فضيحة تابلوه كورولا 2008

[MSweedy]

انا رحت فرع العباسية وقالوا انهم هايغيروا قشرة التابلوه . وهو الجزء التالف اللى فيه مشكلة السياحان.
ياترى هو ده اللى انتم غيرتوه ، ولا لو الجزء ده فقط اللى اتغير ممكن يعمل مشكلة؟
ارجو الافادة ، مع العلم ان بقية التابلوه مفهوش اى مشكله

[ramyooooo]

يا ريت حد يقولى أروح لفرع ايه
أنا ساكن فى اكتوبر بس لو هروح للتجمع ويغيرو التابلوه أنا معنديش مشكلة
الاستاذ triomphe ياريت تفيدنى بالمفروض أعملو

[ramyooooo]

هل من جديد يا شباب نايل موتورز بخصوص التابلوه الملزق ده ؟؟؟

[az01234]

تم التغير و الحمد لله بدون اى صعوبات الا الوقت و ان كانت الخامة ليست جيده

[ramyooooo]

اين المكان اللى أستطيع تغيير التابلوه الملزق ده فيه وفيه تكلفة ولا لأ

[az01234]

سلام الله عليكم
هتروح التجمع او العباسية و هتقدم طلب تغير قشرة التبلون و ممكن يخرج يصورها و لو موجود اللون هتاخد الموفقة و تتغير لو مش موجود هيدولك ميعاد وانت تتابع مع المهندس اللى هيديك رقمه و بدون اى تكلفة

[ramyooooo]

سلام الله عليكم
هتروح التجمع او العباسية و هتقدم طلب تغير قشرة التبلون و ممكن يخرج يصورها و لو موجود اللون هتاخد الموفقة و تتغير لو مش موجود هيدولك ميعاد وانت تتابع مع المهندس اللى هيديك رقمه و بدون اى تكلفة

طيب ممكن سؤال بعد إذنك
انت قولت الخامة موش قد كده بمعنى انها موش جلد مثلا زى القديمة وقلبوها بلاستيك
ولا تقصد فيه مشكلة بعد التركيب
وهل يوجد توكيل فى اكتوبر أقدر أغير القشرة دى ولا لازم فرع العباسية أو التجمع ؟

وأشكرك لسرعة الرد

[az01234]

الخامة بلاستيك و نصيحة اشترى مادة ملمع نظيفة ممكن غالية شوية بس هتظبط اللون و فى التركيب قلهم يزودو شريط اللزق شوية علشان التزيق . و بخصوص مكان فى اكتوبر انا معرفش الا المركزين بتوع التوكيل اللى فى العباسية و التجمع وانا غيرت فى التجمع .اخيرا مفيش شكر بين اهل المنتدى احنا كلنا اخوه

[Amouri 9]

جزاكم الله خيرا يا جماعة
انا عندي نفس المشكلة دي من 3 سنين و للاسف لما رحت التوكيل ايامها مكانش في اي اهتمام
و عرفت بموضوع التغيير ده منكم
انا من اكتوبر و هروح علي فرع ابو رواش و اسال و هاقول لكم علي اللي حصل معايا ان شاء الله

[amouri]

يا ريت حد يقولى أروح لفرع ايه
أنا ساكن فى اكتوبر بس لو هروح للتجمع ويغيرو التابلوه أنا معنديش مشكلة
الاستاذ triomphe ياريت تفيدنى بالمفروض أعملو

انا عندي نفس المشكلة دي من 3 سنين و للاسف لما رحت التوكيل ايامها مكانش في اي اهتمام
و عرفت بموضوع التغيير ده منكم
انا من اكتوبر و رحت علي فرع ابو رواش و اسال و كشفوا علي التابلويد و سجلوا شكوتي و قالوا لي انهم هيتصلوا بيا لما التابلويد يوصل،،،
المهندس قال لي ان الموضوع بياخد شهور !!!!!!??????

[mok50]

ماذا افعل

اولا اشكركم بخصوص هذا الجروب المحترم للحفاظ علي حقوق المستهلك المصري ( الغلبان )
ثانيا ظهرت عندي مشكلة التابلوه من سنتين تقريبا. وبصراحة مكونتش عارف اعمل ايه لاكنها بصراحة مشكلة بايخة ومقرفة في نفس الوقت



انا فى البحر الاحمر ----- ماذاا افعل

[ramyooooo]

أنا عندى المشكلة دى من 4 سنوات وكنت بحاول أدور على تابلوه أصلى من الحرفيين بس للأسف كلها جنوب أفريقى يعنى بيسيح بعد فترة
وللأسف اللى موجود كلو يمين وأنا الطارة شمال طبعا وموش عاوز بتاعة التوكيل لأنها بلاستيك وأنا موش دافع أد كده علشان أخد تابلوه بلاستك
والأصلى جلد أو شبيه بالجلد بس موش بيسيح
فاللى يلاقى حد عندو الجلد يقولى عربيتى كرولا 2008