كورولا وخداع الوسائد الهوائية !!!!!!!!!!!!

[magnooon]

السلام عليكم ورحمة الله
انا عندى كورولا 2008 ليها سنة ونص تقريبا وهيه advanced يعنى الكاملة اللى بينصبوا وبيقولوا انها فيها 9 وسائد هوائية
المهم انا كنت مسافر انا والمدام على طريق القطامية وكنت مشغل مثبت السرعه على 120 وكنا لابسين حزام الامان كان فيه قدامي عربية بمقطورة ماشية المهم انى نمت رحت خبطت فى المقطورة وطبعا انا سرعتى اعلى منها راحت العربية دخلت تحت المقطورة وبعد الخبطه فصل مثبت السرعة المهم الوش اتخرشم وكمان الرفرفين ادعكوا والكبوت اطبق وكسر الزجاج المهم العربية ادعكت
كل ده ومفيش ولا وساده هوائية اتفتحت مع انى التابلوه من الخبطة اترحل لقدام فى الكابينه
اظاهر كانت حتفتح لما اموت!!!!!!!!!!!!!!!!!
هل لازم اكون لابس حزام الامان علشان تفتح
وهل لو انا راكن العربية وهيه شغاله وحد خبطها جامد تفتح
او ايه اللى يخليها تفتح اذا كان بعد كل ده ومفتحتش
ارجو من الجميع المشاركة والاجابة
وشكرا ليكم

[Sharky]

إللى أعرفه إن الكرولا من السيارات إن علشان الإيرباج يفتح لازم تكون لابس حزام الامان

و إن سنسور الإيرباج بيكون تحت قريب من الإكصدام

[mtema99]

السلام عليكم ورحمة الله
انا عندى كورولا 2008 ليها سنة ونص تقريبا وهيه advanced يعنى الكاملة اللى بينصبوا وبيقولوا انها فيها 9 وسائد هوائية
المهم انا كنت مسافر انا والمدام على طريق القطامية وكنت مشغل مثبت السرعه على 120 وكنا لابسين حزام الامان كان فيه قدامي عربية بمقطورة ماشية المهم انى نمت رحت خبطت فى المقطورة وطبعا انا سرعتى اعلى منها راحت العربية دخلت تحت المقطورة وبعد الخبطه فصل مثبت السرعة المهم الوش اتخرشم وكمان الرفرفين ادعكوا والكبوت اطبق وكسر الزجاج المهم العربية ادعكت
كل ده ومفيش ولا وساده هوائية اتفتحت مع انى التابلوه من الخبطة اترحل لقدام فى الكابينه
اظاهر كانت حتفتح لما اموت!!!!!!!!!!!!!!!!!
هل لازم اكون لابس حزام الامان علشان تفتح
وهل لو انا راكن العربية وهيه شغاله وحد خبطها جامد تفتح
او ايه اللى يخليها تفتح اذا كان بعد كل ده ومفتحتش
ارجو من الجميع المشاركة والاجابة
وشكرا ليكم

سلام عليكم و رحمه الله و بركاته

اولا حمد الله على سلامتك انت و الاسره

ثانيا الايرباج

هي ليها حل من الحلين مالهمش ثالث

اولا عيب صناعه و ده بيكون فيه نسخ من العربيه معيبه مش كل شركه بتنتج 100% على الرغم من ان تويوتا كاشركه اقل عيوب صناعه

ثانيا ليس عيب صناعي
و ساعتها هيبقى قدامك سبب من الاسباب الاتيه
1-الزرار الموجود في الكونسول و يقفل الايرباج (ممكن تكون حضرتك او اي حد قفل الزرار ده) و عشان كده ولا واحده فتحت
2-ممكن يكون عشان مش لابس حزام امان فهو بيعتبر ان السواقه في مدينه مع الاكتفاء بالانظار و ميفتحاش غير لما تحط الحزام
3-عندنا فالجمارك لما بتيجي العربيه او الشحنات بيمتشوها بغباء فممكن تكون مقفوله لدرجه انها معرفتش تخرج


هي ديه كل الحالات و ياريت تطمنا عملت ايه

[Mzeid]

قدر الله و ماشاء فعل .. و حمد لله على سلامة حضرتك ..
المهم حضرتك تحاول تتأكد إذا كان في زرار لتشغيل أو لإيقاف الوسائد الهوائية
غير كدة أكيد طبعا عيب في العربية ..

[mtema99]

قدر الله و ماشاء فعل .. و حمد لله على سلامة حضرتك ..
المهم حضرتك تحاول تتأكد إذا كان في زرار لتشغيل أو لإيقاف الوسائد الهوائية
غير كدة أكيد طبعا عيب في العربية ..

ممكن كمان يبقى عشان مش لابس حزام امان

[Sharky]

يا جماعة هو مش زرار غلق الإيرباج بيبقى للى جالس بجانب السائق فقط علشان لو فيه طفل لكن الباقى ما بيتقفلش

[Ahmed Hassan]

متهيألي كمان ممكن تبص في الكتالوج.... بيك،ن مكت،ب فيه الحالات اللي الايرباج مش بتفتح فيها و الحمد لله على سلامتك

[mtema99]

يا جماعة هو مش زرار غلق الإيرباج بيبقى للى جالس بجانب السائق فقط علشان لو فيه طفل لكن الباقى ما بيتقفلش

مش شرط يأحمد

فيه شركات فيها موديلات للغلق الكامل زي مرسيدس سي كلاس مثلا و بي و ايه

فممكن يبقى الكورولا كده حيث ان الافنسيس كانت كده

انا مشفتش لسه الافنسيس الجيل الجديد ايه نظامه

متهيألي كمان ممكن تبص في الكتالوج.... بيك،ن مكت،ب فيه الحالات اللي الايرباج مش بتفتح فيها و الحمد لله على سلامتك

+++

انا معاك فعلا فالرأي ده يأستاذ احمد

[محمد ابراهيم 1]

يا جماعه لازم عشان الأير باج تشتغل إن الصدمة تكون 25 كم أو أعلى فى حالة الإصطدام بجسم صلب لا يتحطم أما فى حالة الإصطدام بجسم متحرك فالسرعة اللازمة تكون أعلى من ذلك بكثير وعلى حسب الجسم الذى تم الإصطدام به بمعنى أن يكون الفارق ما يعدل الإصطدام بسرعة 25 كم أو أعلى بحائط صلب

كذلك لابد أن يتم الإصطدام فى المناطق التى بها سنسور الإير باج
بمعنى أن الدخول تحت سيارة نقل يبعد سنسور الإصطدام عن الحادث وأنا أعتقد أن ذلك ما حدث معك
والأمر المعلوم أن الإير باج يفتح من ناحية الصدمة فقط
وفى جميع الحالات الحمد لله على سلامتك

[magnooon]

الله يسلكم جميعا
بس انا كنت لابس حزام الامان
وكمان بالنسبة لقفل الاير باج ده للراكب اللى جمبى فعلا فيه قفل فى التابلوه وديه للراكب اللى جمبى
اما بالنسبه للسرعه انا فعلا كنت نايم بس اللى حصل فى العربية يدل انى الصدمه شديده جدا لانى العربية اتخرشمت تماما وبالتالى اكيد السرعه اعلى من ال 25
واللهى انا كنت اتمنى انى اجيب صورة بس انا اصلى مش من القاهرة ووديتها التوكيل وكنت ملخوم وسافرت بس طبعل لسا التأمين وكده واحتمال اسافر تانى ولو ده حصل حصورها ان شاء الله ووريهالكم
وشكرا جدا لردكم

[khpopo]

سيستم الايرباج فى العربيات الجديدة كلها على ماظن انة مرتبط بالحزام لانهم سيستم متكامل يعمل معا فى الحوادث فى وقت واحد
واذا مكنش فى زرار يعطل عمل الايرباج :k17:
يبقى دة 100 فى 100 عيب صناعة ومن حقك تشتكى حماية المستهلك عشان قلة الضمير الى بقت متوفرة
الايرباج لاتعمل والعربية متوقفة تماما
ربنا يوفق

[NaderNabil]

بالإضافة إلي كلام باقي الأعضاء...
حضرتك دخلت في تيرللا...يعني مركبة مرتفعة...

سنسور الإيرباج بيبقي في مستوي الإكصدام مش أعلي من كده

يعني لازم تخبط عربية في مستوي عربيتك عشان تفتح

و الدليل علي كده...عربية حضرتك واخده 5 نجوم...و المفروض لما بتتخبط من قدام التابلوه مايتحركش....لكن في حالة حضرتك اللي حرك التابلوه ان الخبطة كانت جاية فوق مما أدي إلي تحريك التابلوه من فوق برضو

إفتج كتالوج سيارتك و هات الصفحة اللي بتتكلم عن الإيرباجز...و شوف الحالات التي لا تفتح فيها الإيرباج...هتلاقي من ضمنها اللي بتكلم عليه

و حمد الله علي سلامتك...فداك 100 عربية :)

[magnooon]

شكرا للجميع على الرد

[Amr_Moh]

يا جماعة هو مش زرار غلق الإيرباج بيبقى للى جالس بجانب السائق فقط علشان لو فيه طفل لكن الباقى ما بيتقفلش

+111111111

حمداً لله على سلامتك قدر الله وما شاء فعل

[Amr_Moh]

الله يسلكم جميعا
بس انا كنت لابس حزام الامان
وكمان بالنسبة لقفل الاير باج ده للراكب اللى جمبى فعلا فيه قفل فى التابلوه وديه للراكب اللى جمبى
اما بالنسبه للسرعه انا فعلا كنت نايم بس اللى حصل فى العربية يدل انى الصدمه شديده جدا لانى العربية اتخرشمت تماما وبالتالى اكيد السرعه اعلى من ال 25
واللهى انا كنت اتمنى انى اجيب صورة بس انا اصلى مش من القاهرة ووديتها التوكيل وكنت ملخوم وسافرت بس طبعل لسا التأمين وكده واحتمال اسافر تانى ولو ده حصل حصورها ان شاء الله ووريهالكم
وشكرا جدا لردكم

لو عندك صورة حتكون أوضح لوصف شكل الحادث،، ومتزعلش علصاج المهم انك سليم