إعـــــــلان

Collapse

.

,
See more
See less

تويوتا كورولا .............حقا انها اسطوره تاريخيه

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة micro4e مشاهدة المشاركة
    تقديم رائع جدا شكرا على المجهود
    العفو وشكرا على زوقك
    وياريت تعملنا تقييم عن الفوكاس لانها مش واخده حقها شويه فى مصر مع انها عربيه تحفه جدا
    تحياتى
    [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

    Comment


    • #32
      اوكي لكن العربية في ها عيب انها ضيقة جدا في الكرسي اللي ورا وحجم الزجاج الخلفي صغير جدا دا غير ان مقعد الراكب تحس انك محشور ودا حتي لو قرنتها بعربيات اصغر زي التيدا
      [SIGPIC][/SIGPIC]

      Comment


      • #33
        Asr هو زي esp وهو نظام فرامل للعجلات علي المنحنيات و خاصة علي السرعات العالية يعني بالبلدي تقدر تدخل ملف و انت علي سرعة كبيرة من غير ما تدوس فرامل لأن العربية مجهزة بسينسورز علي العجلات و تعمل علي فرملة الحمل المؤثر علي العجلة اثناء الدوران علشان العربية ماتلفش معاك و هذة الفرملة الطفيفة انت مش بتحس بيها لكن دة نظام هايل علي الملفات

        Comment


        • #34
          والله بعد الموضوع ده انا شايفها احلى حتى من اوكتافيا ِa5
          بالرغم اني من عشاق سكودا
          [SIGPIC][/SIGPIC]

          Comment


          • #35
            تقييم رائع يا برنس

            انا دورت في منتديات كتير

            مش لقيت اي ردود او تعاون زي هنا


            ربنا يبارك لكم
            ان شاء الله اول ما اجيبها هعمل تقرير كمل وهدعمه بفيديو
            علشان يبقى هنا موضوع للمانيوال وواحد تاني للmmt

            Comment


            • #36
              بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته مشكوووووور والله يعطيك الف عافيه
              جزاك الله خيرا

              Comment


              • #37
                المشاركة الأصلية كتبت بواسطة tamermagdy مشاهدة المشاركة
                asr هو زي esp وهو نظام فرامل للعجلات علي المنحنيات و خاصة علي السرعات العالية يعني بالبلدي تقدر تدخل ملف و انت علي سرعة كبيرة من غير ما تدوس فرامل لأن العربية مجهزة بسينسورز علي العجلات و تعمل علي فرملة الحمل المؤثر علي العجلة اثناء الدوران علشان العربية ماتلفش معاك و هذة الفرملة الطفيفة انت مش بتحس بيها لكن دة نظام هايل علي الملفات
                العربيه للاسف مفياش esp او asr ولكن فيها brake assistance
                ba
                وعن تجربه اداء الفرامل رائع جدا
                تحياتى
                [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

                Comment


                • #38
                  المشاركة الأصلية كتبت بواسطة seqoia مشاهدة المشاركة
                  والله بعد الموضوع ده انا شايفها احلى حتى من اوكتافيا ِa5
                  بالرغم اني من عشاق سكودا
                  والله انا شايف ان ميزة الاوكتافيا عن الكورولا هى الثبات اعلى على سرعات تفوق 160 او 170 كم ولكن مش ده الفرق اللى يخلى الواحد يجيب الاوكتافيا وما يجبش كورولا خصوصا ان الاتنين نفس الفئه والوزن والابعاد يعنى اللى عاوز يحس بفرق بعد الكورولا يبقى فئه اعلى الفئه دى
                  تحياتى
                  [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

                  Comment


                  • #39
                    المشاركة الأصلية كتبت بواسطة fighter_ss11v مشاهدة المشاركة
                    تقييم رائع يا برنس

                    انا دورت في منتديات كتير

                    مش لقيت اي ردود او تعاون زي هنا


                    ربنا يبارك لكم
                    ان شاء الله اول ما اجيبها هعمل تقرير كمل وهدعمه بفيديو
                    علشان يبقى هنا موضوع للمانيوال وواحد تاني للmmt
                    مبروك مقدما واى استفسار انا تحت امرك يا باشا
                    [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

                    Comment


                    • #40
                      المشاركة الأصلية كتبت بواسطة rman22 مشاهدة المشاركة
                      بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته مشكوووووور والله يعطيك الف عافيه
                      جزاك الله خيرا
                      وعليه الصلاة والسلام
                      واشكرك يا باشا على زوقك
                      [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

                      Comment


                      • #41
                        المشاركة الأصلية كتبت بواسطة mustang4oman مشاهدة المشاركة
                        اوكي لكن العربية في ها عيب انها ضيقة جدا في الكرسي اللي ورا وحجم الزجاج الخلفي صغير جدا دا غير ان مقعد الراكب تحس انك محشور ودا حتي لو قرنتها بعربيات اصغر زي التيدا
                        يا راجل حرام عليك
                        الحاجه الوحيده اللى صح هى ميل الزجاج الخلفى
                        انما العربيه طبعا واسعه جدا
                        [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

                        Comment


                        • #42
                          المشاركة الأصلية كتبت بواسطة abo samra مشاهدة المشاركة
                          يا راجل حرام عليك
                          الحاجه الوحيده اللى صح هى ميل الزجاج الخلفى
                          انما العربيه طبعا واسعه جدا
                          +11111111111111

                          كنت هقول كدة بظبط ..

                          فعلا الزجاج الخلفى مايل زيادة و دة مش بيقا كويس فى الرؤية ..

                          انما الوسع الداخلى ؟؟ بالعكس
                          [CENTER][SIGPIC][/SIGPIC][/CENTER]

                          Comment


                          • #43
                            المشاركة الأصلية كتبت بواسطة abo samra مشاهدة المشاركة
                            [frame="7 80"]تم اختيار هذا الموضوع كافضل موضوع لشهر مايو 2009 [/frame]


                            Nile Motors

                            فى البدايه عند الحديث عن تلك اليابانيه الشهيره يجب ان نذكر انها الورقه الرابحه لتويوتا حول العالم حيث انه تم بيع اكثر من 30 مليون سياره منها على مر الاجيال المتواليه من تلك السياره ووصولا للجيل العاشر الحالى الذى بدا انتاجه منذ 2008 فقد ابدعت تويوتا فى ابقاء تلك السياره ابرز الورقات الرابحه فى فئتها.
                            واليكم تحليل بسيط للسياره من كل النواحى التى استطع ان اذكرها بخصوص تلك السياره
                            Nile Motors

                            السياره هى تويوتا كورولا 2008 بروفيشنال مشيت بيها 22000 كم اللون سيلفر
                            Nile Motors
                            اولا نبدا بالشكل الخارجى:
                            الشكل جميل من الامام
                            Nile Motors



                            Nile Motors




                            Nile Motors



                            Nile Motors




                            ومن الجانب
                            Nile Motors


                            Nile Motors


                            Nile Motors

                            ولكن اقل ابهارا وجمالا من الخلف واعتقد من خلال تغيير الفوانيس الموجوده بها باخرى بها ليدات ستكون شكلها اكثر روعه

                            Nile Motors


                            Nile Motors
                            لاحظت ان ناس كثير بتتكلم على شكل الكورولا دى كانها سياره بلا هويه واضحه فى التصميم وتصميم سىء
                            اعتقد الكلام ده ليس صحيحا لان اى حد هيلاحظ العيون المسحوبه من الامام والزجاج للبابين الخلفيين منخفض الارتفاع والتصميم من الخلف يعيبه فقط الفوانيس اللى ممكن تبقى احلى لو اتغيرت بفوانيس فيها ليدات
                            Nile Motors


                            Nile Motors

                            طبعا دى ازواق وكل واحد بيبقى شايف حاجه انها حلوه وغيره لا


                            الشكل الداخلى


                            فى البروفيشنال بيبقى شكلها جميل ولكن فى الادفانسيد بيبقى شكل التابلوه تحفه بوجود عدادات الاوبيتريون والتكييف التاتش
                            ودى صوره

                            Nile Motors





                            Nile Motors
                            ثالثا : الكماليات :
                            انا هتكلم عن الكماليات اللى موجوده فى الادفانسيد لانها الاكثر طلبا
                            1-مثبت سرعه
                            2- 7 وسائد هوائيه
                            3- عدادات اوبيتريون بشاشه معلومات
                            4- تكييف تاتش
                            5- مقتاح keyless ببصمه الاصبع
                            6- مراءه حساسه للضوء
                            7- جنوط سبور 16
                            8- زينون
                            9- بخاخات لغسل الفوانيس الاماميه
                            10- حساسات ضوء ومطر
                            11- طاره مالتى فانكشن
                            12-shifts paddle لتغيير النقلات من الدريكسيون(+)(-)
                            Nile Motors
                            رابعا :الموتور واستهلاك الوقود
                            1600 سى سى قوة 124 حصان dual vvti متصل بناقل حركه من نوع mmt متصل بكلتش دبرياج كهربائى التحكم مما يتيح للسياره تسارع عالى جدا وسلسل ويضمن استهلاك للوقود يجعله اقل استهلاكا للواقود فى تلك الفئه

                            على الطرق السريعه وبسرعات منتظمه حوالى 120 كم فى الساعه الصفيحه عملت حوالى
                            285 كيلو
                            فى حالة وسط زحام القاهره التجربه كانت فى الاماكن التاليه (مدينة نصر – كوبرى اكتوبر – المهندسين – الدقى ) الصفيحه تعمل حوالى 240 كيلو
                            Nile Motors
                            فى حالة الطرق السريعه والشد بسرعات عاليه تتراروح بين 160 الى 210 كم فى طريق القاهره الاسكندريه الصحراوى الصفيحه عملت 220 كيلو فقط
                            Nile Motors


                            خامسا :التقييم الشخصى للسياره
                            Nile Motors
                            العربيه مجملا ما شاء الله جميله يعنى التويوتا بالجيل ده خلت العربيه اكثر ثباتا على الطريق وابعدت عنها مفهوم ان الكورولا بعض الشىء انها سياره للمدينه فقط وكان ذلك واضحا بشدة فى الجيل السابق للحالى
                            عموما كلمة كورولا تعنى العملانيه المطلقه
                            يعنى تويوتا عامله العربيه دى علشان تبقى عربيه عمليه من الدرجه الاولى
                            يعنى هى واسعه من الداخل وتكيفيها قوى وبها جيوب تخزين كثير قوى فى العربيه والشنطه واسعه جدا وعزلها زى ما تويوتا عودتنا دايما بس فى نقطه كدا رخمه شويه بالنسبالى وهى
                            ارتفاع ال rpm على السرعات العاليه
                            سرعه 100 = 3000 لفه
                            140 = 4200 لفه
                            170 = 5100 لفه
                            200 = 5900 لفه
                            طبعا العربيه لما بتجيب 210 بتبقى قريب قوى من الاحمر
                            215 مثلا ودى جبتها فى العين السخنه (من غير منزل) كان فاضل تكه وتدخل على الاحمر
                            225 ودى فى منزل العربيه دخلت فى الاحمر خلاص
                            Nile Motors
                            اعتقد ان نسب التخفيض فيها مش عاليه علشان السحب يكون عالى وايضا لان الفتيس semi automatic وليس automatic وانا لاحظت ان السيارات المانيوال بيبقى برضه ال rpm بيبقى عالى على السرعات العاليه زى السيات ليون مثلا واللانسر المانيوال
                            العفشه طبعا مريحه قوى وفى نفس الوقت ثباتها فى الملفات كويس جدا جدا
                            انا كان معايا لانسر سبور 2007 وكان عفشتها ناشفه لانها رياضيه وكان عاجبنى ثباتها على الملفات نسبيا ولكن الكورولا رغم نعومة عفشتها الا انها اثبت كثير على الملفات .
                            طبعا الفرامل جباره بمعنى الكلمه ماشاء الله وبتساعدك فى اصعب الاحوال والفرامل طبعا مزوده abs مع ebd المساعد للمكابح للحصول على قياده امنه وراسخه وفيها حاجات اسمها asr مش عارف بتعمل ايه دى
                            طبعا جسم السياره الخارجى فيه هيكل تويوتا ذو المعايير العالية عالمياً *GOA BODY مما يمنحها درجة عالية من الأمان حيث يتألف هذا الهيكل من مقصورة ذات درجة عالية من الإلتمام مع مناطق الخلفية المجعدة التي تساعد على امتصاص قوة الصدمة عند التصادم . كما يراعي التصميم الجديد خفض معدلات الضوضاء والاهتزازات وذلك بوجود ممتصات للصوت والاهتزاز بجسم السيارة .

                            طبعا انا كان فى دماغى اجنط العربيه 17 واوطبها واركبلها سوست ومساعدين رياضيه من فتره كدا والفكره دى جاتلى لما واحد صاحبى معاه نفس العربيه بس ادفانسيد كان بيقول انه عاوز يعمل كدا
                            انا فكرت فى نفس الفكره بس كل افتكر انى هاخسر النعومه اللى فى العفشه وهحس بمطبات مصر العجيبه ارجع فى كلامى
                            صاحبى ده عمل الحاجات دى خلاص شال الجنوط اللى عنده وركب جنوط 17 وكاوتشات ماليزى على كلامه (اى كلام) ومقاسها 17/45/225 وركب عفشه كونى الحوارات دى كلها كلفت 8000 جنيه
                            بالنسبه للكورولا اللى معايا زى ما قولت ان ثباتها عالى جدا ولكن انها عاليه شويه عن الارض وده بيخلى الهواء الشديد ياثر فيها على السرعات العاليه
                            وكان وقت التجربه على الدائرى الوصله الجديده بين نزلة طريق السويس والسلام
                            العربيه بتاعاتى حسيت ان الهواء بدا ياثر على العربيه ابتدائا من 185 كم (مع العلم كان تيارات الهواء وحشه وشديده ساعتها) وطبعا لما تكون الرياح مش شديده قوى ممكن اجيب 200 وما احسش باى حاجه
                            Nile Motors
                            السياره الاخرى بتاعة صاحبى والله ولا الهواء ولا حسيت بهواء وثباتها بقا حاجه تانيه خالص (تحس انك راكب عربيه تانيه خالص) بس طبعا العفشه بتاعاتها مزعجه قوى وبتتاثر باى حاجه على الطريق بس ثباتها بقا وهمى
                            بس طبعا فيه ناس كثيره انخفاض السياره مشكله بالنسبالهم بس بجد الانخفاض ده بيفرق جامد فى الثبات
                            انا جربت سيفيك فيها جنوط 17 والسيفيك اساسا واطيه وعفشتها مش مريحه ولكن حسيت ان ثباتها اعلى من اللى معايا بس مش زى الكورولا اللى متعدله نهائى الكورولا اثبت بكثير وده يدل على ان تويوتا بالجيل الحالى عملت موازنه جامده بين( الثبات - نعومة العفشه - ارتفاعها عن الارض) ودى معادله من الصعب تحقيقها فى السيارات المنافسه من وجهة نظرى الشخصيه
                            ودى طبعا من عوامل تحقيق العملانيه المطلقه المتوافره بشده فى الكورولا الجيل العاشر
                            Nile Motors
                            الفتيس:
                            الفتيس جميل جدا والحمد لله اتعودت عليه وبعد السوفت وير الجديد بقا التنقل بين النقلات بقا سريع جدا ويمكن اسرع من المانيوال كمان
                            انا رايىء اللى يستخدم المانيوال فيها اللى عاوز يشد جامد
                            انما فى القياده العاديه يبقى es لان ده نظام اوتو وكمبيوتر العربيه بيبقى مجهز نقله معينه فبينقلها بسرعه عن المانيوال .......الا ان المانيوال بينقل اسرع لو انت بتكبس جامد على الموتور
                            Nile Motors
                            E
                            بقا ممله قوى وياريت محدش يستخدمها لانها بتنتش جامد وبتوصل للخامس وانت لسه على 50 والسحب فيها غبى ومش هتحس بفرق جامد فى استهلاك البنزين لو استخدمتها
                            على فكره مع احترامى للى بيقول على ان الفتيس بايظ والفتيس فيه مشاكل ده جهل بالشىء ومجرد اشاعات ليس لها اساس من الصحه والدليل ان العربيه انتشرت جامد واخدت مكانتها فى السوق
                            كل المساله ان فى الاول الملاك كان بيشتكوا ان السحب ضعيف على E وده اساسا شىء منطقى لان ده نظام اقتصادى وليس للسحب امال ES والمانيوال معمولين ليه والعربيه مكانتش بتنقل من الاول للتانى وده برده لعدم كامل العلم بالتكنولوجى الجديد لان العربيه مش بتنقل من الاول للتانى لو طالع حتة عاليه شويه وممكن تنقل من PADDLE SHIFTS امال دوول لازمتهم ايه يعنى
                            الناس اشترت العربيه انها اوتو عادى واكتشفوا انها SEMI AUTO - فعذرا لهم
                            اسف على الاطاله واى استفسار ان تحت امركم
                            Nile Motors
                            م: احمد ابو سمره

                            تحياتى
                            عزيزى م / أحمد أرجو الرد العاجل جداً حيث أننى قمت بحجز الكورولا 2009 بروفيشنال وأرجو الرد بأمانة على مشاكل الفتيس mmt التى أسمع عنها هل أستكمل التعاقد أم ألغيه وشكراً
                            _________
                            تم تثبيت الموضوع
                            إدارة المنتدى2
                            (إ.م.2)
                            [COLOR="RoyalBlue"][SIZE="5"][COLOR="RoyalBlue"]سبحانك اللهم وبحمدك أستغفرك وأتوب إليك[/COLOR][/SIZE][/COLOR]

                            Comment


                            • #44
                              عزيزى م / أحمد أرجو الرد العاجل جداً حيث أننى قمت بحجز الكورولا 2009 بروفيشنال وأرجو الرد بأمانة على مشاكل الفتيس mmt التى أسمع عنها هل أستكمل التعاقد أم ألغيه وشكراً
                              [COLOR="RoyalBlue"][SIZE="5"][COLOR="RoyalBlue"]سبحانك اللهم وبحمدك أستغفرك وأتوب إليك[/COLOR][/SIZE][/COLOR]

                              Comment


                              • #45
                                فى إنتظار الرد يا أبو سمرة
                                [COLOR="RoyalBlue"][SIZE="5"][COLOR="RoyalBlue"]سبحانك اللهم وبحمدك أستغفرك وأتوب إليك[/COLOR][/SIZE][/COLOR]

                                Comment

                                Working...
                                X