اسعار كرولا 2009

[Abo el-Seoud]

ما هى اسعار الكرولا 2009 بجميع فئاتها بعد الزيادة ؟؟؟؟

[salem]

نفس أسعار ال-٢٠٠٨، لو بتتكلم على بتعت الوكيل

[OMNIANASSER]

هي بجد 180 الف

[Abo el-Seoud]

يعنى مافيش زيادة والزيادة بس فى الياريس 2009 بس

[sa3dawy]

كورولا 1.4 M/t 2008 123900
كورولا 1.6 M/t 2008 129900
كورولا 1.4 F/o M/t 2008 134900
كورولا 1.6 F/o M/t 2008 145900
كورولا 1.6 A/t 2008 137900
كورولا 1.6 F/o A/t 2008 159900

دى هى الاسعاار تقريبا ممكن تزيد الفين تقل الفين ......بس انا كنت سالت فى المصرية على الموديل الى تحت دا خاالص وكاان ب 167 الف مش عاارف بقى ايه الحواار.....جاايز 2009 اغلى....

[ahmad7610]

لا أعتقد دى حتى أسعار 2008 ...
-
اللى ب 137 دى كانت عاجبانى .. لما سألت لقيتها بقت ب 143000 (((الكلام ده كان فى شهر 8 ؟! ))))
-
أعتقد الأسعار أغلى من كده 6 او 7 الاف

[Abo el-Seoud]

شكرا جدا على المجهود
اللى عندة الاسعار النهائية ياريت يقولنا

[askassem]

يا جماعة أسعار 2009 فى التوكيل هى نفسها أسعار 2008
مفيش أسعار غليت فى التوكيل
أنا لسة جايب ال advanced 1.6 mmt ب 159900
الفترة بين الحجز و الاستلام حوالى أسبوعين علشان دى كانت أول دفعة 2009
و اللى بيغلوا الأسعار فى المعارض ده إستغلال بحجة التسليم الفورى (علشان اللى مش حيقدر يستنى أسبوعين)

[samyshakban]

أنا اريد ان أحجز فى التوكيل و اخاف ان يزودوا السعر عند الاستلام أو يؤخرونى اكثر من أسبوعين ,والمعارض بيغلوا الأسعار حوالى الفين ولا رايك ايه يا استاذaskassem

[askassem]

لو خايف من زيادة السعر ممكن تدفع بالكامل لأن ساعتها بتاخد رقم الشاسيه و الموتور بمعنى إنه إتخصص لك عربية إنما الحجزلوحده مش تخصيص لأنك ممكن تسترد قيمة الحجز،بس فعلا الناس كانوا محترمين جدا معايا فى حكاية المواعيد بمعنى إنه إلتزم معايا بميعاد التسليم من يوم ما رحت أتفرج على العربية مش بس من يوم الحجز
بالمناسبة أنا واخدها من تويوتا إيجبت داون تاون

[samyshakban]

شكرا يا استاذaskassem على مساعداتك و ردودك السريعة و ربنا يجعله في ميزان حسناتك

[askassem]

الله يخليك
وتحت أمرك فى أى سؤال أو إستفسار

[Abo el-Seoud]

شكرا جدا على الردود
بس تيفتكره يبقى انهو احسن
كرولا تجميع جنوب افريقي ضمان الوكيل ولا كرولا تجميع ياباني بس خليجي بدون ضمان ؟؟؟؟؟؟؟؟؟؟
اكيد في حد برده كان في نفس الحيره
انا عن نفسي وقعت في مشكلة الخليجي دية لما جبت لانسر خليجي المفروض انها كانت بضمان بس الحمد للة بعتها وجبت واحدة بضمان

[ayehia]

كل يوم والتاني كورولا الجنوب افريقي بتثبت وجودها والخليجي ده للعنجهه بس :)

[new]

مع احترامى للى اشتروا الجنوب افريقى بس انا اليوم كنت عند معرض سمير ريان وكان عندة الخليجى و الجنوب افريقى
واضح ان فى فرق كبير فى مستوى التقفيل و الخامات لصالح اليابانى( الخليجى)

الجنوب افريقى كانت واقفة و السوستة بتاعة حزام الامان اللى فى القائم مكسورة وباينة انها شبه بتاعت لعب الاطفال
ودى مع ان البعض ممكن يقول انها حاجه بسيطة بس تخيل لو حصلت مع اى واحد وهوا لسة جايب العربية جديدة ومدى العكننه اللى ممكن يكون فيها وهو دافع فيها 140000 على الاقل
(وما خفى كان اعظم ) وارجو ان مفيش حد يزعل من اصحاب الكورولا الجنوب اثفريقى