عضو جديد في اسره كورولا ان شاء الله

[semsea25]

انا قررت اخيرا ان شاء الله اني اجيب كورولا الجديده 2009
اول امكانيات في الاوتوماتيك
وانا ان شاء الله حرجع من السويس علي الاسكندريه علي الشراء
في ناس قالتلي بلاش تجيبها من التوكيل علشان تعرف تنزل السعر شويه انا قولت ياسلام ياريت
بس المشكله اني معرفش غير التوكيل.....
لو تفضلتم حد يدلني على موزع محترم في الاسكندريه يبقي 100% وكمان لو السعر او حتي نمره التليفون
سؤال آخر هي الاوراق بتاعتها بتبقي جاهزه ولا ...ولو مش جاهزه بتاخد كام يوم.....
معلش اعتبروني اخوكم الصغير اصل انا لسه جديد علي العيله الكورالاويه

[abo samra]

هو حضرتك ناوى على انهى كاتجورى بالظبط اللى هو البروفيشنال؟

[semsea25]

لا ياعزيزي الي هو من غير زينون والحبشتكنات دي من الاخر هو موجود دلوقتي عرض ب 134900 في التوكيل

[semsea25]

علي فكره يا باشمهندس احمد تقيمك بتاع الكورولا هو الي خلاني فكرت فيها و رحت عملت تست درايف كمان وكلامك طلع مظبوط 100%
انا سعيد جدا بالتقيم ده لانه اقرب ما يكون للواقعيه جزاك الله خيرااا

[abo samra]

هو فعلا سعرها نزل وبقا 135 الف ولا ايه واهل ده للاستلام الفورى ولا الحجز والحجز بياخد كام شهر
اصل انا شارى العربيه فى شهر 8 اللى فات ب 143000 الف وكان فى التوكيب ب 138 الف بس الاستلام كان بعد 3 شهور ساعتها فى التوكيل

.............يا ياباشا انت بس تؤمر وان شاء الله العربيه تعجبك

[semsea25]

نعم وبدون حجز نظرا لظروف السوق....
و في التوكيل

[semsea25]

ايه ياجماعه محدش عايز يساعدني ليه ؟
هي العمليه صعبه دا انا كنت فاكر انكو حترحبوا بيا بينكم؟

[salem]

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية.

وفيما يلي أحد المواقع التي رشحها أحد الأعضاء الكرام لتحويل الحروف الانجليزية لعربية:

http://www.yamli.com/editor/ar/

ستعامل المشاركات المكتوبة باللغة العربية عن طريق الأحرف الانجليزية بالحذف الفوري دون تنبيه مسبق للعضو بذلك، وعند تكرار المخالفة سيتم تطبيق عقوبة "تحذير" ثم "إنذار" في حال الإصرار المخالف على المخالفة.

إ.م.3

[semsea25]

ok yareeeet

[Sharky]

بصراحة معرفش حد فى إسكندرية

و الف مبروك مقدما

لكن فعلا سعرها قل و ما بقتش بالحجز نتيجة لقلة الطلب عليها كما قلت قبل ذلك

[أبو عبدالله]

علي فكره يا باشمهندس احمد تقيمك بتاع الكورولا هو الي خلاني فكرت فيها و رحت عملت تست درايف كمان وكلامك طلع مظبوط 100%
انا سعيد جدا بالتقيم ده لانه اقرب ما يكون للواقعيه جزاك الله خيرااا

سبحان الله
يعني بعد التجربة طلع كلام احمد مظبوط
وايه رايك في طريقة النقل اللي البعض بيقول عليها انها نتشه مزعجة
ياريت تقولنا رايك علشان نشوف هل ممكن ان يطلق عليه نتشه ومزعجه كمان ولا الموضوع عادي وزيه زي المانيوال في النقل
ودي مسأله تعود ان الفتيس اتوماتيك بدون دبرياج ولكن مانيوال بنقله

ومبارك عليك مقدما ان شاء الله
وربنا يعطيك خيرها ويكفي عنك شرها ان شاء الله
وشكرا لك

[askassem]

على فكره نزول الأسعار الأخير ده عرض يخلص الخميس 15/1
الكلام ده إمبارح من التوكيل فلو حضرتك مستقر فعلا سارع بالشراء

[semsea25]

اولا النتشه مش مزعجه ولا حاجه انا الحمد لله جبتها من موزع وبمبلغ خيالي 129900
اما عن التقييم فهي عربيه فوق الممتازه و جاري كتابتي للتقييم ان شاء الله بس العربيه فعلا ممتازه
بالنسبه للنتشه هي بسيطه جدا والمعني الادق ليها انك بتكون آخد سرعه الاول و دايس بنزين و في اللحظه الي العربيه بتنقل من الاول للثاني ما بتلقيش استجابه من العربيه لزياده السرعه مع انك دايس بنزين وده بيكون لمده ثانيه _(الحل 1 - تشتغل علي نظام es
2-نظام ال manual بس بشرط انك ترفع رجلك من البنزين وانتا بتنقل للاعلي
3-تشتغل علي نظام e عادي و بين الغيارات ود حتلاحظه من rpm
ترفع رجلك من علي البنزين شويه
العربيه في مجملها فخمه -عمليه - قويه-الاهم من دا كله نظام التعليق تحفه من ابتكار تيوتا كل الي ركب اثبت كلامي ياجماعه العربيه ثبات + تعليق محترم لا يضاهيه حتي واحد صاحبي و غالي عليا جدا معاه ياريس قالي فرق شاسع بين العفشتين مع ان ال2 تيوتا
ابن خالتي معاه النترا قال نفس الكلام + انه معجب اوي بخامات التابلوه و شكله و قالي بالحرف انا عندي التابلوه في الالنترا مقارنه بالكورولا بلاستيك لعبه
اخيرا انا ارحب باى سؤال يخص الكورولا

[Sharky]

ربنا يبارك لك فى عربيتك

[أبو عبدالله]

اولا النتشه مش مزعجه ولا حاجه انا الحمد لله جبتها من موزع وبمبلغ خيالي 129900
اما عن التقييم فهي عربيه فوق الممتازه و جاري كتابتي للتقييم ان شاء الله بس العربيه فعلا ممتازه
بالنسبه للنتشه هي بسيطه جدا والمعني الادق ليها انك بتكون آخد سرعه الاول و دايس بنزين و في اللحظه الي العربيه بتنقل من الاول للثاني ما بتلقيش استجابه من العربيه لزياده السرعه مع انك دايس بنزين وده بيكون لمده ثانيه _(الحل 1 - تشتغل علي نظام es
2-نظام ال manual بس بشرط انك ترفع رجلك من البنزين وانتا بتنقل للاعلي
3-تشتغل علي نظام e عادي و بين الغيارات ود حتلاحظه من rpm
ترفع رجلك من علي البنزين شويه
العربيه في مجملها فخمه -عمليه - قويه-الاهم من دا كله نظام التعليق تحفه من ابتكار تيوتا كل الي ركب اثبت كلامي ياجماعه العربيه ثبات + تعليق محترم لا يضاهيه حتي واحد صاحبي و غالي عليا جدا معاه ياريس قالي فرق شاسع بين العفشتين مع ان ال2 تيوتا
ابن خالتي معاه النترا قال نفس الكلام + انه معجب اوي بخامات التابلوه و شكله و قالي بالحرف انا عندي التابلوه في الالنترا مقارنه بالكورولا بلاستيك لعبه
اخيرا انا ارحب باى سؤال يخص الكورولا

شكرا على التقييم الجميل ده
وربنا يباركلك فيها يعطيك خيرها ويكفي عنك شرها ان شاء الله