تويوتا عيون 98

[احمد السيسى]

السلام عليكم
اخوانى الاعزاء معروض عليا عربيه تيوتا عيون موديل 1998
الدواخل شركه يعنى فبريكه وحالة الماتور فوق الممتاز 1300
رشه بره
الحالة العامه ممتازه بها تكيف وسنتر فقط الكوتش والبطاريه جيده الصالون ممتاز عليه فرش جلد على فرش المصنع اللون زيتى
مطلوب فيها 47000 فهل هذا السعر كويس ولا هينضحك عليا
مع العلم ان العربيه شيفها شخصين محترفين واكدو الكلام
رجاء الرد

[احمد السيسى]

نسيت اقلكم ان الفتيس 4 غيار

[A7medelfe2y]

انا كنت لسه هقول المعلومه الاخيره دي
لاني كنت بشتريها قبل الافيو
عداد 240000
رشه بره لاول مره
فرشها الاصلي زيرو لانه متغطي بكسوه علطول
المهم الفايده فيها كانت 53
وانا قولتله 45

[hesham fawzy h]

العربية دى 5 نقلات و ريفيرس .. العربية دى معاية ممتازة بمعنى الكلمة


بس ازاى اربع نقلات ؟؟؟؟

[احمد السيسى]

دى استندر كده بس قلولى السعر ده كويس ولا غالى قبل ما اشترى وهل العربية دى كويسه

[hugan]

دى استندر كده بس قلولى السعر ده كويس ولا غالى قبل ما اشترى وهل العربية دى كويسه

فعلا اسمها استاندر
ومفيش فيها زجاج كهرباء واربعه غيار
العربيه دي ركبتها سنه 99كانت زيرو
تكييف تلاجه وكانت ناعمه جدا

[Ahmed emad has]

الكيلومتر كام ؟ عامة ده سعرها كده يعتبر كويس اوي ومش غالي خالص . بس لو كانت كويسه

[hesham fawzy h]

طيب انا معايا و خمس نقلات و ريفيرس


لو مش مصدق تعالة اخدك لفة

[احمد السيسى]

يعنى ايه ريفيرس

[AHMEDJUDDY]

العربيه دي حماله قسيه ... واحد صاحبي معاه العربيه دي و مهمل جدا جدا جدا فيها و مع ذلك العربيه عمرها ما عملت حاجه وحشه معاه ... لدرجه أنه من إهماله في مره غير زيت الموتور اللي بيقعد بالكثير 10000كم غيره بعد استعمال 40000كم و الموتور محصلهوش أي حاجه و العربيه زي العنب معاه ... و بتحايل عليه يغيرها وهو مش رادي و ماسك فيها اكنها عيل من عياله .

[احمد السيسى]

يا جماعه حد يرد علينا سعر العربيه مناسب ولا لاء

[dodo9924]

السعر كويس جدا
انا بادور على واحدة اوتوماتيك في اسكندرية ومش لاقي عربية ملهاش حل

[islamhassan]

يا فندم العربية دي ٤ غيار يعني متشتريهاش اساسا لانها بينزل منها خمسة غيار زائد المارشدير فالاحسن لو انت دماغك كورولا عيون يبقي تجيب الخمسة غيار وعلي فكرة انا معايا العربية دي موديل ٩٩ وهي عربية محترمة جدا جدا خاصة ان معظم اللي ركبنها رجالة كبار يعني ملهمش غي الهري بتاع الشباب خلي بالك في منها مانيوال واتومانيك وفي منها زجاج عادي وفي منها اننين كهربا وفي الاربعة كهربا انا انصحك بيها موفرة ومعمرة وناعمة جدا بي علشان تركبها نضيفة هتعمل ٥٥ الف اقل من كده مش هتبقي حلوة وكفاية انها ياباني بسعر الكوري ده اللانوس دلوقتي تخش في الخمسينات وطلعت ولا نزلت كوري برضو واسف للاطالة علي فكرة انا عربيتي الحمد لله فبريكة بالكامل واربعة زجاج كهربا وفتيس مانيوال واتحطلي فيها ٥٥ وانا مسكت علي ٥٦بس الراجل كان بيتحجج ان الموتور خفيف شوية قلتله خليها هي كده عجباني واسف للاطالة عليكم