نظرة على التويوتا كورولا

[faroukahafeez]

بسم الله الرحمن الرحيم

التعريف بالسيارة :

الكورولا سيارة حققت اعلى المبيعات فى تاريخ السيارات وصل الى 30 مليون سيارة حول العالم ولذلك تعتبر الكورولا رمز لشركة تويوتا

وما نستعرضه هى السيارة الكورولا الجنوب افريقى وهى تنتمى للجيل العاشر من تويوتا كورولا

1- التصميم

سيارة سيدان كلاسيك تم تصميمها بالتعاون مع احدى الشركات الايطالية

1-1 التصميم الخارجى

اختلف البعض على شكل السيارة وخاصة فى الفوانيس الخلفية خاصة انه موضوع اذواق

ولكن مما لا شك فيه ان مشاهدتها على االطريق تعطى انطباع بالفخامة والقوة لسيارة متميزة تحمل شعار تويوتا

1-2 التصميم الداخلى

تصميم رائع جمع بين الراحة والمساحة واستخدام خامات جيدة جدا ًوشكل تابلوة متميز

ونجحت تويوتا بالهروب من فخ تهمة الكلاسيكية المفرطة التى تشعر قائد السيارة بالملل




1-3 مقصورة الركاب
تابلوة متناسق بالوان متميزة يزداد فخامتة بكونه قطعة واحدة يحتوى فى المنتصف على الكاسيت والتكييف
وامام الراكب الامامى درجين تخزين

وامام السائق
فى البروفشينال
عدادات السرعة و RPM و الحرارة والبنزين وشاشتين تحتوى على معلومات للسائق كالمسافة المقطوعة بالسيارة ، 2 كمبيوتر رحلات ، المسافة التى يمكن قطعها بالبنزين المتبقى ، متوسط السرعة وساعة الوقت ....

اما فى الادفانسيد
فالعدادات الاوبترون بالوانها المتميزة التى تزيد من جمال ورونق التابلوة

رؤية واضحة جداً للطريق والسيارات التى امامك ويعيبه صعوبة رؤية مقدمة وخلفية السيارة ولكن التعود على ابعاد السيارة بالوقت يساهم فى حل هذ العيب

1-4 مساحات التخزين
تشعر ان مصمم السيارة استغل كل جزء فى السيارة لاضافة مساحة للتخزين
يوجود أماكن تخزين فى أماكن كثيرة وبمساحات مختلفة

1-5 شنطة السيارة
شنطة واسعة جداً ورائعة فى شنط وأغراض السفر
اعتقد مساحة الشنطة 470 لتر (لست متأكد من الرقم)

2- السلامة و الامان

حاصلة على 5 نجوم فى اختبارات الامان EuroNCAP

3- الموتور
16Valve DHOC with Dual - VVT -I
124 حصان @ 6000 RPM
157 نيوتن @ 5200 RPM

موتور صوته هادى وقوى وبتسرع من صفر الى 100 كم فى 10 ثوانى بالاضافة انخفاض استهلاك البنزين

4- العزل داخل المقصورة

العزل جبد جداً ولو اقفلت زجاج العربية مش هتسمع اى صوت خارج السيارة ودا واضح جداً اما تفتح كبوت العربية وتشوف عزل الموتور





5- استهلاك البنزين
اليابانى مشهور جداً يتوفير البنزين ودا اللى هتحسة جداً مع الكورولا خاصة فى الفتيس MMT وعلى الوضعية E

عاملة تقريباً 100 كم بـ 5 لتر بنزين وده متوسط سواقة عادية داخل البلد

6- الفتيس
فيه دلوقتى 3 انواع من الفتيس المانيوال ، الاتوماتيك العادى ، MMT

بالنسبة للـ MMT هو فتيس مانيوال فى الاساس يعننى موجود به اسطوانة دبرياج وطريقة سواقته جديدة وطور بالتعاون مع شركة بورش

الفتيس بيقدم 3 طرق مختلفة للسواقة بيه
1- M المانيوال بتخد غيار عن طريق عتلات المثبتة خلف الدركسيون + او -
2 - E طريقة سواقة شبه اتوماتيك والغرض الاساسى منها توفير فى استهلاك البنزين لذلك يفضل دائماً استخدامها داخل المدينة وخاصة فى الزحمة المرورية والاشارات
3- ES تعطى تسارع احسن من E بطريقة سواقة قريبة جداً من الاتوماتيك العادى






الاختلاف فى الفتيس دائماً على الوضع E وهو وضع توفير استهلاك البنزين وليس للتسارع والشد
عندك 3 اختيارات قى السواقة وممكن طريقة تعجبك وتتعود عليها وممكن طريقة لا
الفتيس ممكن ان يكون غير مناسب لبعض الاشخاص


7- نظام التعليق والثبات
نظام تعليق امامى L- arm ماكيفرسون يقلل من الاهتزازات ويضمن السير فى خط مستقيم
العفشة انشف شوية من الشكل القديم بس العربية ثابتة جداً على الأرض فى السرعات العالية خاصة مع وجود كاوتشات 16
العربية عالية عن الأرض ومش بتحك فى مطبات بتاعتنا

8- الكماليات
البروفشينال
تكييف بكر
سنتر لوك
مفتاح مشفر
فوج لايت
2 ايرباج
4 سماعات
كاسيت FM/AM/ MP3/WMA

الادفانسيد
جميع ما سبق بالاضافة الى
مثبت سرعة
زينون
تكييف تتش بدل من بكر
جنوط سبور 16
سمارت كى بدل المفتاح المشفر
4 اير باج بدل 2 ايرباج
6 سماعات بدل 4 سماعات
الكاسيت معاه CD changer بـ 6 اسطوانات



9- الاعتمادية
اعتمادية كورولا حدث ولا حرج بشرط الالتزام بالصيانة الدورية للسيارة


10- التوكيل والصيانة
توكيل تويوتا يعتبر جيد جداً فى خدمة الصيانة وخدمة ما بعد البيع
واعتقد اسعاره نفس متوسط اسعار باقى التوكيلات اليابانية


11 العيوب والحاجات اللى ناقصها
- كلاكس ضعيف على حجم السيارة بس ممكن تركب فردة ثانية للكلاكس
- التكييف جيد جداً وليس ممتاز
- مفيش باركينج سنسور
- مفيش فئة فيها سبويلر او فتحة سقف
- صعوبة الرؤية الامامية والخلفية لانك مش هتشوف الكابوت أو الشنطة

اتمنى من الله اكون وفقت فى تقديم بعض المعلومات المفيدة وياريت لو فيه معلومة خطأ حد يصححها حتى تعم الفائدة

الاراء الموجودة فى هذا الموضوع هى راى شخصى

تحياتى للجميع
م. فاروق عبد الحفيظ

[WaleeD-ZidaN]

تقييم ممتاز الله ينور يا باشا

[ashrafE51]

6- الفتيس
فيه دلوقتى 3 انواع من الفتيس المانيوال ، الاتوماتيك العادى ، MMT

بالنسبة للـ MMT هو فتيس مانيوال فى الاساس يعننى موجود به اسطوانة دبرياج وطريقة سواقته جديدة وطور بالتعاون مع شركة بورش

الفتيس بيقدم 3 طرق مختلفة للسواقة بيه
1- M المانيوال بتخد غيار عن طريق عتلات المثبتة خلف الدركسيون + او -
2 - E طريقة سواقة شبه اتوماتيك والغرض الاساسى منها توفير فى استهلاك البنزين لذلك يفضل دائماً استخدامها داخل المدينة وخاصة فى الزحمة المرورية والاشارات
3- ES تعطى تسارع احسن من E بطريقة سواقة قريبة جداً من الاتوماتيك العادى






الاختلاف فى الفتيس دائماً على الوضع E وهو وضع توفير استهلاك البنزين وليس للتسارع والشد
عندك 3 اختيارات قى السواقة وممكن طريقة تعجبك وتتعود عليها وممكن طريقة لا
الفتيس ممكن ان يكون غير مناسب لبعض الاشخاص


=== التقيم جميل وبسيط - الاضافة البسيطة في الموضوع - الاعتقاد الذي اتمني ان ينتهي بخصوص الوضع E للسواقة ،،
لقد تغير كل شي عندم قمت بتجربة السيارة مع الاستاذ / خالد قاسم فقد كانت السيارة علي وضع ال E ولقد تحولت السيارة باسلوب سواقة بسيط جدا الي سيارة ذات قوة وسرعة عاليه جدا وايضا عدم الاحساس بالنقل كما يتصور الناس ... باستخدام عتلات المثبتة خلف الدركسيون + او - علي وضع الE

[ashrafE51]

الاعتقاد الذي اتمني ان ينتهي بخصوص الوضع e للسواقة .... حيث في هذا الوضوع من الممكن ان يكون هناك تسارع وشد وايضا توفير بنزين .....

[hossamalaa]

تقييم ممتاز

كل يوم يزداد الاعجاب بالكورولا mmt

ويثبت غلط منتقديها

[Sharky]

و بيثبت كمان غلط التوكيل فى نزول الاتوماتيك العادى و غلط تويوتا جنوب أفريقيا فى إلغائه

--------------------------
شكرا لك يا فاروق على الموضوع

[hossamalaa]

و بيثبت كمان غلط التوكيل فى نزول الاتوماتيك العادى

لو بصيت على اعلانات التوكيل فى اخبار السيارات الأهرام والأخبار

هتالقيه كاتب استمتع بالقيادة كما تحب
تقديم السيارة كورولا بمختلف انواع الحركة الفتيس mmt و اتوماتيك عادى ومانيوال

ها عرفت هو نزل اتوماتيك عادى ليه ؟

[Sharky]

انا عارف كويس طبعا ليه نزل الأتوماتيك العادى :)

طب عرفت ليه جنوب أفريقيا لغتوا ؟؟

انا مش عايز نعيد و نزيد تانى فى الكلام إحتراما لرغبة ملاكها المحترمين

فأتمنى انك تحترم وجهة نظر غيرك برضه و ماتقولش عليها غلط إلا إذا كان لديك معلومة مؤكده تنفيها

[medoezzat]

موضوع جميل شكرا على التقييم

[hossamalaa]

انا عارف كويس طبعا ليه نزل الأتوماتيك العادى :)

طب عرفت ليه جنوب أفريقيا لغتوا ؟؟

انا مش عايز نعيد و نزيد تانى فى الكلام إحتراما لرغبة ملاكها المحترمين

فأتمنى انك تحترم وجهة نظر غيرك برضه و ماتقولش عليها غلط إلا إذا كان لديك معلومة مؤكده تنفيها

وديه وجهة نظرى بردوة والمفروض انك تحترمها

انت بتاخد الموضوع شخصى اوى كدة ليه

[faroukahafeez]

شكرا لك يا فاروق على الموضوع

وديه وجهة نظرى بردوة والمفروض انك تحترمها

انت بتاخد الموضوع شخصى اوى كدة ليه

شكراً يا شاركى مش عايزين فعلاً نعيد ونزيد فى الكلام تانى ومعاك فى اننا لازم نحترم رغبة ملاكها

ويا أستاذ حسام شكراً لمشاركتك ورأيك يكون أجمل لو عملته فى موضوع بتجربتك مع السيارة

مش عارف امتى هنتقبل وجهة نظر الاخرين وامتى الاخرين يعبروا عن وجهة نظرهم بدون اساءة وتجريح للطرف الاخر

وكنت اتمنى تضيفوا معلومات اكثر للموضوع حتى تعم الاستفادة للجميع

[faroukahafeez]

6


=== التقيم جميل وبسيط - الاضافة البسيطة في الموضوع - الاعتقاد الذي اتمني ان ينتهي بخصوص الوضع e للسواقة ،،
لقد تغير كل شي عندم قمت بتجربة السيارة مع الاستاذ / خالد قاسم فقد كانت السيارة علي وضع ال e ولقد تحولت السيارة باسلوب سواقة بسيط جدا الي سيارة ذات قوة وسرعة عاليه جدا وايضا عدم الاحساس بالنقل كما يتصور الناس ... باستخدام عتلات المثبتة خلف الدركسيون + او - علي وضع الe

انا معاك يا أشرف انك ممكن طبعاً تعمل كدة وده حل بيدى قوة وسرعة عالية بس يمكن محتاج التعود عليه

انا شخصياً مش بستخدم العتلات اللى خلف الدركسيون الا مع المانيوال m
ونادراً اما استخدمها على e واذا استخدمتها علشان اسقط بيها ناقلة بس احاول اجرب الايام الجاية
ان شاء الله

[Sharky]

وديه وجهة نظرى بردوة والمفروض انك تحترمها

انت بتاخد الموضوع شخصى اوى كدة ليه

انا مش واخد الموضوع شخصى خالص :)
بالعكس دا غيرى اللى بيعمل كده بدليل قلب المواضيع الى شخصى و ليس على السيارة

يا باشا هناك فرق بين ان تقول رأيك و ان تقول ان معلومة غيرك غلط و خلاص

بمعنى مثلا ان X قال ان شكل سيارة معينة مش حلو و جه y و قال ان شكلها حلو دى
يجب على كلا منهم إحترام وجةه نظر الاخر

لكن ماينفعش Y يروح يقول ان X بيقول غلط لمجرد انه مختلف معاه إلا لو كان لديه معلومة مؤكده تنفى معلومة الاخر

اتمنى انها تكون واضحة لحضرتك

لته فى موضوع بتجربتك مع السيارة

مش عارف امتى هنتقبل وجهة نظر الاخرين وامتى الاخرين يعبروا عن وجهة نظرهم بدون اساءة وتجريح للطرف الاخر

اتمنى ان دا يحصل لإن كلامنا كله على السيارات يعنى الة مش تجريح فى أشخاص

[medoezzat]

انا معاك يا أشرف انك ممكن طبعاً تعمل كدة وده حل بيدى قوة وسرعة عالية بس يمكن محتاج التعود عليه

انا شخصياً مش بستخدم العتلات اللى خلف الدركسيون الا مع المانيوال m
ونادراً اما استخدمها على e واذا استخدمتها علشان اسقط بيها ناقلة بس احاول اجرب الايام الجاية
ان شاء الله

انا لمى ببقى سايق على وضع E و حبيت اشد بدوس على ال - دوستين او ثلاثه لحد ما يصفر يبقى وصل للغيار المناسب على السرعه الي انا ماشي عليها ... فبكبس بنزين والعربيه سعتها بتحرق على الغيار .... انا كده بستفيد بتوفير البنزين على الE ولو حبيت اشد في ثواني العربيه بتستجيب بالطريقه دي

[faroukahafeez]

انا لمى ببقى سايق على وضع E و حبيت اشد بدوس على ال - دوستين او ثلاثه لحد ما يصفر يبقى وصل للغيار المناسب على السرعه الي انا ماشي عليها ... فبكبس بنزين والعربيه سعتها بتحرق على الغيار .... انا كده بستفيد بتوفير البنزين على الE ولو حبيت اشد في ثواني العربيه بتستجيب بالطريقه دي