اسوأ مركز خدمة تويوتا تعاملت معاه في حياتي احذروووا هذا المركز

[mohammadrashee]

السلام عليكم
اخواني في المنتدى كنت عملت موضوع هنا عشان اسالكم على مكان الواحد يروحه يرتاح فيه من الشغل ويفسح الاولاد شويه
استقر رايي اني اطلع دهب لاني مرحتهاش قبل كده وكمان ناس كتير شكروا فيها
المهم حجزت وطلعت بعربيتي تويوتا ياريس مشيت المشوار كله زي الفل بس جت في اخر 30 كيلو بقت تنتش وتطبل فضلت اسايس فيها لغاية لما وصلت الفندق لان الطريق اخد تسع ساعات عشان اللجان والوقفه كلمت الميكانيكي اللي بيشتغل في عربيتي في مركز خدمة تويوتا اكتوبر بصراحه الراجل فضل معايا واحده واحده عشان نعرف العيب في الاخر قولنا ان طررمبة البنزين سخنت وهيا السبب مش الفتيس قالي استني لما تبرد وشوف هتعمل معاك ايه تاني يوم جربتها رحت البلد ورجعت العربيه كويسه قولت اتوكل على الله ارجع مصر وبعدين اشوف
انهارده مشيت من الفندق الساعه واحده الظهر وتوكلت على الله مشيت خمسه وعشرين كيلو مش اوي ويعدين مفيش عزم في العربيه خالص كلمت الاسطى حسن ربنا يباركله قالي منصحكش تكمل بيها عشان الطرمية متقطعش منك في الصحراء وطبعا انا معايا العيال وامي ربنا يخليها
دخلت شرم الشيخ ووديت العيال على اقرب فندق و دورت على النت على مركز خدمة تويوتا في شرم لقيت مركز اشمه ايجيكو كلمتهم قالي تعالى والطرمية موجوده
رحتله مهندس الاستقبال قالي ان في كشف 250 جنيه ولو صلحت معاهم الكشف هيتخصم من المصنعيه وتغيير الطرمبة تقريبا 200 جنية حاجه كده قولتلوا ماشي بكام الطرمبة قالي ثواني ويعد شويه قالي 2850 جنية
طبعا اتصدمت ليه يا عم انا عارف انها في التوكيل عمرها ما تعدي الفين بالتركيب قالي ده السعر اللي عندي
كلمت مركژ الخدمة بتاعي بكام الطرمبه قال الف وخمسائة بس
المهم جيه واحد تاني تقريبا صاحب المركز قولتلوا انا مش عامل حسابي ممكن اشتري من بره اوغير عندكو قالي ماشي قولتلوا والكشف هيتخصم من المصنعيه قالي مين قال كده قولتلوا المهندس اللي كان هنا قالي لا طبعا انت جاي عايز تكشف ولا عايز تغير طلمبة قولتلوا انا مش ميكانيكي انا عربيتي عطلت في طريق سفر و تقديري ان ده العطل شوف انت وقولي قالي لازم اكشف يا اما اغيرلك طلمبة زي طلبك
ومرضيش ابدا حتي يسمع بيحصل معايا ايه وممكن يكون ايه
كان عايز 250 كشف + 2850+200 طلمبه ومضنعيه غير جوان يعني هدفع قري 4000 جنيه قولتلوا طيب مين بيبيع قطع غيار تويوتا في شرم قالي. معرفش يا عم انا غريب واول مره ازور شرم قولاي مين قالي معرفش قولتلوا هروح اسال على الطلمبه يره
رحت دورت لغاية لما وضلت لمركز بيع قطع عيار معتمد من تويوتا ناس محترمه الطلمبة الاصلي ب 1200 جنيه وعنده هاي كوبي ب 350. قولتلوا طيب انا عايز ميكانيكي محترم قالي ثواني كلم صاحب المحل وكان جاي
شويه جيه استاذ مجدي صاحب المحل وقالي انه هيفتح مركز الخدمة بعد 3 ايام عشان لسه بيتوضب وقالي تعالى
راح للميكانيكي قالوا على العيب الميكانيكي طلع فاهم وبتاع تويوتا بس عرف العيب قالي نجرب ضغط الطلميه لقاه ضعيف قالي بس عايز مفتاح اسشيال عشان الغطاء استاذ مجدي فضل يتصل باللي يعرفهم لغاية لما بعت اينه بالعربيه يجيبه من واحد تاني وغيرنا الطلمبه ومكنش راضي ياخد فلوس قالي لا لما توصل بالسلامة
شكرتة واصريت ودفعت 350+ 50 مصنعية
بصراحه راجل محترم جدا
ادعولي اوصل القاهره بالسلامة ان شاء الله

[lancer06]

السلام عليكم ورحمه الله
مرحبا اخى الكريم
اولا ربنا يبلغك السلامه وترجع لبيتك انت واللى معاك بالسلامه
ثانيا امثال اللى حكيت عنهم اللى بيكرهو الناس فى انهم يقربو للتوكيل
مش معنى انك فى بلد سياحى ان اسعار قطع الغيار تبقى سياحيه
لدجه انهم يزوده ١٣٠٠ جنيه فى طرمبه بنزين مع فلوس الكشف رغم انك قايله على العطل بنفسك
ربنا يرحمك ويرحمنا من الجشع

[hesham fawzy h]

توصل بالسلامة ان شاء الله

[mohammadrashee]

توصل بالسلامة ان شاء الله

شكرا جزيلا ليك

[mohammadrashee]

السلام عليكم ورحمه الله
مرحبا اخى الكريم
اولا ربنا يبلغك السلامه وترجع لبيتك انت واللى معاك بالسلامه
ثانيا امثال اللى حكيت عنهم اللى بيكرهو الناس فى انهم يقربو للتوكيل
مش معنى انك فى بلد سياحى ان اسعار قطع الغيار تبقى سياحيه
لدجه انهم يزوده ١٣٠٠ جنيه فى طرمبه بنزين مع فلوس الكشف رغم انك قايله على العطل بنفسك
ربنا يرحمك ويرحمنا من الجشع

شكرا ليك بس ده كش التوكيل لو توكيل ميقدرش يعمل كده
اكتر حاجه ضايقتني انه بيستغل ظروفي ان شاء الله هعمل شكوى في تيوتا ايجيبت

[moha sasa]

- استغلال لحاجات الناس. مفيش رحمه.

- الشاطر إللى ياخد من جيب أخوه ويحط فى جيبه.

[mohammadrashee]

- استغلال لحاجات الناس. مفيش رحمه.

- الشاطر إللى ياخد من جيب أخوه ويحط فى جيبه.

والله مش عارف اقول ايه في اللي بيستغل الناس
انا بعت شكوى رسمية في تويوتا ايجيبت