سؤال عن تويوتا هيلكس النص نقل

[Sharky]

بس المشكلة الرئيسية هي حكاية الترخيص النقل ديه ومش عارف هل ممكن تترخص ملاكي ولا لأ ولو ينفع الواحد يعمل إيه

اللى أنا أعرفه إن ملهاش غير ترخيص نصف نقل للأسف

[h_hezzah]

اظن ان سبب رخص سعرها انها بتترخص نقل، فبييكون جمركها 5% بس، اما علشان تترخص ملاكى فيكون جمركها زى الملاكى وفى الحالة دى موتور 2500 سىسى توصل للاسعار الهولامية .
ده غير انى ماقدرش افيدك اذا كانت العربية اللى بصندوق ممكن تترخص ملاكى اصلا ولا لأ.
زيها زى البرادو. لو تترخص اتوبيس خاص تبقى ب220 الف، اما لو ملاكى تعدى ال500 :shock:
وهى هى نفس العربية بس فرق الاتاوات الجمركية الجميلة .

[vooooo]

على ما اعتقد انها ممكن تترخص ملاكى يعنى زى الدودج رام ما هى برضة نص نقل و ممكن تترخص ملاكى و ممكن نقل

الدودج بتترخص نصف نقل برضه
العربيات النصف نقل و بتترخص ملاكى بتبقى تبع جهه أمنيه

اة و نسيت اهم عيب فى النقل ان اخر سرعة ليك 70 بعد كدة الرخص و دة طبعا مش عملى خالصصصصصصصصصصصصصصص

ماهى لو هتترخص ملاكى هتبقى سرعتها القصوى زى أى عربيه ملاكى مش هيعتبروها نصف نقل
بس برضه بتترخص نصف نقل فقط

[Heshaam]

اظن ان سبب رخص سعرها انها بتترخص نقل، فبييكون جمركها 5% بس، اما علشان تترخص ملاكى فيكون جمركها زى الملاكى وفى الحالة دى موتور 2500 سىسى توصل للاسعار الهولامية .
ده غير انى ماقدرش افيدك اذا كانت العربية اللى بصندوق ممكن تترخص ملاكى اصلا ولا لأ.
زيها زى البرادو. لو تترخص اتوبيس خاص تبقى ب220 الف، اما لو ملاكى تعدى ال500 :shock:
وهى هى نفس العربية بس فرق الاتاوات الجمركية الجميلة .

مش هأقول غير لنا الله

[Karim_Monir]

فعلا سبب رخص تمنها ان جماركها 5%
افتكر مرة كان في موضوع لغادة عادل في اخبار السيارات وبتقول انها مشكلتها مع المرور انها مش بتتطلع كباري ولا تدخل صلاح سالم وكدة
وهما بيستقصدوها
هيا طبعا راكبة دودج رام 6000 حمار ب 190 الف جنية بس
لكن لو كانت دافعة فيها نص مليون كانوا سابوها تمشي بيها زي ما هيا عايزة
يعني هيا بتستقطه الضرايب من الغلابة وترخصها نقل ومش عاجبها كمان
التركا هيا عربية الشباب الاولى في امريكا كل شاب يجيبلة نص نقل دوبل كابينة وصندوق مقفول ومكيف واتوماتيك
واشهرهم طبعا فورد F150 معشوقتهم الاولى مع دودج رام الجديدة بموتور هيمي

عشان كدة البيكاب دي ليها سوق جامد هناك عشان ناس عملية مش زينا
يعني انا لو رايح شغلي ولابس فورمال ونازل من نص نقل هايقولوا عليا ايه
طبعا مافيش فكر عملي ان النص نقل هيا الحل العملي الوحيد للتعامل مع اوغاد الطريق من ميكروباصات وتوكتو وووووو
وخالبلوى الجديدة الاتوبيسات الخضراء اللي بيمشوا العن من الميكروباصات

على فكر الميتسوبيشي الجديدة L200 تحفة بجد وفول اوبشن وجنوط ودي نازل عشان تبقي ملاكي لاني سمعت ان فيه منها اتوماتيك
الهاي لوكس فول اوبشن اللي صندوقها مقفول وارضيتة مكسية كانت ب 195 الف في اتوماك اللي فات بس دي
ABS واير باج واتوماتيك وحوارات تانية خالص
جواها انت راكب برادو لكن من برة
نص نقل واركنلي يا اسطى على جنب وهات رخصك

[samirpop2]

صعب تترخص ملاكي لان ابن عمرو موسي عنده دودج تحفه في الزمالك شبه الدبابه بس نمر نقل

[Ahmed Hassan]

جواها انت راكب برادو لكن من برة
نص نقل واركنلي يا اسطى على جنب وهات رخصك

:D :D :D