كورولا 2003

[shok]

يا ريت لو حد ممن الاعضاء الكرام يقدر يفيدنى عن كورولا 2003 1300 سىسى اوتوماتيك عاملة 120000 كيلو فيها شوية خرابيش من الجنب والرفرف الى قدام عايز لحام صغير وعايزة جوز مساعدين يا ريت لو حد يفيدنى سعرها يتراوح من كام الى كام
وشكرا

[M.FOUAD]

لو فابريقة بالكامل ما عدا شوية الشغل دة تعمل 64-65 الف

[pop_miro]

علي فكرا هيا ممكن تعمل في حدود 70 او 75 بالكتير اوي

[Ali_Abdelhamid]

الأخ نور
انتا بتقول السعر ده على أي أساس ؟؟؟

[M.FOUAD]

الأخ نور
انتا بتقول السعر ده على أي أساس ؟؟؟

حضرتك ممكن تشوف السوق و تشوف الكورولا من 2001 الى 2003 بتعمل كام في السعر لو جديدة تماما بعمل 68 -70 الف و دة اللي بيطلب قيها و حضرتك ممكن تشوف كل الاعلانات على النت و الوسيط و تتصل باصحابها و تعلرف باعوا بكام مادام يهمك اوي تعرف السعر قبل ما تتكلم
و الوسيط بتاع الجمعة اللي فاتت فية عربية 2005 الشكل الاحدث طبعا اللي بيطلب فية 78 و 80 الف اتباعت على 70 الف و عاملة 50 الف كيلو و مفيهاش خدش و بوية بلادها كاملة حتى الاكصدمات

[Mohamd_Saad]

الكرولا 2003 سيارة ممتازة لكن قبل ما تشتريها اكشف عليها وأفحصها فى بنزينة التعاون فى شارع الهرم بجوار الخزان هيدوك تقرير كامل عن السيارة وكبس الموتور وحالة العفشة وأى عيوب فيها - فى رأيى لو 2003 اتوماتيك مرايات ضم الكاسيت تويوتا أصلى بوية الفبريكا زجاج كهرباء بوية المصنع وبالحالة التى ذكرتها تعمل فى حدود من 74 الى 76 الف وربنا يوفقك

[ahmed161075]

حد عنده معلومات تانيه ؟

[Sharky]

رأى الشخصى 65 - 68 الف

[Nile Heart]

مش اقل عن 74

[speed4speed]

رجاء الى بيدى سعر ميبنيش رأيه من متابعة الاسواق عبر النت
الواقع ارخص من كدا بكتيييييير
جارى جايب واحده 2002 ( الشكل الجديد ) 1300 سى سى و لون فضى ( اللون بيفرق فى السعر ) و حالتها ممتازه و جبها ب 58 الف و انا مش مقتنع بالسعر الى قاله ( اكيد مزود الفين تلاته )

[Sharky]

رجاء الى بيدى سعر ميبنيش رأيه من متابعة الاسواق عبر النت
الواقع ارخص من كدا بكتيييييير
جارى جايب واحده 2002 ( الشكل الجديد ) 1300 سى سى و لون فضى ( اللون بيفرق فى السعر ) و حالتها ممتازه و جبها ب 58 الف و انا مش مقتنع بالسعر الى قاله ( اكيد مزود الفين تلاته )

كلام واقعى فعلا

سعر البيع فى السوق أرخص كثرا من أسعار العرض فى الإنترنت

[M.FOUAD]

رجاء الى بيدى سعر ميبنيش رأيه من متابعة الاسواق عبر النت
الواقع ارخص من كدا بكتيييييير
جارى جايب واحده 2002 ( الشكل الجديد ) 1300 سى سى و لون فضى ( اللون بيفرق فى السعر ) و حالتها ممتازه و جبها ب 58 الف و انا مش مقتنع بالسعر الى قاله ( اكيد مزود الفين تلاته )

بس للاسف الناس بمتقتنعش و مفيش اي بيع و لا شراء و انا اعرف ناس كمان شاريين 2001 هاف شركة برة ب56

[Nile Heart]

:s_thum1[1]::s_thum1[1]:
بس للاسف الناس بمتقتنعش و مفيش اي بيع و لا شراء و انا اعرف ناس كمان شاريين 2001 هاف شركة برة ب56

طيب!
لما ال 2001 ب 57 (وانت بتقول اكيد الفين تلاته زياده وهو عامل فيها ناصح) يعنى نقول ب 60
يبقى ال 2003 بكام؟؟ اكيد مش اقل من 70

ولا انا غلطان

وبعدين حكاية النت والحقيقى دى مبالغ فيها قوى.. الفرق بيكون 5% تقريبآ
يعنى مثلآ اللى طالب 75 ع النت ده هيبيع فى ألاخر ب 71-72 مش ب 60

[M.FOUAD]

طيب!
لما ال 2001 ب 57 (وانت بتقول اكيد الفين تلاته زياده وهو عامل فيها ناصح) يعنى نقول ب 60
يبقى ال 2003 بكام؟؟ اكيد مش اقل من 70

ولا انا غلطان

وبعدين حكاية النت والحقيقى دى مبالغ فيها قوى.. الفرق بيكون 5% تقريبآ
يعنى مثلآ اللى طالب 75 ع النت ده هيبيع فى ألاخر ب 71-72 مش ب 60

يا فندم
الحكاية مش كدة كل الفكرة ان الزيرو لحد النهاردة مقلش كل اللي اتعمل ان المعارض بتقدم تسهيلات اكثر عشان يشجعوا الناس لان فعلا فية كساد غريب جدا و ممكن تسال اي صاحب معرض امين و قولة باع كام عربية خلال الخمس اشهر اللي فاتوا مقارنة باللي كان بيبعوا زمان فمعنى كدة المفروض بردة المستعمل ميقلش مادام الزيرو زي ما هو بس حضرتك لو معاك عربية و مضطر تبيعها انزل بيها السوق و مش هتسمع اسعار غير بخسف الثمن لان اللي بيشتري النهاردة بجد بيبقى نوع من انواع العملة النادرة و طبيعي مع نزولك اكثر من مرة السوق و بتسمع ارقام تحرق الدم مهما كان نوع العربية هضطر تبيع في الاخر لاعلى سعر جالك اللي هيكون قليل بردة و دة بيعتبر مقياس السعر النهاردة لان مفيش حد هيسمع مثلا من واحد صاحبة انة اشترى عربية من السوق بسعر ارخص من الوسيط او النت ب7او8 الاف جنية و هيسيبهم هيفضل يدور لحد ما يلاقي عربية بنفس السعر او اكثر شوية
المشكلة في اعلانات النت انها ببلاش و سهلة و انت قاعد في التكييف تطلب اعلى سعر و خلاص جابت يبقى الحمد للة مجابتش يبقى انا مخسرتش حاجة و بمتحسش ابدا بجدية اللي بيبيعو فية ناس بعد ما تتفق معاهم في السعر و قلبت في العربية و دفعت لميكانيكي معاك ييجي يقولك انة مش هيبيع و حصل الموقف دة معايا و البايع قاعد يتحايل عشان يعطيني فلو الميكانيكي بس انا كنت محرج اخدهم اما اللي بيبع في السوق نازل من بيتهم و مكلف نفسة مشوار و تعطيل مصالحة و وقفة في الحر يبقى اكيد بيبع بجد
على فكرة العربية اللي ب56 الف دية تعتبر لقطة و صعب تلاقي زيها بنفس السعر و دية مش القاعدة في الموديل دة السعر العادل ليها بيبقى من 58-60 الف

[speed4speed]

لما ال 2001 ب 57 (وانت بتقول اكيد الفين تلاته زياده وهو عامل فيها ناصح) يعنى نقول ب 60

ال 2001 شكل و ال 2002 شكل
لو مزود الفين عن السعر الى قالهولى 57 تبقى العربيه ب 55 مش 60

وبعدين حكاية النت والحقيقى دى مبالغ فيها قوى.. الفرق بيكون 5% تقريبآ

لو على قد 5% دى سهله
اما الاقى مثلا بى ام 316 مو 91 و بيقلك 75 و انا بايع ال 320 مو 94 بيعه ممتازه جدا و ب 60 يبقى دا اسمه استهبال