السلام عليكم انا معايا كورولا عيون موديل ١٩٩٨

[لارا سالم]

معايا كورولا عيون ١٩٩٨ فيها حاجه غريبه روحت لكذا ميكانيكي وكل واحد بكلمه مختلفه فياريت اللي يعرف من حضاراتكم يقولي . المشاكل اللي بتقابلني هي :
١- العربيه بتعمل صوت زي ااااااااا اول لما ادورها الصبح ولا تدور الا لو حطيت رجلي علي دواسه البنزين مع الدواره . ثم تدور لمده ١ او ٢ دقيقه وبيكون في رجه وهي دايره وتبطل لوحدها فاعمل نفس الدواره تاني مع البنزين بس افضل حاطه رجلي علي البنزين شويه وبعد كده تبقي كويسه وتفضل دايره.
٢- مع التكيف لو واقف في اشاره واجي اطلع الاول دوسه البنزين علي الدواسه بتكون احساسها غير لمت مايكونش في تكييف يعني بدوس بزياده عشان تطلع والتكييف انا بشغله علي الطريق السريع بس لو في اشاره بيحصل كده.
٣- بيكون في رجه جامده جدا في الموتور مع التكييف وايضا كبوت العربيه بيترج ولما ادوس بنزين واطلع بيها التالت والرابع بتروح الرجه ولكن الرجه بتكون تكييف شغال ووقفت في اشاره ولما ازود بنزين تروح . فنظفت الكربيراتير وغيرت فلتر بنزين ولا زالت المشكله.
٤- هناك رجه بين الحين والاخر في الدركسيون وهي واقفه بس رجه خفيفه

[sherif_mahalla]

بسيطة
خلي الميكانيكي يعلي الموتور حبة
و لو بتفولي 80 استخدمي ٩٠ أفضل
ممكن تراجعي البوجيهات و زيت الموتور
طبيعي التكييف يسحب من عزم العربية للأن العربية ١٣٠٠ بس فالتكييف عشان يبقى شديد لازم السحب يقل
بس لو عليتي الموتور شويه مش هتترج
لكن هيبقى صوت الموتور عالي شويه

[لارا سالم]

بس في ناس قلتلي ظبط كهرباء الاسبراتير وشراء وش كاربيراتير عشان السوسات مبتفتحش بدري وفيها مشكله بس كل دا كلامهم من غير كشف

[لارا سالم]

بس في ناس قلتلي ظبط كهرباء الاسبراتير وشراء وش كاربيراتير عشان السوسات مبتفتحش بدري وفيها مشكله بس كل دا كلامهم من غير كشف واشكرك جدا

[لارا سالم]

وليه العربيه بتغيب في الدواره انا بحط بنزين ٩٢

[tasaka]

`

معايا كورولا عيون ١٩٩٨ فيها حاجه غريبه روحت لكذا ميكانيكي وكل واحد بكلمه مختلفه فياريت اللي يعرف من حضاراتكم يقولي . المشاكل اللي بتقابلني هي :
١- العربيه بتعمل صوت زي ااااااااا اول لما ادورها الصبح ولا تدور الا لو حطيت رجلي علي دواسه البنزين مع الدواره . ثم تدور لمده ١ او ٢ دقيقه وبيكون في رجه وهي دايره وتبطل لوحدها فاعمل نفس الدواره تاني مع البنزين بس افضل حاطه رجلي علي البنزين شويه وبعد كده تبقي كويسه وتفضل دايره.

وعليكم السلام ورحمة الله وبركاته

الاول صلحى موضوع تأخير الدوراره الصبح .. و ممكن الاعراض دى ( الرجه مع التكييف ) تنتهى تلقائيا بعد حل المشكله تأخير الدوراره الصبح

خلى الميكانيكى يتاكد ان البنزين بيوصل بضغط كويس و يبص على فلتر البنزين و كمان فلتر الهوا ( ينظفهم لو محتاجين تنظيف ) و البوجيهات

اتأكدى من موضوع وش الكربراتير ده

المفروض الميكانيكى بتاعك كان بص على الكلام ده مع ضبط الكربيراتير

لو الميكانيكى موش شاطر شوفى غيره ..

و ما تغيريش اى حاجه الا لما يكون متاكد جدا ان ده هو سبب العيب

٢- مع التكيف لو واقف في اشاره واجي اطلع الاول دوسه البنزين علي الدواسه بتكون احساسها غير لمت مايكونش في تكييف يعني بدوس بزياده عشان تطلع والتكييف انا بشغله علي الطريق السريع بس لو في اشاره بيحصل كده.

طبيعى لاى عربيه موتور صغير

٣- بيكون في رجه جامده جدا في الموتور مع التكييف وايضا كبوت العربيه بيترج ولما ادوس بنزين واطلع بيها التالت والرابع بتروح الرجه ولكن الرجه بتكون تكييف شغال ووقفت في اشاره ولما ازود بنزين تروح . فنظفت الكربيراتير وغيرت فلتر بنزين ولا زالت المشكله.
٤- هناك رجه بين الحين والاخر في الدركسيون وهي واقفه بس رجه خفيفه

- الاول تصلحى موضوع تأخير الدوراره الصبح .. و ممكن الاعراض دى ( الرجه مع التكييف ) تنتهى تلقائيا بعد حل المشكله تأخير الدوراره الصبح

- لو فضلت الشكوى لسه مستمره :
انتى الشكوى دى عندك بتحصل بس و التكييف شغال و انتى واقفه ( يعنى على السلانسيه ) .. يعنى لو واقفه فى اشاره بدون التكييف لا يكون هناك اى رجه او شكوى .. مظبوط كده ؟؟

فى الحاله دى ( بتحصل بس و التكييف شغال و انتى واقفه ) .. بيكون فيه ديافرام بيعلى الموتور على السلانسيه عند تشغيل التكييف ( يعنى مثلا السلانسيه الطبيعى 700 و عند تشغيل التكييف بيكون مثلا 900 )

الديافرام ده بيكون نوعين :
1- اما فيه مسمار رجلاش تقدرى تظبطى منه سرعه السلانسيه عند تشغيل التكييف 900 او 1000 مثلا لغايه ما العربيه ترتاح مع المكيف

2- و فيه ديافرام ما بيكونش عليه مسمار رجلاش .. ده شوفى الميكانيكى او الكهربائى يعرف ينظفه و يظبطه ام لا .. و لو محتاج تغيير يبقى جديد او استعمال حسب السعر .. لو استعمال تركبيه و تجربى قبل الشراء

[nassermaged]

انا معايا عيون 99 المشكلة اللى عندك دى اعتقد انها تهريب كهربا من احد سلوك البوجيهات حضرتك هاتى طقم سلوك اصلى وغيريهم هاتلاقى المشكلة اختفت ان شاء الله

[Bassem Gamal]

المشكله مشكله كهربا وكانت عندى نفس المشكله واتحلت بتغيير البوجيهات

[Bassem Gamal]

حاجه تانيه يااشباب بالنسيالى
انا مش لاقى لوحه التحكم بتاعه الباب ومش عاارف اجبها منين لفيت كتير فى الوكاله والحرفيين ومش لقيهاااا يااريت تفدونى