سؤال عن إرتفاع الكورولا2009 عن الارض؟

[sherifmohamedpasha]

السلام عليكم جميعا ورحمة اللة وبركاتة

انا اخوكم شريف مصرى مقيم فالكويت كنت عاوز اعرف ارتفاع السيارة الكورولا2009 فمصر(الجنوب افريقى)كام بالسنتيمتر؟ انا رحت التوكيل هنا فالكويت وجبت مواصفات السيارة المتوسطة فالكماليات لكن للأسف وقتها مكنش فية كتالوج متوفر اقدر اعرف منة بعد السيارة عن الارض ,المهم سألت الموظف قلى ان ارتفاعها 15سم علما ان السيارة نزلة برنجات(جنوط)16 انش .لانى متردد اشترى ولا لأ طبعا خوفا من المطبات والحفر الرائعة فمصر.


والف شكر

د/شريف محمد

[faroukahafeez]

انا مش عارف الرقم بالضبط بالنسبة للجنوب أفريقى
بس معلوماتى أن ارتفاعها عن الأرض اقل من الخليجى علشان مصفحة من تحت والخليجى لا

عامة ان معايا الجنوب أفريقى وعمر ما العربية الحمد لله حكت فى مطب حتى فى الحالات العربية فيها 3 اشخاص وراء والشنطة مليانة

بالتوفيق ان شاء الله

[محمد محمد]

هوة لو الجنط 16 ممكن تبقى زى ارتفاع الجنوب افريقي انا كنت حاطط عربيتى فى وش عربية خليجى بجنط 15 وكانت عربيتى اعلى

[faroukahafeez]

الكلام ان الاثنين جنط 16
أكيد الخليجى هتكون أعلى بفرق بسيط علشان التصفيح

[sherifmohamedpasha]

شكرا اخى الفاضل كتر الف خيرك على ردك انا كنت فقدت الامل ان حد يرد على

[sherifmohamedpasha]

انا مش عارف الرقم بالضبط بالنسبة للجنوب أفريقى
بس معلوماتى أن ارتفاعها عن الأرض اقل من الخليجى علشان مصفحة من تحت والخليجى لا

عامة ان معايا الجنوب أفريقى وعمر ما العربية الحمد لله حكت فى مطب حتى فى الحالات العربية فيها 3 اشخاص وراء والشنطة مليانة

بالتوفيق ان شاء الله

شكرا اخى العزيز[COLOR=#000000][QUOTE=faroukahafeez;978601معلش دى اول مشاركة لية وبصراحة مش عارف الرد منين فسامحونى ولك منى الف شكر[/COLOR]

[sherifmohamedpasha]

هوة لو الجنط 16 ممكن تبقى زى ارتفاع الجنوب افريقي انا كنت حاطط عربيتى فى وش عربية خليجى بجنط 15 وكانت عربيتى اعلى

الف شكر اخى ابو وليد وشاكر لاهتمام حضرتك

[delpo]

الزميل العزيز شريف.

مبروك مقدما انشاء الله وربنا يديك خيرها ويجعلها فاتحة خير عليك .. احب اطمنك ان موضوع الإرتفاع ده من أهم الميزات الخاصة بالكورولا, أحب اقولك ان الكورولا سواء الخليجي او الجنوب افريقي الي مع اصدقائي مابتحكش في المطبات حسب كلام أصحابها, وبالنسبة للخليجي ما بتحكش في المطبات نهائياً وبأكد على كلمة نهائياً, وبالنسبة للحفر والشوارع المكسرة فا احب ابشرك ان العربية تعتبر الأنعم في فئتها,, انعم من السيفيك والشارك والمازدا 3, وبجد من اكتر الحاجات الي هتفرجك بالعربية دي هو نعومتها.

ربنا يوفقك لما فيه الخير واتمنى اني اكون جاوبتك على سؤالك الي هو مشابه لسؤال هو ابوتريكة بيعرف يلعب كورة ولا لأ هههههه

والف مبروك انشاء الله

[sherifmohamedpasha]

بصراحة ان مت ضحك من تعليقك بخصوص ابو تريكة بصراحة ضربة معلم وفالجون كمان انا اشكرك جدا واشكر اهتمامك على توضيحك الجميل ويشرفنى ديما اسمع ارأئك وخبراتك وكمان متحرمناش من تعليقات الجمية
الف شكر
اخوك شريف

[delpo]

العفو كلنا بنتعلم من بعض وانا تحت امرك في استفسار آخر .