تويوتا إيكو سيدان موديل 20014

[Ahmedbasha14]

السلام عليكم ورحمة الله وبركاته
إخوانى الأعزاء

معايا تويوتا إيكو سيدان موديل 2004 أتوماتيك
ماشية حوالى 350000 كيلو
العربية معايا من حوالى 4 سنين
الحمد لله من يوم ما اشتريت العربية مفيش مشكلة كبيرة ظهرت

المشكلة الأولى : لمبة الحرارة

حالياً إن من حوالى 6 شهور لمبة الحرارة نورت وانا ماشى على 160 وطبعا وقفت على طول لحد ما العربية بردت ومشيت تانى عادى ومحصلش مشاكل بس طبعا قللت سرعتى لحوالى 140
وبعدها بكام شهر وانا ماشى على 140 لمبة الحرارة نورت تانى وطبعا وقفت برضه لحد ما العربية بردت وكملت تانى المشوار.

امبارح وانا ماشى 120 نفس المشكلة اتكررت وكان تصرفى كما سبق

روحت كشفت على العربية بالكبيوتر والنتيجة مفيش حاجه وكله تمام
روحت لميكانيكى وكهربائى شافوا مروحة الرديادتير وكان كله تمام برضه
علماً بأنى أستخدم مياة خضرا للريديادتير

المشكلة الثانية : الفرامل

الفرامل ضعيفة وكل اللى بيركب العربية يقولى العربية فراملها وحشة جدا بس من الواضح انى أخدت على الفرامل وعرفت ازاى استخدمها .
علماً بأنى غيرت التيل الأمامى والخلفى وإستخدمت التيل الأصلى بس مفيش أى تحسن يذكر

ومتشكر جدا لحضراتكوا وفى إنتظار ردود الخبراء

[Mecha]

35 ولا 350 الف كم ؟؟

[yassermahmmoud]

ما شاء الله ماشية 350 ألف ولسة ماشية !!