تغيير زيت فتيس يارس أوتوماتيك

[h_askalany]

السلام عليكم
عربيتي يارس 2007 اوتوماتيك محتاجة اغير زيت الفتيس
- تنصحوني اجيب نوع زيت إيه؟
- هل هشتري حاجة تاني غير الزيت؟ فلتر مثلا أو ماشابه لأني مش عارفة حاجة عن الموضوع ده
- هل أغير عند ميكانيكي عادى ولا أروح مركز معتمد ؟
- هل لو روحت مركز معتمد أشتري الحاجات من برة ولا بتبقي عندهم ؟
شكرا لكم مقدما

[م/أحمد عبد الفتاح]

ده لينك لتحميل كتالوج العربية فى الباب الثامن section 8 من أول صفحة ٢٩٥ حتلاقى كل مواصفات وكميات السوائل فى العربية من ميه وزيت موتور وزيت فتيس فى صفحة ٢٩٧ و ٢٩٨
2007 Toyota Yaris Owner's Manual - JustGiveMeTheDamnManual.com

[م/أحمد عبد الفتاح]

دول صفحتين من الكتالوج فيهم شوية معلومات عن الزيوت والمياه

[h_askalany]

دول صفحتين من الكتالوج فيهم شوية معلومات عن الزيوت والمياه

شكرا جدا لحضرت معلومات مفيدة كنت محتاجة اعرفها
طيب حضرتك بشتري حاجة تاني غير الزيت جوان مثلا او فلتر ولا الزيت بس

[م/أحمد عبد الفتاح]

أعتقد الزيت بس - بس اللى اقدر انصحك بيه حاولى تخلى الميكانيكى اللى حايغير الزيت ينزل الزيت فى حاجه نقدر نقيس بيها كمية الزيت اللى نازلة علشان نحط قدها بالظبط - يعنى ماينزلش الزيت فى حاجه قديمة فيها زيت من عنده يستحسن فى حاجه فاضية وبعدين يعبيه فى جركن زيت فاضى ويقدر يعرف العربية نزلت كام لتر ويحط قدهم بالظبط - وبعدين تمشى بالعربية حوالى ٢ كم وترجعى تانى تخليه يقيس الزيت من المقاس (أعتقد برضه ان فيها مقاس زيت فتيس ) . ويكمله لو ناقص لأن زيت الفتيس بيتقاس وهو ساخن وحتى لو دور العربية وسابها سنة واقفة دايرة زيت الفتيس مش حايوصل لحرارة التشغيل بتاعته اللى بنقيسه عندها .

[م/أحمد عبد الفتاح]

ونصيحة تانية : تانى يوم وانتى نازلة بالعربية حركيها لقدام ٥ متر وانزلى من العربية وارجعى بصى على المكان اللى كانت راكنه فيه هل فيه أثار زيت منقط من العربية علشان تتطمنى أنه ربط الطبة كويس ( مشكلة جمهورية مصر العربية طبات زيت الموتور وزيت الفتيس )

[h_askalany]

تمام شكرا لحضرتك جدا بس هل اروح لميكانيكي عادي ولا مركز خدمة لأني كنت قريت قبل كده الناس مش بتنصح ان الميكانيكي يغير زيت الفتيس ولازم مركز خدمة معتمد

[م/أحمد عبد الفتاح]

لو ميكانيكى كويس والناس بتشكر فيه وشغال فى التويوتا يبقى تمام وبرضه لو مركز كويس وسمعته طيبة والناس جربته وعندهم ضمير يبقى ماشى بس انا مش بافضل المراكز اللى بتخليكى مش شايفة العربية بيتعمل فيها ايه وممكن جدا يبدلوا الزيت او يبوظوا حاجه وانت تمشى من هنا وتبدا العربية تعمل حاجات غريبة ماكانتش بتحصل قبل كده - والمركز اللى من النوع ده كتيرة جدا فلازم يكون حاجه مضمونة سواء ميكانيكى او مركز

[h_askalany]

لو ميكانيكى كويس والناس بتشكر فيه وشغال فى التويوتا يبقى تمام وبرضه لو مركز كويس وسمعته طيبة والناس جربته وعندهم ضمير يبقى ماشى بس انا مش بافضل المراكز اللى بتخليكى مش شايفة العربية بيتعمل فيها ايه وممكن جدا يبدلوا الزيت او يبوظوا حاجه وانت تمشى من هنا وتبدا العربية تعمل حاجات غريبة ماكانتش بتحصل قبل كده - والمركز اللى من النوع ده كتيرة جدا فلازم يكون حاجه مضمونة سواء ميكانيكى او مركز

ربنا يبارك لك و معلش اني بتقل عليك حضرتك
انا لما روحت اشتري الزيت من العالمية اللي في شارع دمشق قالي الأحسن تاخدي الفلتر بس انا قلت أسأل حضرتك الأول
و في مركز معتمد قالولي عليه في شارع السودان إسمه العالمية (هو غير تابع للعالمية اللي في شارع دمشق تشابه أسماء فقط ) فا كده مش عارفه اروحه ولا إيه

[م/أحمد عبد الفتاح]

طالما مركز صيانة يبقى الأحسن توكيلها الأصلى تويوتا إيجبت وده لينك لعناوينهم
مراكز الخدمة | تويوتا إيجيبت - ContactCars.com
ويستحسن تتصلى الأول تحجزى
بالنسبة لفلتر الفتيس إبقى إسألى التوكيل هل تشترى الزيت من بره ولا من عندهم وهل فيه فلتر فتيس وجوان كمان والسعر عندهم كام بالمصنعية .

[h_askalany]

شكرا لحضرتك جدا ربنا يكرمك

[h_askalany]

دول صفحتين من الكتالوج فيهم شوية معلومات عن الزيوت والمياه

معلش هتعب حضرتك معايا بالنسبة لنوع زيت الفتيس
انا ان شاء الله هغير في مركز خدمة بس همه بيحطوا موبيل و انا مش حابة احطه و زيت تويوتا الأصلي الموجود منه iv مش ws فممكن تنصحني بنوع زيت يكون كويس و متوافق مع العربية عندي

[م/أحمد عبد الفتاح]

معلش هتعب حضرتك معايا بالنسبة لنوع زيت الفتيس
انا ان شاء الله هغير في مركز خدمة بس همه بيحطوا موبيل و انا مش حابة احطه و زيت تويوتا الأصلي الموجود منه iv مش ws فممكن تنصحني بنوع زيت يكون كويس و متوافق مع العربية عندي

لازم الزيت يكون بالمواصفة اللى فى الكتالوج ws jws 3324 أو ws nws 9638
لو مش متوفر فى السوق يبقى على التوكيل بتاع تويوتا الرسمى دوغرى وغيرى هناك وتتأكدى هناك منهم إن زيت الفتيس ws مش t-iv لأن الـ t-iv ده نوع قديم وتويوتا بطلت تستعمله وبقت بتستعمل ws ومافيش شركة محترمة بترجع بالزمن للوراء وكمان الـ t-iv أتقل من الـ ws

[Ali Mohamed]

مراكز الخدمة المعتمدة مش هتكلفك كتير

مراكز الخدمة المعتمدة مش هتكلفك كتير
البرجسى او العالمية

[whmn39]

حتي الان اغلب التوكيلات بتحط للتويوتا نوع زيت t-iv لكل الانواع حتي في البحث في الزيوت بيقول التويوتا كله t-iv بصفه عامه... الا طبعا الموديلات الي الفتيس فيها cvt الحديثه التركي لكن الياباني ديما t-vi