آسعار الكورولا الجديدة - مين هايشتري !!!

[hero]

لاحظت في الفترة الحالية ان تجار السياارات و سماسرة السيارات و ملاك الكورولا زودوا سعرها كمان 20 الف جنية .... يعني الفئة الثانية في ناس عارضاها علي 250 الف مستعمل

لو افرتضنا ان معاك فلوسها و زيادة كمان.....

ترضي تشتري عربية بازيد من سعرها بـ 45 الف جنية ...يعني بسعرها و 25% من سعرها اوفر....

علشان شوية تجار و ناس قرروا يعملوا كدة.....

انا عن نفسي ... من عشاق تويوتا....و راكب تويوتا...و كنت ناوي اشتري كورولا ....

بس عمري ما هاشتريها بمليم اكثر من سعر التوكيل.... لو سعر التوكيل زاد عن سعرها الحالي لاي سبب...

يبقي بلاها تويوتا و بلاها كورولا ....و هاشوف بديل تاني ....

وجهه نظري...

انتوا اية رأيكوا ....؟؟؟

[tasaka]

ما هو ساعتها .. برضه البديل الاقل ستجده مبالغ فى سعره

و بالتالى ستنظر لفرق السعر بين السيارتين .. و ستجد نفسك مجبر

الحل .. بلاها جديده .. بلاها عربيات

[mr_green]

التجار بيبيعوها على أساس إنها سلاح أو بودره بجد والله

بكلم سمير ريان من إسبوعين أسأل عليها تخيل الرد إيه

- موجوده يا باشا
- أنهى فئة و بكام
- موجود الفئة الأولى بس دلوقت ب 240 ألف
- 240 !!!
- آه و ياتلحقها يا متلحقهاش بكره هاتزيد 5 تانيين
- شكرا

بقالى حوالى شهرين بتابع مع الوكيل و الرد دائما باب الحجز مقفول
إمتى هايتفتح
تابع معانا
طب أوريس
برده مقفول
طب عندكم إيه مفتوح
ياريس + فورتشنر بس يا فندم
شكرا


و من معلوماتى إن الوكيل عنده عربيات كثير بس بيعطش السوق و يسرب للتجار بدل من البيع المباشر و التجار يبيعوا ب أوفر برايس و أكيد التوكيل ليه نسبة و بعد فتره من التعطيش يرفع السعر و محدش هايتكلم

كلمت كذا تاجر أو موزع معتمد إللى يقولى مش موجوده و إللى يقولى مابديش السعر على التليفون للكرولا !!


بعد ما دورت خليت واحد معرفة يظبطلى سكه مع التوكيل قالولى باب الحجز مقفول أه بس ينفع نحجز للمعارف أو الأقارب !!!

قولتله ماشى
قالى 50 ألف و تستلم من شهرين ل 3 شهور
قولت أكيد هاتغلى
قالى ماتقلقش يوم ما تغلى مش هاتذيد عن 5 - 10
قولتله أمرى لله
قالى عدى عليا يوم كذا
كلمته أكد عليه إنى جايله
قالى فى إنتظارك
قولتله إن شاء الله خلال شهرين 3 ذى ما إتفاقنا
قالى ميين قال كده أنا قولتلك 4 شهور !!
قولتله لآ
قالى عمرى ما أقول شهرين تلاته دى أبدا
هات الفلوس و ربنا يسهل و لو ماعجبكش فى أى وقت السعر إسحب فلوسك


طبعا صرفت نظر و قولت خليهالهم بالهنا و الشفا
لا شكل و لا قيمه ولا كماليات

هى بس إعادة بيع و إعتماديه مش أكثر
بس فى عربيات تانية كثير إعتمادية و شكلا و كماليات أفضل و سعر أفضل

[M.Radwan]

عندهم حق إذا كان غبور منزل الإلنترا الجديدة بأسعار مقاربة وشوية وهتلاقي السيراتو 2017 محصلاهم..خلاص اللى معاه عربية دلوقتي بجد حرام يفرط فيها ويشتري جديد

[volociximab]

270 الف جنيه يعنى حوالى 120 الف ريال ممكن تجيب عربيتين اوبتما كل واحده فيهم 2400 سيسي
او 2 عربية مازدا 6 2400 سي سي
او هيونداى ازيرا
او هيونداى جنيسيس
او كيا كادنزا
او شفر ماليبو و تاخد الباقى تشترى بيه بيكانتو لحارس العمارة
او تويوتا كامرى هاي لاين و تاخد الباقى تشتري بيه جيلي باندا لحارس العمارة

[megaarts]

بالرغم من حبي الكبير للعربيه دي بس
270 الف دول ممكن يجيبو حاجات كتير جدا افضل من الكورولا يعني مثلا علي سبيل المثال ممكن قشقاي اعلي فئه او سوبارو xv اعلي فئه برضو او فورد فيوجن و حاجات تانيه كتير اعلي من الكورولا مع احترامي

[رامي مصطفى]

لما غبور ينزل الجيلي امجراند ب 101.5 الف والله عايز ايه من الكورولا!!!!!
اللانوس وصلت 96 الف

[Yehya Badr]

270 الف جنيه يعنى حوالى 120 الف ريال ممكن تجيب عربيتين اوبتما كل واحده فيهم 2400 سيسي
او 2 عربية مازدا 6 2400 سي سي
او هيونداى ازيرا
او هيونداى جنيسيس
او كيا كادنزا
او شفر ماليبو و تاخد الباقى تشترى بيه بيكانتو لحارس العمارة
او تويوتا كامرى هاي لاين و تاخد الباقى تشتري بيه جيلي باندا لحارس العمارة

حلوة تجيب عربية لحارس العمارة !

[mmsobhi]

والله الفلوانس كده حلال فيها الفلوس

[hossam_elwani]

سرقه واستغلال فى عربيه اقتصاديه لاتستحق ده كله

[adorehearts]

الشعب المصري بيجني ثمار الفهلوه ، تجار العربيات بيضحكو على الناس وبيفضلو يقلولهم اشترو اشترى دي هتغلى ومحدش فكر ولو للحظة إن العربيات دى متستاهلش قيمتها ، لكن مفيش ثقافة والعشوائية بقت مسيطرة على كل حاجة في مصر ، ولسه " اذا لم تستحى فافعل ماشئت "

[Colin Chapman]

الشعب المصري بيجني ثمار الفهلوه ، تجار العربيات بيضحكو على الناس وبيفضلو يقلولهم اشترو اشترى دي هتغلى ومحدش فكر ولو للحظة إن العربيات دى متستاهلش قيمتها ، لكن مفيش ثقافة والعشوائية بقت مسيطرة على كل حاجة في مصر ، ولسه " اذا لم تستحى فافعل ماشئت "

https://www.youtube.com/watch?v=Hl8gO-GZCPM

[دعبدالرحيم]

اللي معاه بز يتبز ههههه ...اقتصاد الدوله في ايد المافيا يعلي الدولار وكله يعلي ويلعلع..ويدلع ويولع..

[AHMEDJUDDY]

حسبي الله و نعم الوكيل

[جلال كشك]

اللى بيحسبن واللى بيمصمص لسانه
مع احترامى للجميع
اللى معهوش ميلزموشك
بص للنص المليان وعلى قد لحافك مد رجليك