كتالوج كورولا 2004 معشوقتي الخاصه ميديا فاير اي خدمه

[dr.mero90]

لكل ملاك تويوتا كورولا 2004 مانيوال او اوتوماتيك دا الكتالوج اللي بقالي اسبوع بدور عليه و الحمد لله لقيته و حبيت اني اشارككم الموضوع لان زمان ناس كتير محتاجاه زى حالاتي
بما اني بعشق العربيه دي ارجوكم خلو بالكم منها و اقرو الكتالوج كويس لان فيه معلومات كتير احنا بنعملها غلط و مش واخدين بالنا منها و بنأذي العربيه بنفسنا
انا بقالي يومين بقرأ فيه لو حد محتاج حاجه ف الكتالوج يسالني و انا هحاول ارد عليه علي اد ما قريت و من غير ما افتي ف حاجه
https://www.mediafire.com/folder/9d99is7gz5u43/toyota

[joon2]

برنس ( محتاجه من زمان )

[dr.mero90]

برنس ( محتاجه من زمان )

الله يعزك يا باشا و الله انا نفسي دخت علي ما لقيته بفكر اعمل موضوع كامل عن كل كتالوجات التويوتا من اول ال 2003 لحد 2016 بس هياخد كام يوم عقبال ما المهم و ارفعهم لان النت هنا سريييييييييييييع هههههههههههه

[البليهيس]

بحاول انزله بيقولي بي دي اف غير صالح ارجو من حضرتك المساعده لامي محتجاه

[البليهيس]

لو في مجال حضرتك تكتبلنا اهم ما فيه نوع الزيوت والحجات المهمه يبقي جزاك الله خير

[dr.mero90]

لو في مجال حضرتك تكتبلنا اهم ما فيه نوع الزيوت والحجات المهمه يبقي جزاك الله خير

دي يا فندم كافه الحاجات اللي موجوده ف الكتالوج بمواصفاتها المطلوبه للعربيه دي اخيرا لقيتهم ف الكتالوج ههههههههههه
البوجيهات denso sk16r11 او ngk 1fr5a11
زيت المحرك 5w30 SL و لو مش موجود يبقي 10w30 و الغيار اللي بعد تحط 5w30 و الله مكتوب كده ههههههههههه
الفتيس الاتوماتيك ATF Type-1v
steering DEXRON 2 OR 3
BRAKES FMVSS No116 DOT3 OR SAE J1703
CLUTCH زى الفرامل الظبط و دى مش فاهمها
تفتكرو بقي اجيب الحاجات دى منين بنفس المواصفات
تحت امر حضرتك بس فيه واحد هنا ف المنتدي بيقول ان زيت المحرك اللي نوعه slدا قديم عشان المكينه بتاع الموديل دا قديمه و مفيش مشكله لو حطينا زيت sn او sm دا هيبقي افضل و انا مستني مع حضرتك يمكن حد يفيدنا ف النقطه دي لاني مش عارف بصراحه انا نقلت لحضرتك المكتوب ف الكتالوج بنفس النص و تقدر حضرتك تراجعهم من الكتالوج يا رب حد يفيدنا

[dr.mero90]

انا نزلت سالت ع الزيوت المطابقه للمواصفات دي بتاع المحرك لقيت موبيل ١ وكمان كاسترول ماجنيتك و بترومين a1 و شيل هيليكس الترا
وبصراحه مش عارف انهي ماركه فيهم احسن انا كنت بستعمل موبيل ١ 0w50 قبل ما اقرأ الكتالوج ههههههههه

[البليهيس]

صباح الخير يا دكتور في ناس كانت بتقول امسويل كويس ....بس انا بشيك ع الموضوع كل يوم يمكن نلاقي ردود...بس انت مقلتش عملت ايه ف التعديلات اللي قلت عليها انا مستنياك وحعمل زيك بالظبط......

[dr.mero90]

صباح الخير يا دكتور في ناس كانت بتقول امسويل كويس ....بس انا بشيك ع الموضوع كل يوم يمكن نلاقي ردود...بس انت مقلتش عملت ايه ف التعديلات اللي قلت عليها انا مستنياك وحعمل زيك بالظبط......

حضرتك تقصد ال ليكوي دا اسمه تقريبا دا انا سمعت عنه بلاوي
تعاليو اضحككم علي الطنطاويه احنا عندنا فرع بترومين و عامل يافطه بعرض الطريق بتروووومين قولت اروح اشتري منهم بقي دا انا ما صدقت بترومين بقي لقيت الرجاله بتبيع موبيل و شل و التعاون قولت ف بالي ازاي بترومين العالميه بتبيع للمنافسين بصراحه قلقلت طلعت التليفون ادور علي رقم بترومين الفرع الرئيسي عشان اتاكد و خير اللهم اجعله خير تطلع بترومين ملها اي موزع ف الغربيه بحاله ههههههههه
احنا اللي سرقنا بترومين هااااااااع ههههههههههه

[البليهيس]

ههههه ده النصب علي مزاجك...في القاهره كلها ....حاجه مخزيه وغير مريحه بالمره....ربنا يهدي

[dr.mero90]

ههههه ده النصب علي مزاجك...في القاهره كلها ....حاجه مخزيه وغير مريحه بالمره....ربنا يهدي

احنا يعني ف طنطا بلد مش كبيره اوى و عشان كده اي حاجه بتبان فيها بسرعه مش زي القاهره بس اللي فكر ف الفكره دي دماغه حلووه هههههههه

[dr.mero90]

بحاول انزله بيقولي بي دي اف غير صالح ارجو من حضرتك المساعده لامي محتجاه

انا اسف و الله لسه شايف التعليق دا دلوقتي عشان كنت فاتح من التليفون
اتفضل حضرتك دا رابط تاني و بعتذر مره كمان
https://www.mediafire.com/folder/9d99is7gz5u43/toyota

[البليهيس]

كلك زوق يا دكتور واشكرك

[waled4u]

ممكن الكتالوج يا غالي محتاجه والرابط لا يعمل

[some11]

ما يحتاج تحمل أي ملفات
تستطيع استعراض أي قطع غيار تويوتا كورولا تحتاجها سيارتك وشراءها مباشره بدون انتظار من أفيال
afyal.com