تويتا ياريس 2010

[john_samy]

حد يا جماعة يعرف امتى هينزل الموديل الجديد لتيوتا ياريس؟
وهتكون مختلفة عن مودل 2009 ولا لا؟

[kojyad]

انا كلمت التوكيل وسألتهم عنها وقلولي هتنزل على اول السنة الجديدة " اخر ديسمبر الجاي , او اول يناير "
وهتكون نفس الشكل وكل حاجة ونفس السعر , الفرق الوحيد انه هيكتبلك في الرخصة 2010

وكمان كنت سألتهم عن الهاتش باك قالولي مع 2010 - وممكن نجبهالك مخصوص خليجي

الكلام ده من التوكيل , والله اعلم

[alisleman]

انا لما سالتهم قالولى على شهر 12 ونفس الشكل فعلا

[john_samy]

على فكرة انا لما كلمت التوكيل من قبل مطرح الموضوع ، فى واحدة قالتلى هتنزل فى خلال اول ثلاث شهور من السنة الجديدة ومكنتش عارفة هيبقى فيها حاجة جديدة ولا لا ولا كانت عارفة هيبقى سعرها كام.

وبعد كدة حولتنى على معرض من المعارض الى تبع التوكيل فواحد قالى ان الموديل الجديد هينزل شهر 9 الى جاى ومكنش عارف سعرها هيبقى كام.

وعشان كدة انا كنت عاوز اعرف حد عنده معلومات اكيدة فى الموضوع دة ولا لا عشان حسيت ان فى التوكيل كل واحد بيقول اى حاجة.

[Michael_Lanos]

بصراحه انا كنت قلقان من العربيه دي، لكن بعد ما ركبتها مع صديق ليا عجبتني جداااااااااااااااااااا وخصوصا ال اي بي اس اللى فيها وسعرها المعقول بالنسبه لليابانى

[Samir Elshahawy]

بصراحه انا كنت قلقان من العربيه دي، لكن بعد ما ركبتها مع صديق ليا عجبتني جداااااااااااااااااااا وخصوصا ال اي بي اس اللى فيها وسعرها المعقول بالنسبه لليابانى

فعلا الفرامل و ال abs من أحلي الحاجات اللي في العربية دي و ده عن تجربة
بتهيألي لو كان معايا عربية تانية غير الياريس في الكام موقف اللي أتعرضت لهم الفترة الاخيرة دي كان زمان الحال أختلف تماما , بس ربنا هو الستار

[john_samy]

فعلا الفرامل و ال abs من أحلي الحاجات اللي في العربية دي و ده عن تجربة
بتهيألي لو كان معايا عربية تانية غير الياريس في الكام موقف اللي أتعرضت لهم الفترة الاخيرة دي كان زمان الحال أختلف تماما , بس ربنا هو الستار

انا معاكوا ان فرامل الabs من الحاجات المهمة جدا فى العربية وانا متابع مواضيعك كلها وعارف انها انقذتك كذا مرة ، لكن انا محدد لنفسى رينج مشهقدر اكتر عنه ومضطر انى اجيب المانيوال الكاملة ودة مفيهاش abs للاسف لكن بردو هشترى ياريس عشان عربية محترمة جداا.

[Samir Elshahawy]

انا معاكوا ان فرامل الabs من الحاجات المهمة جدا فى العربية وانا متابع مواضيعك كلها وعارف انها انقذتك كذا مرة ، لكن انا محدد لنفسى رينج مشهقدر اكتر عنه ومضطر انى اجيب المانيوال الكاملة ودة مفيهاش abs للاسف لكن بردو هشترى ياريس عشان عربية محترمة جداا.

يبقي في الحالة دي قد بحذر و بلاش تجري , أنا عن نفسي بأعمل كده لما بأركب اللانوس و بأفكر نفسي أن العربية مافيهاش abs

[john_samy]

يبقي في الحالة دي قد بحذر و بلاش تجري , أنا عن نفسي بأعمل كده لما بأركب اللانوس و بأفكر نفسي أن العربية مافيهاش abs

شكرا جدا على النصيحة دة.

انا عاوز اقلك انى معايا عربية 128 بقالها 10 سنين بسوقها. كنت زمان من النوع المتهور جدا فى السواقة لكن دلوقتى خلاص بقيت هادى اوى فى سواقتى. العربية بتاعتى مفيهاش فرامل خالص وانتوا اكيد عارفين
ورغم دة بجرى بردو ساعات بس ربنا بيسترها معايا.

انشاء الله على نص شهر 8 الى جاى اوى شهر 9 هشترى ياريس مانويل كاملة وغالبا بقى هجيبها موديل 2009 الا لو الموديل الجديد نزل.

شكرا جدا SE_coralsea على مرورك وردودك..

[M.Mekawy]

انا معاكوا ان فرامل الabs من الحاجات المهمة جدا فى العربية وانا متابع مواضيعك كلها وعارف انها انقذتك كذا مرة ، لكن انا محدد لنفسى رينج مشهقدر اكتر عنه ومضطر انى اجيب المانيوال الكاملة ودة مفيهاش abs للاسف لكن بردو هشترى ياريس عشان عربية محترمة جداا.

يا عم زود سيكا و هات ال automatic half option
الفرق 2000 بس , بس تكسب جير اوتوماتيك و abs , بس هتخسر شوية حاجات زى المرايات الكهربا و الزجاج الكهربا و تشفير المفتاح
عامة دى اذواق شخصية و أكيد القرار ليك

[john_samy]

يا عم زود سيكا و هات ال automatic half option
الفرق 2000 بس , بس تكسب جير اوتوماتيك و abs , بس هتخسر شوية حاجات زى المرايات الكهربا و الزجاج الكهربا و تشفير المفتاح
عامة دى اذواق شخصية و أكيد القرار ليك

شكراً جدا يا استاذ M.Mekawy على مرورك.

انت كلامك سليم مليون فى المية وانا فعلا بفكر فيه بس انا محتاج اجيب حاجة كاملة يعنى ازاز كهربة وسنتر وريموت . فانت ايه رايك؟ اجيب ال automatic half option وبعد كدة اذود الكماليات التانية براحتى؟

ولا لما اجى اركب ازاز الكهربة بعدين شكلها هيتغير من جوة وتبقى مترقعة؟؟؟ دة الى انا خايف منه

[john_samy]

هو ال automatic half option فيها فرامل abs ؟؟؟

[Yarisawy]

اللى اعرفه ان abs فى الاتوماتيك الكاملة

[john_samy]

اللى اعرفه ان abs فى الاتوماتيك الكاملة

شكرا أستاذ Yarisawy على مرورك.

طب عاوزين حد يكون عنده ال halfoption automatic ويقولنا اذا كان فيها abs ولا لا.

[M.Mekawy]

حضرتك انا كنت جايب المواصفات و الاسعار الكاملة لكل موديلات تويوتا من الاوتوماك و حاططهم فى الموضع دا

http://www.nilemotors.net/Nile/a/79179-4-2009-a.html

هتلاقيها تالت عربية من فوق ( الاوتوماتيك هاف اوبشن)
اما موضوع قرارك بخصوص تركيب الزجاج و الذى منه حين ميسرة مقدرش افيدك فيه الصراحة , عايزة زيارة من حضرتك للتوكيل عشان تشوف بنفسك و تعرف الاسعار , و تفهم منهم ايه اللى هيتعمل بظبط