انا معايا لانسر وخرمت في اكصدامتها

ومفيش مشكلة اصل انتا هتجيبه مرة واحدة ومش هتشيلة تاني اصله مش عليه مخالفة ولا ممنوع ولا هيحصله حاجة

وبيتكر علي لمبه المارشيدير وخلاص فيه منه انواع بكاميرا او شاشة بتتركب علي مرايا العربية بيطلعلك في الشاشة المسافة الي وراك

انا عندي ابو شاشة الي بتتركب علي المرايا كان ب 300 جنية وبيطلع في الشاشة دي المسافة الي وراك والشاشة دي شغالة مراية عادي

جدا وانتا سايق حتي وانتا بترجع ورا هتلاقي معاك مرايا وعلي المرايا ارقام يعني الموضوع جميل جدا وهيعجبك انصحك بيه

بس وانتا بتركبه حاول ومتخلهوش عالي اوي في الاكصدام خليه علي قد ما تقدر تحت بس مش اوي برضة او خليه في نص الاكصدام

اتمني اكون افدت حضرك

شكرا

[smartman]

[

يا ريت والله لو سمحت تحدد لنا ايه هى الماركات الأصلية الكويسة و اسعارها ايه؟ و مين اللى بيفهم فى تركيبهم ؟ و يا ترى لو الأكصدام فيه مكان السنسور باركينج ده موجود اصلا بس مش شغال (موجود عدسات فقط) يبقى لازم يتخرم له؟ ولا العدسات دى كفاية؟ هى العربية هيونداى اتش وان كبيرة ....و كمان سؤال اخير لو حبيت احط اكصدامات هل ده بيأثر على اداءه؟
و أشكرك جزيل الشكر

[abo samra]

فى توكيل تويوتا ب 600 جنيه واللى بشاشه ب 1400 جنيه

[دموع الثلج]

انا ركبته فى حدود 400 تقريبا بالمرايا


والله انه اهم شى لازم تركبه لعربيتك خصوصا لو كانت زيرووووو

ولسا متعودتش على ابعاد العربيه فى الركنات

مش بتحتاج تبص غير فى مرايه الصالون وتركن بسهوله

[abo samra]

انا ركبته فى حدود 400 تقريبا بالمرايا


والله انه اهم شى لازم تركبه لعربيتك خصوصا لو كانت زيرووووو

ولسا متعودتش على ابعاد العربيه فى الركنات

مش بتحتاج تبص غير فى مرايه الصالون وتركن بسهوله

ده منين ده واهل ينفع يركب فى الكورولا 2008 والعربيه هتخرج من الضمان ولا لا؟؟؟

[دموع الثلج]

ااااااانا مركبه فى عربيتى 2008

ومخرجنيش من الضمااااااااااان ولا حاجه روحت بعده عملت صيانه ال 5000

من شارع دمشق وممكن تلاقى ارخص منه

[abo samra]

طيب سؤال تانى بعد اذنك هو بيتركب على المرايه كاميرا ولا ايه بالضبط اللى فى المرايا اصلى شوفته فى عربيه قبل كدا فى المريا شاشه بتجيب اللى وراء العربيه وبتكتب المسافه المتبقيه بالسم اهل هو ده اللى عند حضرتك

[دموع الثلج]

بص هى مرايه بتركب على مرايه الصالون

وبتجيب فيها المسافات اللى وراك ورسمه للشكل الخلفى

هى دى اللى عندى

[kharabish]

في الجمارك كان معاهم سعره بالين وهو 14000 ين ولاأدري مايعادله بالمصري