تقرير عن تغير زيوت وصيانه وتظبيط لكورولا 2003

[mkarim]

التويوتا كورولا 2002 حتى 2007 من أحسن موديلات التويوتا كسحب وعفشه ناعمه وقويه وتكيف قوي و قله الأعطال
ولذلك نبدأ بالجسم الخارجي ثم عمل السمكره بسيطه لبعض التجاريح والاحتكاكات البسيطه وفك كل حاجه خارجيه بالسياره وتكلفت 1500 جنيه ثم مرحله الدهان و استخدمت بوهيه كابسي المصري بس العربيه طلعت حلوه والحبايه الميتالك ظهره واللون الفضي رجع لرونقه وتكلفتها 2200 جنيه
ثم عمل الفرش الداخلي جلد تفصيل لون بني فاتح مثل الفرش للسيارات الاسبور وتكلفتها 800 جنيه وتم تركيب فانوس شبوره وزينون للواطي بالضمان 75 وات 550 جنيه
وعمل فاميه حراري بالختم ب 300 جنيه
وتركيب جنوط تيواني 2400 جديد مقاس 15 وكوتش بريدجستون إندونيسي الفرده 580 جنيه بس فرقت جدا في الثبات على الطريق
وقريبا بدور علي دي في دي
الصيانه
1 الزيوت كلهها ليكوي مولى
زيت مأثور 5000 ب 140 جنيه واضافه تحسين اداء للماتور ونعومه و تهدئه صوت الماتور من ليكوي مولى ومنظف لدوره الوقود 50 جنيه
2 زيت الفتيس مع تغير مصفاه الزيت من ليكوي مولى جركن 5 لتر بحوالي 400 جنيه والباقي لتغير زيت الباور وطبعا فرق واضح في النقلات وعدم الحساس بالنقلات
3 الفرامل dot 4 ب 20 جنيه
4 المياه للرداتير وكانت من شركه فالفولين ب 60 جنيه
5 وتم تغير السيور للدينامو والتكيف
6 وطنابير إسباني 330 وتيل امامي تركي ب 100 جنه علشان إلى كان موجود بس حلو مش وحش وتيل خلفي
7 وعمود ميزان ب 250 للجوز تيواني
8 وجلب المقصات
9 وبعد الكشف الكمبيوتر تبين ضعف الايرماس الحساس المسؤول عن دخول الهواء للعمه والموتور بس بيفرق جدا في السحب والعزم استيراد ب 250
تغير عدد 2 موبينه لأن العربيه كانت بترعش والتكيف ضعيف
وفلتر الهواء وفلتر البنزين والطرمبه لاداء أفضل
وكمان فلتر التكيف
وحصل معايا عطل مفاجئ العربيه مش بدور بتعمل صوت اكنها هادور ومفيش طلع حساس الكرنك وجبته استيراد 200 جنيه
وقريبا ممكن اغير عدد أربع مساعدين استيراد 1300 جنيه
وزمان العربيه كانت بتاكل زيت وتم عمل طقم شانبر في الحرفيين
ممكن كمان نركب فوانيس أمامي بعدسات في حدود 2000 جنيه وخلفي 900 والدي في دي وبكده تبقى أحسن من أي عربيه زيرو
وأي استفسار احنا في الخدمه

[ahmed_eng2001]

اشكرك اخى الكريم على الافادة و على اسعار قطع الغيار

[Mohamed Desoky]

الف مبروك على الشغل الجميل ده لى سؤال لحضرتك انتى غيرت زيت ليكو مولى وهل هوافضل من زيت ويلفر

[mkarim]

الف مبروك على الشغل الجميل ده لى سؤال لحضرتك انتى غيرت زيت ليكو مولى وهل هوافضل من زيت ويلفر

أالله يبارك فيك نا في اعتقادي زيوت ليكوي مولى من أفضل أنواع الزيوت لأنها استيراد من ألمانيا وكمان ليهم موقع على النت وعلى الأندرويد علشان تعرف الزيت المناسب للسياره وكمان ممكن فالفولين أنا بصراحه معرفش حاجه عن زيوت ويلفر

[mkarim]

quote=ahmed_eng2001;3876076999]اشكرك اخى الكريم على الافادة و على اسعار قطع الغيار[/quote]

العفو أهم حاجه نتعلم من تجارب بعض

[omar101970]

الف مبروك وربنا يبارك ليك فيها
انا عندى نفس العربيه وهى فعلا عربيه جميله وتستاهل تصرف عليها.

[mkarim]

الله يبارك فيك عندك حق عربيه جميله بالمقارنه بالسيارات الجديدة بس ياريت تحكلينا عن تجربتك مع عربيتك من ناحيه الصيانه

[omar101970]

العربيه دى موجوده فى مصر وباستعملها بس فى اجازاتى.
بوجه عام انا باعمل صيانتها فى التوكيل.

[Sherif Mandoor]

مبروك علي الصيانه

[mkarim]

يا جماعة عايزين نعمل موضوع مثبت عن التويوتا كورولا من 2002 حتى 2007 كل إلى عنده تجربه عن الصيانه والاعطال يوقلنا

[S O P H O S]

مبروك الشغل الجميل
واضح حبك للموديل ده وعن تجربة عربية تستحق

[mkarim]

فعلا موديل تحفه من أحسن موديلات تويوتا

[Lifz_Good]

لما تنوي عالفوانيس والصوتيات ... تعالى هنا

https://www.facebook.com/groups/original2016

01026006111
01020642658

[mkarim]

مبروك الشغل الجميل
واضح حبك للموديل ده وعن تجربة عربية تستحق

فعلا عندك حق حضرتك معاك موديل كام وايه الصيانات إلى حضرتك عملتها العربيه احنا عايزين نعمل موضوع مثبت عن كورولا 2003_2007

[ashraf1212]

السلام عليكم ورحمة الله وبركاته
أنا معايا كورولا 2003 مانيوال وعايز أغير طقم الدبرياج حد يعرف مركز كويس أو ميكانيكى ولا أروح التوكيل أنا ساكن جنب سيتى ستارز.