مشكلة تقل الدريكسيون

[Ali_Abdelhamid]

طيب ممكن تقولى على ميكانيكى يفهم فى الموضوع ده ... علشان انا سالت أكتر من واحد .. ما فيه حد فاهم يعنى ايه أسكاترا

[tabeb]

ممكن يكون الكاوتش مهوي هو اللي عامل كده

[Ali_Abdelhamid]

الأخ madoo_600
أنا روحت سألت عند البلطى ... ولاكن ما لقيت طرمبة الباور عنده

[Ali_Abdelhamid]

الأخ tabeb
انا عملت كل حاجه متوقعه ... أنا غيرت فى البداية سير الباور والدينامو ... وغيرت زيت الباور ... وغيرت أربع فرد كاوتش بريدجستون ( الظغط 28 ) وجربت (الضغط 30 و 32 )... ورصصت الكاوتش ... وظبت زوايا ... ... وكشف على علبة الدركسيون ... وكشفت على الأسكاترا ... ما فيه مشكله والدليل على ذلك ان ما فيه تسريب زيت أو نقصان زيت من علبة زيت الباور

يا ريت لو حد يعرف يحل لى هذة المشكلة

[stlony]

الأخ tabeb
انا عملت كل حاجه متوقعه ... أنا غيرت فى البداية سير الباور والدينامو ... وغيرت زيت الباور ... وغيرت أربع فرد كاوتش بريدجستون ( الظغط 28 ) وجربت (الضغط 30 و 32 )... ورصصت الكاوتش ... وظبت زوايا ... ... وكشف على علبة الدركسيون ... وكشفت على الأسكاترا ... ما فيه مشكله والدليل على ذلك ان ما فيه تسريب زيت أو نقصان زيت من علبة زيت الباور

يا ريت لو حد يعرف يحل لى هذة المشكلة

بس بردو مغيرتش الطلمبه ممكن تكون الطلمبه نفسها مش سليمه ومدام مش موجود عند البلطي يبقي مش هاتلاقيها جديده دور عليها مستعمله (استيراد يعني) في الحرفين او عزبة شلبي

[abouzaid555]

متابع باهتمام

[Strong]

دي مش مشكلة ولا حاجة !!!!

أي عربية دريكسيونها بور لما تمشي مسافة طويلة على طريق سريع الدريكسيون هيتقل بس التقل بيفرق في الإحساس من شخص لآخر يعني ممكن واحد يحس إن في تقل والتاني لأ لكن في الحالتبن الدريكسيون هيتحرك بسهولة وانت واقف

أنا شوفت عربيات ملاكي بأنواعها المختلفة فيها الحكاية دي بتحصل بما فيها عربيتي

ده حتى عربيات النقل الربع نقل والنص نقل كله نفس النظام وكلهم زيروووووووووووو

مهما حاولت تخليه خفيف مع المشي الطوالي لمسافة كبيرة مش هيخف

أنا حبيت اطمنك إن دي مش مشكلة وده شيء عادي وجرب بنفسك لو مش مصدقني بس بنفسك علشان حساسية تقل الدريكسيون بتختلف من شخص لآخر وشوف أي عربية بور حتى لو نقل هتلاقيها كده


لو عايزه يرجع خفيف تاني أكتر مما كان امشي في شوارع جانيبية واكسر فيها يمين وشمال كتير حتلاقي الدريكسيون رجع خفيييييييييييييييييييييييف جدااااااااااااا

وممكن كمان تركن العربية يوم بعدها هيرجع الدريكسون خفيف

[Ali_Abdelhamid]

الأخ Amo11
اولا شكرا جزيلا على الرد ... بس المشكله الحقيقيه ان تقل الدريكسيون تزال موجوده بعد فتره من السير ... هاوضح لحضرتك المشكله باختصار تانى ... اول ما ادور الصبح الدريكسيون بيبقى حفيف زى أى عربيه باور ... اول ما أمشى شويا يعنى 5 دقايق يبتدى يتقل ولو سفر بيتقل جدا ... ولو بطلت العريبه فتره ورجعت دورت تانى يفضل التقل زى ما هوا ... وبدات رحله التصليح ... أول حاجه غيرت زيت الباور القديم بزيت باور جديد من نفس نوع زيت الفتيس الأوتوماتيك ... وتغيير سير الباور والتاكد شده كويس ... والكشف على علبه الدريكسيون والأسكاترا ... وتغيير فرد الكاوتش والتاكد من ضغط الهوا 28 و 30 و 32

وبردو المشكله ما زالت قائمه

اخر حاجه عملتها أنى دورت على زيت بور استرينج علشان انا مش مقتنع بأستخدام زيت الفتيس الأوتوماتيك ل بور الدريكسيون ... ولقيته فعلا الزيت ده ونوعه ألمانى ب 80 جنية وغسلت دوره الباور بنصف الزجاجه وأستخدمت النصف الثانى

وبردو المشكله ما زالت قائمه