اشتريت اليارس

[moha2223]

شكرا لكل اعضاء المنتدى على تشجيعهم لى فى شراء اليارس ودة تقيمى بعد 600كم
1-عربية جميلة جدا من جوة و واسعة اوى وشكلها الخارجى جميل
2-استهلاك بنزين حلو اوى
3-العفشة نشفة شويا ولكن يمكن دة علشات لسة جديدة
4-مرتفعة اوى عن الارض الواحد يدخل على اى مطب فى مصر بقلب جامد
5-عزل داخلى ممتاز ساعات كتير مش بحس بصوت الموتور علشان ادى الغيارالاعلى
6-سوند سيستم جبار
7-تابلوة فى منتهى الشياكة
فعلا اليابانى يابانى ولا يقارن باى حد حتى لو احسن في الشكل
ولكن ليا سوال
هو فية صيانة 1000كم وهل هى مهمة واية اللى بيحصل فيها وبكام؟:b4_388:

[Hosam_Optrawy]

مبروك عليك وربنا يحفظهالك

[speed4speed]

مبرووووووووووووووك

[pharonicking]

احسنت فعلا الاختيار ربنا يبارك لك فيها
بالنسبة الصيانة فيه 1000 ودى مجانا وبيشيكوا عالعربية لو فيها حاجة
الميزة فى اليابانى انه مفيهوش عيوب تقفيل
استمتع باليابانى الاصلى""

[faroukahafeez]

الف مبروك

ربنا يعطيك خيرها ويكفيك شرها

[Samir Elshahawy]

ألف مبروك عليك العربية "التويوتا - ياريس" و أليك بعض النصائح المهمة كي تحافظ علي عربيتك و تأمن شر الطريق:
1- ألتزم بالصيانات الدورية في ميعادها وفق ماهو مذكور بكتالوج السيارة
2- أحذر السرعة فالسيارة خفيفة و ذات موتور قوي يجعلها سريعة جدا بالضافة الي أنها مرتفعة عن الارض مما يقلل من ثباتها علي السرعات العالية لذا لا أنصح بأكثر من 120 كم/ساعة و بشرط أن يكون الطريق و الظروف الجوية مواتية

و ألف ألف مبروك و ربنا يكفيك و يكفينا شر الطريق

[dode2002]

مبروك
وصيانه ال 1000 مجانية

[body]

مبروك ياباشا ربنا يديك خيرها ويكفيك شرها

على راى المثل الشعبي الجميل الغربال الجديد لة شدة

شوية كدة بعد ماتركبها وتسافر وتعيش حياتك معاها هتندم انك جبت العربية دى

نصيحة لوجة الله اوعى تزود عن 100 عشان بعد 100 العربية بتعوم ومش هتلحق تلم نفسك واياك تفكر تشد وتغرز بيها وربنا يسترها معاك

[محمد ابراهيم 1]

مبروك ياباشا ربنا يديك خيرها ويكفيك شرها

على راى المثل الشعبي الجميل الغربال الجديد لة شدة

شوية كدة بعد ماتركبها وتسافر وتعيش حياتك معاها هتندم انك جبت العربية دى

نصيحة لوجة الله اوعى تزود عن 100 عشان بعد 100 العربية بتعوم ومش هتلحق تلم نفسك واياك تفكر تشد وتغرز بيها وربنا يسترها معاك

ههههههههههههههههههههههه

ايه يا عم ده

العربيه زى الفل ومش قوى كده بالنسبه للعومان وحتى العومان له علاج

[dode2002]

مبروك ياباشا ربنا يديك خيرها ويكفيك شرها

على راى المثل الشعبي الجميل الغربال الجديد لة شدة

شوية كدة بعد ماتركبها وتسافر وتعيش حياتك معاها هتندم انك جبت العربية دى

نصيحة لوجة الله اوعى تزود عن 100 عشان بعد 100 العربية بتعوم ومش هتلحق تلم نفسك واياك تفكر تشد وتغرز بيها وربنا يسترها معاك

علي فكره الراجل اشتري وخلاص مش بيسأل حضرتك عن رائيك فيها قبل الشراء فمكنش يجب انك تقوله هتندم ومش هتندم
متزعلش مني بس الاسلوب بصراحه حسسني ولا خلاص اسف علي كل حال

[ابوشريف]

مبارك عليك الياريس الجديده

هو رأى الاخ بودى صح فى انك المفروض ماتعديش ال 100

لكن ده بس علشان انت لسه مكملتش 3000 كيلو مش أكثر

والمفروض كمان متجبرش العربيه على السحب بسرعه وفجأه

لكن بعد ماتكملهم جرب الجرى براحتك بس تكون ظروف الطريق والجو مناسبه

كذا مره تسرقنى فى السرعه وخاصة وانا قافل الزجاج

طبعا انا منصحش حد بالسرعات العاليه يعنى 120 معقول

لكن ان شاء الله حتجرب وتشوف بنفسك امكانيات تسارع موتور الياريس وبالتكييف كمان

بس بعد ماتكمل ال3000 علشان الموتور يكون أخد حقه فى التليين

ومنتظرين تقييمك بعد ال5000 ان شاء الله

ربنا يعطيك خيرها ويكفيك شرها وشر الحاسدين والحاقدين

[Fadi Ezzat]

الف مبروك عليك ياباشا وعقبال الكاميرى

[Yarisawy]

اختيار موفق وربنا يباركلك فى العربيه

[midnightman_74]

مبرووووووكككككككككككككك

[eng_tmtm]

انا جبت بيها 170 اتوماتيك كاملة فيها 3 افراد و مشغل التكييف
انا بس عايز انبه ان المقارنة لازم تكون بين نفس الفئة
انا مش عارف حضرتك بتقارن بين ياريس و ايه؟
any way I like it very much, alf mabrouk ya basha
rabena yedek 7'era we yekfek sharaha