استفسار بخصوص الكورولا 2010

[Reemireallyloveu]

السلام عليكم انا اسمى محمد و كنت عاوز اسأل على عدة نقاط لأنى ان شاء الله حاجيب الكورولا الجديدة الهاى لاين

* هل هينزل موديل 2010 و هينزل امتى و هل يفضل انى انتظر ام اتوكل على الله و اجيب 2009 و ايه وجه الاختلاف بين الاتنين؟

*هل الكورولا اللى بتتباع في التوكيل بتنزل بالسبويلر و العتب والأكصدامات المعدله رياضيا",,,,,و لو لأ طب هل ممكن أعمل الأ ضافات دى فى التوكيل بكام؟؟

*ايه سعر (الغطاء و الدواسات و الفرش الجلد من التوكيل و الكاسيت الديفيدى الأصلى بمشتملاته و لو عاوز أعمل مفتاح بلوتوث تانى)

*ايه الأكسسوارات اللى ممكن تضاف على الهاى لاين و تكون بتتباع فى التوكيل ؟

* ما هو سعر الفي كوول لو هاركبه و هل بيركب على الزجاج فقط ام على العربية كلها ؟

شكرا و اسف على الأطالة و ارجو تقبلونى صديق جديد

[faroukahafeez]

[QUOTE=Reemireallyloveu;850090]السلام عليكم انا اسمى محمد و كنت عاوز اسأل على عدة نقاط لأنى ان شاء الله حاجيب الكورولا الجديدة الهاى لاين

* هل هينزل موديل 2010 و هينزل امتى و هل يفضل انى انتظر ام اتوكل على الله و اجيب 2009 و ايه وجه الاختلاف بين الاتنين؟

موديل 2010 المفروض بينزل على أخر شهر أكتوير
مفيش معلومة مؤكدة ان فيه تغير والمفروض الموديل هيفضل بالشكل الحالى الى 2012
فيه كلام ان احتمال ينزل موديل فتيس اتوماتيك عادى بس لسة كلام

نجيبها أو تتنظر ديه حسب احتياج ليها

*هل الكورولا اللى بتتباع في التوكيل بتنزل بالسبويلر و العتب والأكصدامات المعدله رياضيا",,,,,و لو لأ طب هل ممكن أعمل الأ ضافات دى فى التوكيل بكام؟؟

لا مش بتنزل وممكن تسأل عليها فى التوكيل

*ايه سعر (الغطاء و الدواسات و الفرش الجلد من التوكيل و الكاسيت الديفيدى الأصلى بمشتملاته و لو عاوز أعمل مفتاح بلوتوث تانى)

الغطاء 250 الفرش 650 الكاسيت الد فى دى ب 5500 وفيه محل بيبعه 3200 وناس جيبه من دبى ويكلف حوالى 2500

مفتاح البلوتوث كان 1000 جنيه تقريبا
الاسعار ديه من فترة وممكن تسأل عليها فى التوكيل علشان تعرف الاسعار دلوقتى

*ايه الأكسسوارات اللى ممكن تضاف على الهاى لاين و تكون بتتباع فى التوكيل ؟

معرفش غير الرينجات

* ما هو سعر الفي كوول لو هاركبه و هل بيركب على الزجاج فقط ام على العربية كلها ؟

بصراحة معرفش اية الفى كول ده أصلاً

[Reemireallyloveu]

شكرا يا استاذ فاروق على اهتمامك و ردك اما بالنسبة للفي كوول فده حاجة كده زى الفيميه بس شفاف و بيعزل العربية حراريا و فعال جدا ,,,,ايه هى الرنجات دى؟؟

[faroukahafeez]

شكرا يا استاذ فاروق على اهتمامك و ردك اما بالنسبة للفي كوول فده حاجة كده زى الفيميه بس شفاف و بيعزل العربية حراريا و فعال جدا ,,,,ايه هى الرنجات دى؟؟

اه هو ده اسمه الفى كول بس انا أسمع والله أعلم ان على حسب درجة الشفافية بيختلف سعره
بس سعره عامة مش رخيص وممكن تسأل فى التوكيل احتمال يكون عندهم وبص فى مواضيع أكسسوارات السيارات فى المنتدى هتلقى تفاصيل وأماكن وأسعار

الرينجات ده اللى بتركب على الفوانيس وبتكون معدن وبتحمى الفوانيس وبتدى شكل ليها

[د.محمود صلاح]

تركيب ال V cool تقريبا ب 700 ج للسيارة الواحدة وهو يعكس حرارة الشمس بيحيث يسهل عملية التكييف وبالتالى يريح الموتور