Tweet
للسلام عليكم عايز اشتري عربية تويوتا و معي حوالي ١٢٠٠٠٠ جنية و محتار بين تويوتا كورولا ٢٠٠١و تويوتا ياريس ٢٠٠٧ افيدوني باللة عليكم
-
-
حسب الحالة هو عامة
الكورولا عن تجربة الأتنين افضل
ولكن حسب الحالة اللي هتلاقيها في الأتنين اللي حالتها افضل اشتريها
يعيب الياريس ان البودي بتاعها ابعاده وانحنائاته وحشة في التخبيط والأبعاد[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE] -
من وجهة نظر الاغلبيه تقريبا الكرولا افضل ولهذا السبب يتوافر قطع الغيار بكثره وايضا الصنايعيه بيفهمو فيها اكتر . يعنى مثلا كام عربيه ياريس اتعملها صيانه مقارنه مع الكرولا. لا شك انه مقياس غير منطقى لكن ثقافة شعب مصر ف السيارات كده . وربنا يوفقك للاصلح
تحياتىفتح سابقاComment
-
انا كان معايا ياريس 2008 ل مدة 9 سنين بصراحة العربية جميلة و انصح اي حد بيفكر فيها انه يشتري و اقتصادية جدا في صيانتها و قطع الغيار بتعيش و انا رائي فرق 5 سنين في عمر العربيات فرق كبير الياريس مش هتحسها قديمة لان شكلها منزلش منه غير موديل واحد شكل جديد بعدها انما كورولا 2002 نزل بعدية موديلين غير الفيس ليفت لكن الكورولا عفشتها انعم من الياريس و في النهاية في المستعمل اهم من الموديل حالة العربية و صيانتهاComment
-
الياريس افضل او الكورولا
بداية المستشار مستأمن فلازم الى يدى النصيحة يكون عنده معلومات كاملة ومجرب الاتنين ولايتكلم كلام مرسل ., وهفصل المسالة من تجربة عملية للياريس 2007 مانيوال وكورولا 2005 اوتو الى ممكن نقيس عليها كورولا 2001 كالاتى :المشاركة الأصلية كتبت بواسطة Samvet813 مشاهدة المشاركة
كثير من الناس لايعرف ان الكورولا والياريس مشتركين في اكثر من 70% من القطع ك الماتور الطنابير بارات الدريكسيون الداخليه تيل الفرامل الخلفى كباس التكييف وخلاف هذا الكثير فنكاد تكون السيارة هي نفسها في الصيانة وسهولة التعامل معها وقطع الغيار واسعارها ...
تمتاز الياريس عن الكورولا ان طرمبة الباور كهربا ودواسة البنزين كهربا غير كدة تقريبا كله واحد وهى تكنولوجيا حديثة عن الكورولا لان الياريس احدث من الكورولا بدايتها 2006 وبداية الكورولا 2001
تمتاز الكورولا عن الياريس ان الصالون اوسع بشيء بسيط مش ملحوظ اوى والاهم من ده والى بتعتبره نقطة مهمة جدا ان عزل الكورولا وخامتها تتفوق على الياريس الى بعتبر عزلها سيء سواء عزل الطريق الماتور او الهوا بعد ال 100 وانت قافل الزجاج لو فاتحه مش هتحس بسوء العزل خالص مع العلم ان السيارتين عزلهم مش تمام والعربيتين دوشة مع تفوق نسبي للكورولا
الوهلة الاولى عند تجربة السيارتين ان باور الياريس سهل جدا خلاف الكورولا وان عزم السيارة والايرو ديناميك بتاعها احسن من الكورولا لان مقاومة الهوا في الياريس افضل من وجهة نظرى قيادة الياريس افضل
للوهلة الاولى عند فتح كبوت السيارتين هتلاحظ طبعا ان الماتور هو هو لكن هيتفتح نفسك للكورولا بسبب وسع غرفة الماتور وهتتغم لما تفتح الياريس بسبب ضيق غرفة الماتور وصعوبة التعامل معها
حاجة لاحظتها كتير هيستغربو منها ان ثبات الياريس افضل من الكورولا بشيء بسيط وده ملاحظة شخصية ربما تكون خاطئة فهي نقطة اجتهادية لكن فيه مايعززها فوزن الياريس 1050 كجم ووزن الكورولا 950 كجم
خلاصة القول : ان طبعا بدون تفكير الياريس 2007 تتفوق على الكورولا 2001 وتشترى عن الكورولا بدون تردد لان العربية احدث ب 6 سنوات شكلها جديد ماطلعش بعدها الا موديل واحد مقارنه ب 3 موديلات للكورولا تكنولوجيا السيارة احدث وال 120 الف فيها هيجيبولك عربية ماشية كم قليل وبحالتها غير الكورولا هيبان عليها الزمن وهتفتح معاك صيانه ومش هتلاحق عليها ومعلومة ان التويوتا مابتفتحش فهى صحيحة لكنها غير دقيقة اعطال التويوتات بسيطة مقارنة بالكورى والاوروبى ولكن بتفتح بقها عادى جدا اذا متهانة ومهلكة ومش هتلاحق عليها مصاريف لان صيانتها اغلى من الكورى ان كانت متهانه وربنا يوفقك للخير ...Comment
-
شكرا جزيلا علي ردك الوافي و المعلومات القيمة جزاكم اللة كل خيرComment
-
شكرا على المعلومات الجميله دى
بس انا عايز اصحح جزئيه بسيطه جدا .. لانى استغربت لما قريتها
وزن كورولا 2001 حيكون اعلى من 950 كجم .. و المفروض اعلى كمان من وزن اليارسComment
Comment