من فضلكم افيدوني في تيل فرامل الياريس 2007

[Sharky]

شكرا يا باشا
بس الحكاية مش تركيز مع تويوتا زى ما انت متخيل
كل ما فيها انى معايا ياريس فطبيعى أشوف موضوعات تويوتا بحكم انى مالك ليها

هو لما يظهر فى ماركة او اتنين كمان يبقى كده شايف إنه منتشر فى كل السيارات

[Samir Elshahawy]

متشكرة جداااا لحضرتك حبقى اكلم حضرتك ان شاء الله قبل ما اروح علشان افهم بالظبط اقولهم ايه ...انا من اسكندرية فمعنديش اختيارات كتير لمراكز الخدمة بتاعة تويوتا هنا بيتهيألى هو واحد بس اللى موجوداللى هو بتاع الرزق ياريت لو حد يعرف مركز صيانة تانى يقولى

علي فكرة انا كنت النهاردة في التوكيل اللي في التجمع الخامس و أتكلمت مع الناس اللي هناك (خدمة العملاء و الشكاوي) في موضوع شكاوي الناس بخصوص الكورولا و الياريس و قريب أوي هايكون فيه أخبار سارة لكل أعضاء "نايل موتورز" بس أدعوا لنا أن ربنا يوفقنا معاهم فيما بدأناه اليوم

[Sharky]

علي فكرة انا كنت النهاردة في التوكيل اللي في التجمع الخامس و أتكلمت مع الناس اللي هناك (خدمة العملاء و الشكاوي) في موضوع شكاوي الناس بخصوص الكورولا و الياريس و قريب أوي هايكون فيه أخبار سارة لكل أعضاء "نايل موتورز" بس أدعوا لنا أن ربنا يوفقنا معاهم فيما بدأناه اليوم

ربنا يوفقك لما فيه الخير للأعضاء
و ولو محتاج منى أى مساعدة فى الموضوع دا انا تحت أمرك

[Samir Elshahawy]

ربنا يوفقك لما فيه الخير للأعضاء
و ولو محتاج منى أى مساعدة فى الموضوع دا انا تحت أمرك

شكرا ياباشا تعيش أكيد وقت مانحدد ميعاد معاهم هانحتاج لممثلين من نايل موتورز , و بداية انا اطلعت "كريم منير" علي تفاصيل لقاء النهاردة بس مش عايز أسبق الاحداث

[أبو عبدالله]

احمد مسألة التيل دي هتلاقي في غالب العربيات اللي بجنوط سبور مش جنوط عاديه
وده بسبب ان غسيل العربيه لازم الميه تيجي على التيل من جوه لأن الجنوط الاسبور بتبقى فتحاتها اوسع من العادية

[Sharky]

احمد مسألة التيل دي هتلاقي في غالب العربيات اللي بجنوط سبور مش جنوط عاديه
وده بسبب ان غسيل العربيه لازم الميه تيجي على التيل من جوه لأن الجنوط الاسبور بتبقى فتحاتها اوسع من العادية

بس معظم عربيات الياريس يا ابو عبدالله مافيهاش جنوط !!

[ghada_zaky]

كنت بكلم التوكيل النهاردة علشان احجز للصيانة و كلمت مهندس من الصيانة علشان اقوله على موضوع الصوت اللى من الفرامل لقيته بيقولى ده عادى فى العربيات الاوتومتيك وكل العربيات الاتومتيك فيها الصوت ده لما بتضغط على الفرامل للاخر وده عادى مجرد بس تراب دخل جواه وعايز يتنضف .......
ومجبش اى سيرة عن اى نوع من انواع التغير حتى لتيل الفرامل وخلى ان ده العادى فى العربيات الاتومتيك حتى لما قولته ان فيه عربيات اتومتيك مفهاش الصوت ده قالى لا ده عادى
ايه رايكم يا جماعة فى الكلام ده
هل هو فعلا مجرد تراب و يتنضف زى ما بيقول ولا هى المشكلة اللى فى الطنابير زى اللى حصلت مع dr_maged1975

[Samir Elshahawy]

كنت بكلم التوكيل النهاردة علشان احجز للصيانة و كلمت مهندس من الصيانة علشان اقوله على موضوع الصوت اللى من الفرامل لقيته بيقولى ده عادى فى العربيات الاوتومتيك وكل العربيات الاتومتيك فيها الصوت ده لما بتضغط على الفرامل للاخر وده عادى مجرد بس تراب دخل جواه وعايز يتنضف .......
ومجبش اى سيرة عن اى نوع من انواع التغير حتى لتيل الفرامل وخلى ان ده العادى فى العربيات الاتومتيك حتى لما قولته ان فيه عربيات اتومتيك مفهاش الصوت ده قالى لا ده عادى
ايه رايكم يا جماعة فى الكلام ده
هل هو فعلا مجرد تراب و يتنضف زى ما بيقول ولا هى المشكلة اللى فى الطنابير زى اللى حصلت مع dr_maged1975

هو الصوت أيه بالظبط ؟؟ صفارة و لا تكتكة ؟

[ghada_zaky]

هو الصوت أيه بالظبط ؟؟ صفارة و لا تكتكة ؟

مش صفارة ومش تكة ممكن اكتر وصف مناسب ليه زى ما dr_maged1975 قال كأن حد بيضغط على اسنانه كأنه صوت تزيق

[Samir Elshahawy]

مش صفارة ومش تكة ممكن اكتر وصف مناسب ليه زى ما dr_maged1975 قال كأن حد بيضغط على اسنانه كأنه صوت تزيق

طيب هو ماينفعش يحكم علي العربية من خلال وصف حضرتك له في التليفون ده حتي الدكتور مايعرفش يشخص حالة المريض ألا لما يشوفه و يكشف عليه