كورولا 2009

[mido88_4u]

اما عن عيوب الفتيس فيه عيب فعلا ظهر و هو الكمبيوتر المسؤل عن النقل سعات بيكون فيه عيب صناعه لما بيسخن بيعلق و تلاقي العربيه مبتنقلش او تكون جايب الفتيس علي E و تلاقي العربيه على N في التابلوه ده بيكون عيب صناعه و التوكيل بيغير الكمبيوتر كله المسؤل عن النقل ببلاش لانه حصل معايا و التوكيل غيرهولي فعلا ببلاش


هو حضرتك عندك العربية ولا لسة هتشتريها؟
مش حضرتك كنت بتقول عملتلها تست دريف امبارح في العباسية؟

[faroukahafeez]

يا باشا انا عملت تست دريف يوم الجمعة اللى فاتت انا لسة مجبتش العربية

انت لو ركزت فى الكلام هتلقى انا ناقل كلام للعضو تانى اسمة WWael عند العربية وبيحكى عن تجربتة مع العربية والفتيس

وارد ان يكون فية مشكلة فى عربية او اتنين بس الجميل انا التوكيل غيرة ودية يطمن الواحد انة لو اشترى هيكون فية توكيل كويس

انا ناوى اشترى الايام اللى جاية ان شاء الله
على فكرة اسعار التويوتا هتغلى من 15 فبراير انا قريت الكلام دة امبارح فى ملحق السيارات فى جريدة الاخبار والكلام دة للمهندس مصطفى شاهين مدير تويوتا ايجيبت

يا ترى سألت على اسعار العربية ولا لسة واية احسن سعر جبتة ومنين ؟

[abo samra]

يا باشا انا عملت تست دريف يوم الجمعة اللى فاتت انا لسة مجبتش العربية

انت لو ركزت فى الكلام هتلقى انا ناقل كلام للعضو تانى اسمة WWael عند العربية وبيحكى عن تجربتة مع العربية والفتيس

وارد ان يكون فية مشكلة فى عربية او اتنين بس الجميل انا التوكيل غيرة ودية يطمن الواحد انة لو اشترى هيكون فية توكيل كويس

انا ناوى اشترى الايام اللى جاية ان شاء الله
على فكرة اسعار التويوتا هتغلى من 15 فبراير انا قريت الكلام دة امبارح فى ملحق السيارات فى جريدة الاخبار والكلام دة للمهندس مصطفى شاهين مدير تويوتا ايجيبت

يا ترى سألت على اسعار العربية ولا لسة واية احسن سعر جبتة ومنين ؟

فعلا هتغلى يوم 15 وهتبقى 138 الف وتقريبا دلوقتى ب 134 الف
انا رايىء روح سمير ريان وشوف اسعاره ايه او شوف ابو سمره هو موزع معتمد لتويوتا ايجبت فى المهندسين وده اللى سمير ريان بيجيب منه العربيات الكورولا انا عربيتى جبتها من سمير ريان وورق الافراج مكتوب عليه ابو سمره
وبالتوفيق ان شاء الله وابقى قولنا تقييمك ان شاء بعد ما تجيبها
وتقبل تحياتى
م:احمد

[faroukahafeez]

للاسف العربية غليت النهاردة يعنى بقت 138 تقريبا ً غليت 3 الاف جنية

حاجة غربية اوى مصطفى شاهين مدير تويوتا ايجيبت اقال هتغلى يوم 15 فبراير هما بقا غلوها النهاردة 2 فبراير

واضح ان كلام المير مسموع اوى فى تويوتا

انا مش هجبها ويارب تصدى

[hassan_ali296]

انا كنت محتار مثلك تماما

السلام عليكم ورحمه الله وبركاته
انا كنت محتار مثلك تماما عند الشراء واخيرا قررت اني اشتري تويوتا كرولا بس اشتريتها خليجي اتوماتيك كامله ما عدا فتحة السقف
وتم الشراء بعد اقتناع شخصي مني لان السيارة في مصر ينظر لها من المفهوم الاستثماري يعني سعر اعادة البيع ببساطه احنا شعب اشاعات وطالما ان فيه اشاعه طالعة علي الجنوب افريقي انها فيها مشكله فان سعر اعدة بيع السيارة سيتأثر بتلك الاشاعه حتي لو انها مجرد اشاعه
الخليجي ياباني 100% وانا باثق في الصناعه اليابانيه
السياة معايا كويسه بفضل الله تعالي
وربنا يوفقك ان شاء الله

-

[faroukahafeez]

الف مبروك يا باشا ربنا يديك خيرها ويكفيك شرها

هو طبعاً انت عندك حق فى موضوع السمعة دية بس لمعلوماتك 2010 كل الخليجى هيكون فية الفتيس Mmt

المشكلة فى الخليجى موضوع الضمان دة بردة حاجة مهمة كمان الاوبشن اللى فى جنوب افريقى مختلفة عن الخليجى

كمان سعر الخليجى اغلى من الجنوب افريقى