سعر تويوتا كورلا 2009 جنوب افريقي

[mado77]

فى عربيه تويوتا كورولا 2009 جنوب افريقي فبريكة بالكامل عدا الاكصدامين ورفرف
اعلى فئة بصمة و زينون واطى وفوجات فرش جلد طبيعى
شفتات الطارة مش شغاله (بيقول معطله من الجزء اللى تحت الكلاكس)
و كاسيت ٦ سى دى وطارة مالتى
عداد 140 الف كيلومتر ...

صاحبها طالب 110 الف جنيه .. سعرها كده مناسب ولا ايه ؟

وصيانه الفتيس في التوكيل كل قد ايه ؟

[Ahmed emad has]

اللي هيشتري الموديل ده لازم يعرف شوية حاجات كده . الفتيس لازم يكون اتعمل ليه التحديث الاخير واللي عملوا خد ضمان مدي الحياة علي الفتيس . الفتيس ده بتغير فيه القطعة مرة واحدة وبتاخد ضمان عليها 5 سنين وهتبوظ في اقل من سنة بس التوكيل محترم وهيغيرهالك في الضمان ويديك ضمان جديد وهكذا . متنقلش من وضع الاوتو للمانيول والعربية ماشيه . الفتيس بينتش نتشة محسوسة اوي . اداء الفتيس بطئ و ضعيف نسبيا .


الموديل جودة التقفيل جيدة بس مش زي الياباني . القطع بتاعة العربية غير معمرة الاعتمادية قليلة شويه


لازم تبقي عارف ان طول منتا ماشي في احتمال كبير يحصل مشكلة . ممكن برضوا الفتيس فجاءة تلاقيه باظ خالص ودي حصلت وانا شوفتها مرة بس ده عامه احتمال ضعيف جدا

لازم تتعامل مع العربية براحة اوي لان القرص الجامد والتصرفات الغير متوقعة بتبوظ الفتيس

بما ان الشيفتات مش شغالة و الكيلو متر عالي وفيه اجزاء مرشوشة في العربية سعرها خيالي و بعيد اوي عن سعرها . في وجه نظري سعرها لا يتعدي 90

اكشف عن العربية وعن الفتيس في التوكيل واتاكد ان كل الصيانات معمولة صح في ميعادها وان كل التحديثات بتاعت الفتيس اتعملت ، اتاكد ان الفتيس عليه ضمان مدي الحياة . اتاكد ان كل قطعه في العربية سليمة

بالرغم منكل السلبيات اللي في الموديل ده بس للامانه العربية حلوة ومريحة وهادية و عمليه جدا بس لو حافظت عليها صح


بالتوفيق في الشراء مع كامل تحياتي ؛؛؛

[mado77]

شكرا ياباشا على الاهتمام والحمد لله كنت هلبس جامد اوى بس ربنا ستر

[ahmedsl]

السلام عليكم

الحمد لله ان ربنا سترها معاك فى العربية دى تحديدا

بالنسبة للكورولا الجنوب ولله الحمد انا معايا واحدة موديل 2008
الفتيس ضمانه مدى الحياة وليس 5 سنوات
اخر تعديل للفتيس اللى هو شغالين فيه من السنة اللى فاتت الى الان هو تغيير الفتيس كاملا بالكنترول بالضفيرة باخر نفس النوع جديد تماما وضمانه مدى الحياة
اى حاجة خاصة بالفتيس التوكيل مسئول عنها تماما
موضوع النتشة ده انا ولله الحمد ماحسيتش بيه تماما من يوم ما جبتها وعلى فكرة بقالها معايا اكتر من سنة وعاملة 130000 كيلو
بالنسبة للسحب والقرص الجامد بفضل الله العربية بتستجيب لكل شىء ومخذلتنيش الى الان

كل اللى هى عيزاه منك انك تعرف طريقة سواقتها الصح ايه

عاوز تجرى هى معاك
عاوز تمشى براحتك وتوفر هى برضه معاك

التقفيل احسن من اليابانى والعفشة ممتازة عن اليابانى حتى بشهادة الصنايعية ومصفحة بالكامل من تحت وليس فبرة بلاستيك

اى استفسار عنها تحت امرك
وربنا يوفقك للخير ان شاء الله

م/ احمد غريب

[Selbasha3]

كلام مضبوط 100%

[mado77]

السلام عليكم

الحمد لله ان ربنا سترها معاك فى العربية دى تحديدا

بالنسبة للكورولا الجنوب ولله الحمد انا معايا واحدة موديل 2008
الفتيس ضمانه مدى الحياة وليس 5 سنوات
اخر تعديل للفتيس اللى هو شغالين فيه من السنة اللى فاتت الى الان هو تغيير الفتيس كاملا بالكنترول بالضفيرة باخر نفس النوع جديد تماما وضمانه مدى الحياة
اى حاجة خاصة بالفتيس التوكيل مسئول عنها تماما
موضوع النتشة ده انا ولله الحمد ماحسيتش بيه تماما من يوم ما جبتها وعلى فكرة بقالها معايا اكتر من سنة وعاملة 130000 كيلو
بالنسبة للسحب والقرص الجامد بفضل الله العربية بتستجيب لكل شىء ومخذلتنيش الى الان

كل اللى هى عيزاه منك انك تعرف طريقة سواقتها الصح ايه

عاوز تجرى هى معاك
عاوز تمشى براحتك وتوفر هى برضه معاك

التقفيل احسن من اليابانى والعفشة ممتازة عن اليابانى حتى بشهادة الصنايعية ومصفحة بالكامل من تحت وليس فبرة بلاستيك

اى استفسار عنها تحت امرك
وربنا يوفقك للخير ان شاء الله

م/ احمد غريب

طب وبالنسبه للسعر يابشمهندسذ

[Ahmed emad has]

السلام عليكم

الحمد لله ان ربنا سترها معاك فى العربية دى تحديدا

بالنسبة للكورولا الجنوب ولله الحمد انا معايا واحدة موديل 2008
الفتيس ضمانه مدى الحياة وليس 5 سنوات
اخر تعديل للفتيس اللى هو شغالين فيه من السنة اللى فاتت الى الان هو تغيير الفتيس كاملا بالكنترول بالضفيرة باخر نفس النوع جديد تماما وضمانه مدى الحياة
اى حاجة خاصة بالفتيس التوكيل مسئول عنها تماما
موضوع النتشة ده انا ولله الحمد ماحسيتش بيه تماما من يوم ما جبتها وعلى فكرة بقالها معايا اكتر من سنة وعاملة 130000 كيلو
بالنسبة للسحب والقرص الجامد بفضل الله العربية بتستجيب لكل شىء ومخذلتنيش الى الان

كل اللى هى عيزاه منك انك تعرف طريقة سواقتها الصح ايه

عاوز تجرى هى معاك
عاوز تمشى براحتك وتوفر هى برضه معاك

التقفيل احسن من اليابانى والعفشة ممتازة عن اليابانى حتى بشهادة الصنايعية ومصفحة بالكامل من تحت وليس فبرة بلاستيك

اى استفسار عنها تحت امرك
وربنا يوفقك للخير ان شاء الله

م/ احمد غريب

مع كامل تحياتي لك ؛؛؛

انا مش عارف حضرتك اتعاملت مع المودل الفييس ليفت الياباني اللي نزل في الفترة من 2011 ال 2013 . انابنيت كلامي علي المقارنة بينهم . الاداء كان اقوي جدا جدا جدا جدا جدا في الموديل 2012 . استجابة الموتور والفيتيس في الموديل الاحدث كانت اسطورية . وفي الموديل الاسبق ال1600 كان الاداء اعلي كثيرا . اداء الجنوب افريقي قوي جدا مع اي عربية بس بالمقارنة مع الموديل الاسبق و مع الشكل المعدل جعلت الفارق كبير جدا لذلك اداء الجنوب افريقي اقل مع العلم اني اتعاملت مع العربيات دي لفترات طويلة .




للعلم الياباني مصفح بالكامل من الاسفل


انا سمعت ان النتشة اتعالجت بس حتي سنتين لما كنت بسوقها كانت موجودة ومحسوسة جدا .



التقفيل الياباني كان افضل وده لان الياباني مشيت 120 الف كيلو مع احد اقرابي دون وجود مشكلة او صوت او شيئ غير معتاد . عكس ما كان يحدث مع الجنوب افريقي من مشاكل عالجها التوكيل .

العفشة ممتازة في الموديل الجنوب افريقي والياباني

مما لاشك فيه ان الموديل ده في نقاط ضعف كثيره و الا ماكان نزل سعره حتي لحد رنج التسعين والتمنين . اما الياباني سعره من 150 لحد 175 للهاي لاين

انا مازلت باكد ان الموديل ده كويس وان عيوبه يمكن تتلافي بسهولة

تحياتي ؛؛؛

[Selbasha3]

بالنسبه لسعر السوق السياره كده غاليه قوى و اذ نويت تشتر شوف الشيفتات الووجب و السالب وشوف دو اصلاحهم ضمن الضمان ام لا و على فكره السياره تستحق اكثر من سعر السوق هذا و لكن هذا سعر السوق

[sayofa]

يا باشا اعذرنى على الازعاج بس كنت عايز اعرض على حضرتك مشكلة فى الجنوب افريقى 2009 - هى العربية تمام وزى الفل واتعملها اخر تعديل للفتيس بس المشكلة اللى حصلت معايا ان لمبة الabs نورت والفرامل هربت وربنا سترها على الدائرى رحت فصلت فيشة الabs بعديها بكام يوم لمبة الفتيس نورت والفتيس بطل ينقل - بيمشى على الاول بس والدركسيون بيتحرك بالعافية - رحت التوكيل بتاع العباسية قاللى الabs عايز يتغير والمفاجاة الجميلة :) ان ثمنه 17000ج (سبعة عشر ألف جنيه) قولتله هوا باظ ليه قاللى معرفش - طب هو مثلا سوء استخدام منى ؟ قاللى ملوش علاقة - عروستى - طب ايه الحل ؟؟؟؟ محدش عارف ولا انا كمان واكيد مش هادفع المبلغ ده

[Ahmed emad has]

يا باشا اعذرنى على الازعاج بس كنت عايز اعرض على حضرتك مشكلة فى الجنوب افريقى 2009 - هى العربية تمام وزى الفل واتعملها اخر تعديل للفتيس بس المشكلة اللى حصلت معايا ان لمبة الabs نورت والفرامل هربت وربنا سترها على الدائرى رحت فصلت فيشة الabs بعديها بكام يوم لمبة الفتيس نورت والفتيس بطل ينقل - بيمشى على الاول بس والدركسيون بيتحرك بالعافية - رحت التوكيل بتاع العباسية قاللى الabs عايز يتغير والمفاجاة الجميلة :) ان ثمنه 17000ج (سبعة عشر ألف جنيه) قولتله هوا باظ ليه قاللى معرفش - طب هو مثلا سوء استخدام منى ؟ قاللى ملوش علاقة - عروستى - طب ايه الحل ؟؟؟؟ محدش عارف ولا انا كمان واكيد مش هادفع المبلغ ده

الفتيس ملوش علاقة بالabs قصدي ان دي مشكلتين مش مشكلة واحدة . سيبك من مشكلة الفتيس لانها مش مهمة اوي . خليك في مشكلة الفرامل . اكشف علي العربية في مكان غير التوكيل عشان تتاكد ان فعلا جهاز الabs بايظ مع العلم ان العربية طبعا خارج الضمان عشان كده التوكيل ملوش دعوة بيك .التوكيل كويس الا حد ما . نصيحة مني لو فعلا الabs بايظ غيره في التوكيل وادفع ال17 الف لانك لو غيرته بره التوكيل هتتبهدل .