تقييم ملاك الكورولا الجنوب افريقى للسياره (الملاك فقط)

[abo samra]

ارجو من ملاك الكورولا الجنوب افريقى المشاركه فى تقييم السياره من سلبيات وعيوب ومميزات ايضا وما الاشياء التى كانوا يتمنون من توافرها من السياره وغير متوافره وما اكثر الاشياء المميزه فى السياره التى جعلتهم يختاروها دون من غيرها من السيارات
اهل تنصحون القاديمين على شراء سياره جديده شرائها ام لا ؟

[أبو عبدالله]

تقييم ملاك الكورولا الجنوب افريقى للسياره (الملاك فقط)

ياريت الملاك اللي يشاركوا يذكروا الأسباب لتقييمهم

[feras_elngar]

اول حاجة لاحظتها فى التويوتا جنوب افريقيا 2009

1- مفيش مساحة للزجاج الخلفى ( بسيطة )
2- والدى بيسوق العربية فى اسوء ظروف ممكن عربية تشوفها ده حتى هوه عمل بيها اول 3000 كيلو قى 20 يوم ولسه ما اشتكاش منها
انا ركبتها جمبه وسحبها كان ممتاز جدا على نظام E
3- نظام الصوت ممتاز
4- الشنطة واسعة جدا ..........
5- الفرامل بتاعتها قاسية قوى ... يادوب والدى يلمس الفرامل الاقيها ثبتت فى مكانها ... يمكن رجلينا لسه ما خدتش عليها ... يمكن
6 - روحنا عملنا صيانة الالف بعد 2000 كيلو حجزنا فى العباسية يوم الاحد ودخلنا الاتنين علطول( الناس بتقول 15 يوم ؟ ) .... ومغيروش الزيت وقالوا هيتغير على 5000 كيلو

ملاحظة
انا لسه ما سوقتهاش اصل عندى امتحانات البكلريوس وموش فاضى .. اول ما هسوقها هعملكو تقرير وافى ان شاء الله

موش عارف هل ممكن الشركة تكون عملت تعديلات على موديل 2009 فى الفتيس اصلى محسيتش باى مشكلة لما ركبتها فى القاهرة على نظام E ؟

[Waheed]

الحمد لله عامل بيها 22000 كم من غير مشاكل عربيتي جنوب افريقي بالفتيس المانيوال اتوماتيك Mmt

[أبو عبدالله]

استاذ
mazagngi2010
حضرتك صوت في الأستفتاء
هو حضرتك لديك العربيه وياريت تكلمنا عنها ؟؟؟؟

[momo10000]

انا صوت عشان اعرف نتايج الاستطلاع !!!!!

[Amr_Moh]

أنا معنديش الكورولا الجديدة بس رئي الالإستفتاء يكون ممتاز أو جيد فقط

مأبول / سيئ مفروض ملهمش مكان فالشركات الكبيرة

[Sharky]

أستاذ tiida_mohamed

حضرتك صوت بممتاز هل حضرتك معاك السيارة ؟؟
ياريت تحكى لنا تجربتك

[Sharky]

الأعضاء abuhamama, gassarian

حضراتكم صوتوا بجيد ممكن تحكوا لنا تجربة إمتلاكم الكرولا الجنوب أفريقى MMT

[Sharky]

انا ركبتها جمبه وسحبها كان ممتاز جدا على نظام E
3انا لسه ما سوقتهاش اصل عندى امتحانات البكلريوس وموش فاضى .. اول ما هسوقها هعملكو تقرير وافى ان شاء الله

مستنين نعرف رأيك يا أستاذ فارس لما تجرب السيارة

[tmrbaset]

أنا قلت رأيي كتير في العربية فى كذا مكان هنا. بس الملخص المفيد العربية ممتازة.

اللي ناقصها و فعلا كان نفسي يبقى فيها حاجتين:
1- المرايات يقفل أوتوماتيك لما أطفي العربية
2- يكون فيها سنسور باركنج (ولو إنه بيتركب بسهولة) بس يا سلام لو كان فى التابلوه كان يكون أحسن

المميزات:
كل أوبشن سمعت عنه تقريبا حتلاقيه فيها (أنا بتكلم عن الفول أوبشن). بس أهم المميزات اللي فعلا حسيت بفرق معاها:
1- المفتاح السمارت
2- الكاسيت و الساوند جيد جدا
3- التابلوه و العدادات تحفه
4- الفرامل ممتازه حتى بعد حوالي سنه بدون أى لعب فيها
5- الشنطه ممكن تنام فيها :)
6- التوكيل محترم جدا و دي مش مبالغة. انا جربت توكيل دايو و شيفورليه و ميتسوبيشي و دول الأحسن و الأنضف (بس طبعا غالي نسبيا)
7- العفشة جامده
و حاجات كتير.

و سيبك من الجدال بتاع الفتيس ده. هو بالظبط جدال بين ناس عندها العربيه كلهم بيقولو كويس و ناس معندهاش بيقولو وحش :) و بالذات الأستاذ شاركي اللي أنا حاسس إن بينه و بين تويوتا تار بايت. بدليل الردين الي فوقيا ماهواش مصدق الناس اللى قالو ممتاز و عايزهم يفسروا ليه قالو كده :) بس اللى قال ضعيف عادي مش مهم نسأله. أصل إزاي ممتاز يا جماعه دي فيها (mmt)؟

و عموما ده رأيي و ربنا يوفق الجميع

[Sharky]

و سيبك من الجدال بتاع الفتيس ده. هو بالظبط جدال بين ناس عندها العربيه كلهم بيقولو كويس و ناس معندهاش بيقولو وحش :) و بالذات الأستاذ شاركي اللي أنا حاسس إن بينه و بين تويوتا تار بايت. بدليل الردين الي فوقيا ماهواش مصدق الناس اللى قالو ممتاز و عايزهم يفسروا ليه قالو كده :) بس اللى قال ضعيف عادي مش مهم نسأله. أصل إزاي ممتاز يا جماعه دي فيها (mmt)؟

و عموما ده رأيي و ربنا يوفق الجميع

حضرتك لو خدت لفة فى المنتدى حتلاقى العديد من ملاكها بيشتكوا من طريقته و عاملين شكوى لليابان و جنوب أفريقيا :

و بالنسبة ليه أنا قلت رأى بعد تجربة السيارة و دا من حقى و لا لازم أبقى موافق بعض ملاكها علشان ما يبقاش فيه تار بايت

على فكرة انا معايا ياريس يعنى تويوتا برضه

[ahm3d ham>ed]

ياريت ياجماعة اصحاب السيارة يحكولنا عنها شوية
العربية دى دخلة دماغى اووى وإن شاء الله هنزل اشوفها بكرة وخلال اسبوعين هشتريها إن شاء الله بس مقلق محدش كاتب عنها حاجة خالص
العربية دى بقالها سنة فى السوق ومش واخدة حقها فى الدعاية ومحدش عارف عنها حاجة

[ashrafE51]

الساده الافاضل ( ihabhariri, mido88_4u, sherifz)

لقد قمت بالتصويت علي انها سيئه ____ بدون اي وعي او تجربه ولكن مجرد دعاية

وربنا يخلي لينا اللينكات واللكنويه .....
الاستاذ الفاضل المحترم المبجل ihabhariri حضرتك اصلا مش عندك العربية ههههههههههه فتقول رائيك علي حاجه مش عندك ولا استخدمتها ... ربنا يخلي لينا شعب مصر ابناء شعب مصر ---

[ashrafE51]

ويارت كل الناس الا قالت رائها تتكلم عنه

لان التصويت الان 50 % ممتاز من 20 صوت منهم 5 اصوات مش عندها العربية وبذلك تكون تخرج من التصويت