COROLLA NEW MODEL Mmt- خلاصة الكلام

[ashrafE51]

مش عارف يعنى حضرتك مبسوط من العربية ولا لأ؟ قراءة موضوع حضرتك صعبة جداً ولازم نقرأ كل جملة مرة وأتنين علشان نعرف بالضبط حضرتك عايز تقول ايه.

كلام فعلا صحيح بس انا حاولات اعدل مره اخري بس مش عارف اغير بعض الكلام
انا والحمد لله مبسوط من العربية 99%
وبعتذر مره اخري لتعب حضرتك في قراءة الكلام

[ashrafE51]

الاستاذ العزيز - Sharky

طب إيه الى جاب سيرة الميجان فى الموضع يا اشرف :)

طب ما فيعه عضو معاه الكرولا غير كمبيتور الفتيس MMT مشكلة الـ N فى اقل من سنة و فيه عضو تانى غير كبالن برضه فى اول 5000 كم فى الضمان
عادى يعنى بتحصل فى كل السيارات

و ربنا يبارك لكم فى الكرولا

احب ان اسجل احترامي لك ومجهودك بالمنتدي ... وكمان احب اوضحلك شي اول مره كنت بحب اشتري عربيتين فقط هما علي الترتيب 1- الاسكودا والرينو ميجان موديل 2008 --
الاسكودا مرتفعه وبها امكانيات عاليه جدا بس فرق الفلوس الا كانت معايا لم استطع ان احصل عليها
ام بالنسبة للميجان -- لما شوفت العربية انبهرت بقمة الفخامه والتكنولوجيا الموجوده فيها بصراحه عربية تستهال الفلوس وكمان انا بحب الاشياء التي بها تكنولوجيا ....
بس مشكلة ان موضع التكنولوجيا في مصر متابعتها وصيانتها غاليه جدا وصبعة بمصر ...
موضوع اثير امامي وده ممكن يحصل حتي مع عربية مرسيدس او اي موديل اخري اقصد من الكلام ان اي عربية تتعرض لهذا الموقف !!!!!!!!!!!!!!!!
وعلي فكره انا نفسي فعلا اجيب الاسكودا--- وحلمي ايضا الBMW 320 i


في الاخر لازم نقول ان كل الناس لابد ان تتمني لابعض الخير ...

[faroukahafeez]

يا ريت اللى يشارك فى الاستطلاع يكون فعلاً مالك للعربية

وبيقول موافق او مش موافق ليه

[ashrafE51]

يا ريت اللى يشارك فى الاستطلاع يكون فعلاً مالك للعربية

وبيقول موافق او مش موافق ليه

فعلا -- ان اي حد لديه العربية بيشارك ومن ليس لديه لايشارك وارجو من ادارة المنتدي اعادة الاستفتاء مره اخري والرجاء الاقتصار علي مستخدمي العربية ................ واتمني الموافقة من الادارة علي ذلك ...
ياريت من استخدم العربية فقط يقوم بالتصويت .... هذا رجاء من منطلق الادب والاحترام للاخرين .؟؟

[ashrafE51]

بعض الموضوعات عن العربية من تويوتا كورولا ( Mmt ) :: :

-03-2009, 07:49 PM

تاريخ التسجيل: Feb 2009
المشاركات: 14
شكراً: 0
تم شكره مرة واحدة في مشاركة واحدة
معدل تقييم المستوى: 11

فتيس الكورولا 2009
السلام عليكم
لو سمحتم يا جماعه ممكن حد يقولى فتيس لكورولا \mmt بيشتغل ازاى ؟
لانه انا سمعت انه الفتيس اتعدل فى 2009 و بقى ال E زى سواقى الاوتوماتيك بالظبط بدوسة بنزين ؟
حد سمع حاجه عن الفرق ؟
وانتم ايه رايكم فى العربيه دى بجد وتستاهل ولا لا ؟
ياريت حد يجاوبنى بصراحه وبسرعه وشكرا مقدما

#2

14-04-2009, 10:30 AM

تاريخ التسجيل: Jan 2009

المشاركات: 214

شكراً: 24

تم شكره 21 مرة في 13 مشاركة

معدل تقييم المستوى: 125

رد: فتيس الكورولا 2009

انا سمعت فعلا ان الفتيس مكنش مظبوط كان فيه نتشه كده في اول طلعه دلوقتي نزل الفتيس بالسوفت وير

الجديد حتى العربيات اللي كان فيها الموضوع راحوا التوكيل ونزلهم السوفت وير الجديد داخل الضمان بس مش

عارف بصراحه نظامه ايه حد من اسيبك لمشرف القسم الياباني يرد عليك وان شاء الله هيفيدك

#3

28-04-2009, 06:33 PM

تاريخ التسجيل: Apr 2009

المشاركات: 5

شكراً: 1

تم شكره 6 مرة في 2 مشاركة

رد: فتيس الكورولا 2009

السلام عليكم

الموضوع فعلا مضبوط السوفت وير الجديد هايل و النتشة تكاد تكون منعدمة و للعلم فى الاماكن المزدحمة لا تضغط على دواسة التسارع بشدة لان فى هذة الحالة الكمبيوتر هيفهم انك عايز تقود بطريقة رياضية فسوف يتم ارتفاع عدد لفات الموتور RPM و لا يتم النقل الا على عدد لفات 4 او 5 و لكن عند الضغط الخفيف على بدال التسارع يتم النقل اوتوماتيكيا على عدد لفات 1.5 الى 2 مما يعطى قيادة سلسة بدون اى مشاكل بدون حتى تخفيف بدال البنزين عند النقل مثل الفتيس الاوتوماتيك العادى تماما و كل هذا على ال E يعنى فى حالة ان تريد قيادة رياضية لا عليك انك تضغط على بدال التسارع على الاخر دون الضغط على زر ES و لو عايز قوة اكثر استخدم ال ES الذى يؤخر من نقل الفتيس مع اخذ القوة الكاملة VVT بالعدد 16 صمام و لو عايز قوة و سرعة اكثر استخدم ال M الذى يعطى فعلا و حقيقى قوة 142.2حصان عند عدد لفات RPM الموتور 6.5 لفة/دقيقة و هذه فعلا قوة هذة السيارة على مسئوليتى لانى قمت بمعايرة قوة كبس الموتور على جهاز ديجيتال و قرأ لى هذة القراءة و شكرا اخوكم احمد الابيض من عشاق تويوتا و الذى مش ممكن اركب غيرها.

[Sharky]

و دى برضه ردود من نفس المنتدى

اعرف واحد مبيركبش الا كورولا ..
كانت معاه ال 2007 ... و من كام شهر لقيت معاه الكورولا الجديده 2008 فضي ..
من كام يوم لقيتها فيراني و الجنوط مختلفه فسألته ايه اللي حصل ..
قالي ان الاولانيه كانت الجنوب افريقي بالفيتيس الخلوزعي
ومستحملش يقعد بيها كام شهر .. ومصدق خلص منها و جاب الخليجي 2009 ..
و شرع في سرد قصيده غزل في الفتيس ال mmt مينفعش اكتبه هنا لاخد انذار وحذف للمشاركه

لكن شكر جدا في الكورولا الخليجي ...
واضح ان تويوتا معندهاش ثقه اساسا في العربيه الجنوب افريقي ( هي معموله تجربه و جس نبض ) ... علشان كده نزلت الكورولا الياباني و التيلاندي بنفس التقنيه الاقدم و الافضل !!!!

يا جماعه الفتيس ده فيه مشكله كبيرة فعلا
أحد اصدقائى المقربين كان يمتلك فورد فوكس 2008وقام ببيعها
لسبب رئيسى انها واطيه جدا وبتحك فى الطوب اللى فى الارض فمابالك بالمطبات
المهم
اشترى تويوتا مو 2008 كامله اوتو جنوب افريقى عامله 5000 ك
العربيه فعلا مفيهاش اى سلاسه فى التعشيق وأثناء تغيير نسب القياده
ومحسوسه جدا وتحس بيها اكتر على السرعات المنخفضه
وكأنك راكب جمل المحمل (بجد والله انا جربتها بنفسى كتيييير جدا)
ذهبنا بها للتوكيل ابلغونا بشئ غريب جدا ان السياره مانيوال وليست اوتوماتيك
وان الفتيس يوجد به ديسك دبرياج مثل المانيوال تماما ولكنه كهربى الحركه
وشكر غير عادى وثناء رهيب على الاختراع اللى بيوفر فى البنزين وبيزود التسارع ........الخ
المهم بعد زيادة الشكوى من صديقى الفتيس فصل تماما عن الحركه وعطلت بيه العربيه فى نفق السلام
والدنيا كلها كانت بتتفرج على العربيه الاولى فى الاعتماديه فى مصر وهى قافله المرور فى النفق
المهم خدناها بعد مادارت بالعافيه على التوكيل وعملنا مشكله وهليله
ابلغونا ان هناك سوفت وير جديد يقوم بتسريع النقلات وتخفيضها من ثلاث ثوانى الى ثانيتين
ياحلااااااااااااااااااوه (ازاى معرفش)

المهندسه اللى هناك باسألها عن السوفت وير الجديد طيب خلوها ثانيه واحده او اقل
ردت عليا ان الفتيس مانيوال يا استاذ والديلاى اللى موجود ده لازم علشان عمل الدبرياج


المهم ذهبنا اليوم التالى لأستلام السياره أبلغونا ان السياره يوجد بها مشكله فى كنترول الفتيس
ومش راضى يقبل السوفت وير الجديد مثلنا تماما (مش راضيين نقبل كلامها)

صوتى على عليها وبوقت فيها قامت وأبلغتنا بالفجيعه الكبرى

الكنترول الخاص بالفتيس يجب تغييره تماما لأن رجل صديقى تقيله على العربيه واتحرق
وكان ينبغى عليه رفع قدمه من على الدواسه البنزين بين النقله والنقله ومراقبتها عن طريق الاحساس
وعن طريق عداد الار بى ام (عدد لفات الموتور)


ولازم علشان يتم تغييره موافقه من الفرع الرئيسى لعمل اللازم لأن ثمنه 20000 جنيه
نعم عشرون الف جنيه كما قرأتم تماما
سقط فى يدى ولم استطيع حتى النطق وخدنا بعضنا ومشينا


وكنت ناوى اعمل موضوع عن هذه الواقعه المؤسفه ولكنى استثمرت هذه
الفرصه وكتبت المشكله فى موضوع الرائع لفادى بك

وانشاء الله عند التغيير هصورلكم امر الشغل وانزله فى الموضوع ده علشان كله يطلع على الخيبه القويه

ياسيدى الفاضل هل تتوقع ان سياره موديل 2008 ماشيه 20000 كيلو متر
بعد الكشف النهائى من كثرة الشكوى من الفتيس محتاجه تغيير كنترول فتيس
تمنه 20000 جنيه مصرى فضلا عن تغيير طقم دبرياج كامل وسوفت وير
امال بعد 100000 كيلو هتحتاج تغيير العربيه بقى........


حضرتك بتقول ان الفتيس بمكوناته الحاليه تكلفة صيانته ارخص .....!

انا هارفع صور الفواتير واسعار قطع الغيار باهظة الثمن الخاصة بذات الفتيس
لمعرفة رأى الاعضاء فى اسعار صيانة الفتيس الذى كما ذكرت كنترول الفتيس فقط تمنه 20 الف جنيه
فأى تمن رخيص حضرتك تتكلم عنه


حضرتك بتقول لازم ارفع رجلى من على دواسة البنزين .......!
احنا عندنا الفتيسات نوعين (مانيوال واوتوماتيك)

ده ينتمى لأى نوع.......؟!
أعتقد انه مسخ وده اقل ما يمكن وصفه لعلبة التروس الخزعبليه

وشكرا جزيلا لحضرتك

[ashrafE51]

و دى برضه ردود من نفس المنتدى

شارك :::: --- انت دائما بترد علي اي موضع --- المهم انا بحس من كلامك علي مدي الفترات الا فاتت والان انك ما بتصدق ترد علي الموضوع -- علي فكره الموضوع مش شخصي وانا قررت ان لا ارد علي احد في هذا الموضوع واكتفي باحضار اي معلومه تخص الموضوع ده فقط الافاده وليس اي شي اخر -- ياريت حضرتك ومن منطلق احساسك بالسعاده عن اي خبر يضايق اي حدا معه العربية ديه لماذا اصبح الموضوع بالنسبة ليك شخصي ... ايه السبب !!!!!!!!!!!!!!
لن اخذ اقتباس من اي عضو وارد عليه في هذا الموضع الا في الحالات الضرورية ...

[Sharky]

الموضوع ليس شخصى نهائيا بالنسبة لى على الأقل
لكن من العدالة و الإفادة زى ما حضرتك بتقول إظهار المعلومات الإيجابية و السلبية عن السيارة و خاصة ان كانت فى موقع واحد !
و لا لحضرتك راى أخر ؟

[ashrafE51]

ما هو مؤشر الاستفتاء ؟؟؟؟ حتي الان

[Sharky]

حضرتك بتتكلم فى 10 أو 15 فرد !!
طب ماهو مؤشر السوق و التوكيل حتى الأن ؟

[ashrafE51]

اذا كان الموضوع يريحك ويخليك تكون مطمأن ومبسوط ياعم العربية سيئه جدا ولا ترتقي لان تكون عربية يستخدمها انسان علي وجه الارض --- ياريت نقفل الموضع ده وربنا يسهل في اخر السنه 2009 يكون الموضوع اتضح خالص ولك ومن في المنتدي الاحترام ...


وشكرا

[Sharky]

اذا كان الموضوع يريحك ويخليك تكون مطمأن ومبسوط ياعم العربية سيئه جدا ولا ترتقي لان تكون عربية يستخدمها انسان علي وجه الارض --- ياريت نقفل الموضع ده وربنا يسهل في اخر السنه 2009 يكون الموضوع اتضح خالص ولك ومن في المنتدي الاحترام ...


وشكرا

استاذ أشرف ربنا يبارك لك فى سيارتك و يحفظها لك من كل سوء

[momo10000]

يا جماعه لو مكنش في مشكلة مكنش الوكيل في مصر اصر ان الموديلات الجديدة تبقي اتوماتيك مش mmt ودا اكبر دليل علي عدم اتفاق سياسة ال mmt في مصر .... الموضوع دا قتل نقاشا ... وخفض مبيعات تويوتا ... واي كلام غير كدة ... يبقي نوع من التحيز اللي مالوش معني !!!!

[ashrafE51]

ربنا يسهل في اخر السنه 2009 يكون الموضوع اتضح خالص ولك ومن في المنتدي الاحترام ...

[أبو عبدالله]

يا جماعه لو مكنش في مشكلة مكنش الوكيل في مصر اصر ان الموديلات الجديدة تبقي اتوماتيك مش mmt ودا اكبر دليل علي عدم اتفاق سياسة ال mmt في مصر .... الموضوع دا قتل نقاشا ... وخفض مبيعات تويوتا ... واي كلام غير كدة ... يبقي نوع من التحيز اللي مالوش معني !!!!

انا اتفق ان فيه مشكلة ولكن ما هيا
ان المشكلة الفتيس وحش او بايظ ولا المشكلة انه محتاج تعود من الناس

هيا دي مشكلتي انا دلوقتي في توضيح الأمر

هل المشكلة في الفتيس ميكانيكيه او انه بايظ يعني ؟؟؟
ولا
المشكلة ان الناس محتاجده تعود عليه كنوع جديد ليس له مثيل سابقا في السوق ؟؟؟