حصلى فى التوكيل

[alisleman]

الحمد الله استلمت اليارس فول اوبشن اتوماتيك اللون نبيتى

استلمتها من القصراوى بس الكاسيت فى كرتونته مش راكب
قاللى اى حد ممكن يركبهولك ولو فى التوكيل هيركبوهولك ببلاش
المهم مستنتشى لصيانة الالف وقولت احجز فى التوكيل واروح اركبه
دخلت التوكيل جلست فى الاستقبال قالى التركيب هيكلف 160 جنيه
قولتله تحب اتخانق ولا نتكلم براحة قالى ليه يافندم
يعنى ايه 160 يعنى استلم العربيه الكاسيت مش راكب وتقولى 160
يعنى كدة نصب انكو متعمدين تسلموا العربيه من غير ميركب الكاسيت
قالى شوف اللى سلمهالك قولتله انا معرفشى غير ان شركة تويوتا
كلها واحد لانى القصراوى انا وهو جيبنها من ابورواش
وابورواش دة توكيل زيكم بالظبط انا كدة روح ارميله العربيه بسبب النصب دة
قالى اهدا يافندم وحولنى على المسئول
وقالى احنا هنركبهولك من غير ولا مليم واستلم العربيه وركبه بالفعل

[A.Saad]

حسبى الله ونعم الوكيل فيهم

[faroukahafeez]

اول مرة أسمع ان حد اشترى عربية والكاسيت يجى فى كرتونة لوحده

ولا العربية مفهاش كاسيت وانت وخده هدية على العربية وخت الهدية فى كرتونة و لا ايه ؟

بس انا مش فاهم انت ليه استلمت العربية أصلاً والكاسيت مش راكب
وبعدين القصراوى ده بيستاهبل هو مش معرض دا مركز خدمة معتمد لتويوتا يعنى عنده فنيين يركبوا الكاسيت بدل ما يقولك اى حد يركبوهلك او تروح بيها التوكيل

وليه تويوتا ايجيبت تنزل عربية من غير الكاسيت ميركب واما تروحلهم يقولك ادفع 160 جنيه علشان تركبه ، تفتكر التوكيل قاصد يعمل كده ؟

سؤال تانى لو اشترت العربية من التوكيل نفسه أو اى معرض غير القصرواى الكاسيت بيكون راكب أو لا ؟

[alisleman]

انا نفس القصة انا استلمت كذا عربية زيرو قبل كدة اذا كان ليه او لصحابى واول مرة بردة تحصلى
بس الحكاية جت غير كدة انى فضلت مستنى اكتر من اسبوع علشان استلم ولما رحت استلم
هما على كلامة فوجى بردة ان الكاسيت مش راكب فقالى خليه ليوم السبت وتعالى استلم
وكنا ساعتها الخميس وقالت مش هنفرق وانا بروح التجمع كتير قولت اعدى عليهم وقالى ساعتها ببلاش هير كبهولك

[محمد ابراهيم 1]

اول مرة أسمع ان حد اشترى عربية والكاسيت يجى فى كرتونة لوحده

ولا العربية مفهاش كاسيت وانت وخده هدية على العربية وخت الهدية فى كرتونة و لا ايه ؟

بس انا مش فاهم انت ليه استلمت العربية أصلاً والكاسيت مش راكب
وبعدين القصراوى ده بيستاهبل هو مش معرض دا مركز خدمة معتمد لتويوتا يعنى عنده فنيين يركبوا الكاسيت بدل ما يقولك اى حد يركبوهلك او تروح بيها التوكيل

وليه تويوتا ايجيبت تنزل عربية من غير الكاسيت ميركب واما تروحلهم يقولك ادفع 160 جنيه علشان تركبه ، تفتكر التوكيل قاصد يعمل كده ؟

التويوتا كلها كده ودى حيله صغيره لتخفيض الجمارك حتى لا يتسبب الكاسيت فى زيادة الجمارك على السياره ككل
لكن هو بيتركب ببلاش وده شىء مفروغ منه واللى كان عايز ياخد 160 جنيه ده حرامى

[alisleman]

التويوتا كلها كده ودى حيله صغيره لتخفيض الجمارك حتى لا يتسبب الكاسيت فى زيادة الجمارك على السياره ككل
لكن هو بيتركب ببلاش وده شىء مفروغ منه واللى كان عايز ياخد 160 جنيه ده حرامى

يعنى كويس انى اتخنقت معاهم انا كنت هدفع بس قولت ليه اعمل خناقة وانسحب بهدوء
والجاء للى باعهالى

[Samir Elshahawy]

هما قالوا يرموا لك الطعم ده لكن سيادتك مابلعتش الطعم , لا و كمان سيحت لهم , بجد برافو عليك

[alisleman]

هما قالوا يرموا لك الطعم ده لكن سيادتك مابلعتش الطعم , لا و كمان سيحت لهم , بجد برافو عليك

اى واحد كان مكانى لازم يعمل كدة هو انا بصلح دانا بركب حاجة هما مركبوهاش
بس احسن حاجة لما قالى 160 جنية قلتلة دانا لو ركبتة عند كهربائى وقالى
20 جنية همسك فى خناقة تقلى 160

[toylla]

حسبى الله ونعم الوكيل فيهم

فعلا

[KiNgMaX]

يا نهار اسود على العبط
ده اكيد شخص متخلف ومش دريان بالدنيا فعلا حاجة مستفزة جدا
وعيب اوى لما تطلع من واحد فى التوكيل

[evoo90]

ههههههههههه الناس اتجننت 160 ج ايه بس هو تمنه كام اصلا
تركيب كاسيت ياريس ب 160 جنيه ههههههههه والله نكته حلوه
ده انت لو رحت لحد بره مش هيرضى ياخد فلوس ولوصممت هيقولك هات 10 - 20 جنيه
خدوا بالكم ياجماعه الناس دى فعلا نصابين درجه اولى

[alisleman]

ههههههههههه الناس اتجننت 160 ج ايه بس هو تمنه كام اصلا
تركيب كاسيت ياريس ب 160 جنيه ههههههههه والله نكته حلوه
ده انت لو رحت لحد بره مش هيرضى ياخد فلوس ولوصممت هيقولك هات 10 - 20 جنيه
خدوا بالكم ياجماعه الناس دى فعلا نصابين درجه اولى

قولت زى مانتا قولت بالظبط قالى دة كاسيت تمنه 3 الاف جنية قولتلة وانا محاسب علية والمفروض

استلم العربية والكاسيت متركب فيها مش بجيب كاسيت جديد وبقالك ركبهولى

[M.Mekawy]

عادى هى كلها كدة و انا برضه استلمتها كده , و بيعملوا كده عشان الجمارك زى ما أستاذ محمد ابراهيم قال , بس انا ساعتها جبتها من التوكيل نفسه بتاع أبو رواش و هما ركبوه فى 5 دقايق من غير ما ياخدوا مليم أحمر و هما اصلا مرضيوش ياخدوا حتى اكرامية , هو كاسيت تعبان أصلا و حاولت اغيره من برة بس فى التوكيل قالولى اى كاسيت هتركبه برة و هيلعبوا قى ضفيرة الكهرباء يبقى مع السلامة مفيش ضمان , فماشى بيه على مضض بشريط بتاع mp3 و خلاص
على فكرة تركيبه سهل جدا , اطلع على اى واحد يا سيدى باتع كاستات و اديله ورقة ب 20 فى ايده و لا حاجة و هو هيركبه

[alisleman]

عادى هى كلها كدة و انا برضه استلمتها كده , و بيعملوا كده عشان الجمارك زى ما أستاذ محمد ابراهيم قال , بس انا ساعتها جبتها من التوكيل نفسه بتاع أبو رواش و هما ركبوه فى 5 دقايق من غير ما ياخدوا مليم أحمر و هما اصلا مرضيوش ياخدوا حتى اكرامية , هو كاسيت تعبان أصلا و حاولت اغيره من برة بس فى التوكيل قالولى اى كاسيت هتركبه برة و هيلعبوا قى ضفيرة الكهرباء يبقى مع السلامة مفيش ضمان , فماشى بيه على مضض بشريط بتاع mp3 و خلاص
على فكرة تركيبه سهل جدا , اطلع على اى واحد يا سيدى باتع كاستات و اديله ورقة ب 20 فى ايده و لا حاجة و هو هيركبه

وحياتك عندى انا مدفعتيش ولا مليم ولا اكرامية حتى

ولعلمك انا عارف انه كاسيت ميسوايش حاجة بس هما بيقولة ب 3 الاف جنية
بس على الاقل لو بالمبلغ دة فعلا كان يبقى المفروض يبقى كاسيت و سى دى
ولا انا غلطان
هو ممكن يكون بيتباع فى التوكيل 3 الاف جنية بس من برة تجيبة 500 جنية

[Ashraf_Ashraf]

كل التوكيلات نصابين والله بيدوروا على اى شئ يلهفوا بيه فلوسنا مش كفايه العربيات اللى اسعارها نار