احنا مظلومين

[alisleman]

لى صديق لسه قادم من السعودية وبارك لى العربيه بتاعتى اللى هيا تويوتا يارس المهم سالنى جبتها بكام
قالتله 104 الف ظهرت معالم الدهشه فى وشه وقالى العربية فى السعودية 45 الف ريال بما يعادل 66 الف جنيه مصرى
روحت دهشتة اكتر وقولتله مع الفرق ليه هناك فى 1500 سى سى وعتب وبلوتوث وزنان سرعة وزنان حزام
احنا هنا شايلين الحاجات دى قالى انتم هنا مظلومين لان بالفلوس اللى انتا دفعتها دى تركب تويوتا كامرى مستريح لانها 71 الف ريال بما يعادل 103.500 الف شوفتو بقى احنا مظلومين قد ايه

[Samir Elshahawy]

أحنا مش مظلومين أحنا و لا مؤاخذة بنتضرب علي ......... و مبسوطين و الدنيا ماشية
طول مافيه ناس ........ بترضي تدفع فلوس في عربيات ماتستاهلش هايفضل الوكلاء و التجار يلعبوا بينا كده علي طول
لكن لو كانوا لقوا الناس وقفت قدامهم صح و قاطعوا الشراء بالكامل لمدة شهرين ثلاثة كان الوضع أتغير

ياجماعة :

خلوها تصدي ي ي ي ي ي ي

[chip]

مش بس الوكلاء دة كمان الجمارك والضرايب والدمغات والتأمين والسبوبات المختلفة وال وال وال...... كلهم حرامية الله يحرقهم.

[john_samy]

حاجة تقرررررررررررررف

[M.Mekawy]

خلوها تصدي ي ي ي ي ي ي

حلوة الحركة دى , تحس كدة ان انتا واقف فى مغارة و فى صدى صوت جامد
طب ما عادى مانتا بتمن بيكانتو فاضية فى مصر تركب مازدا 3 كاملة فى الامارات , خليكوا فريش
العيب على الجمارك و الضرائب مش الوكلاء

[tutankhamoun]

مينفعش أسعار العربيات تتقارن بالسعودية و دول الخليج
لأختلاف الظروف في كل البلاد الخليجية مع مصر
عدد سكان أقل بكثير
و طرق أكبر و خصوصا السعودية أنتاج وفير وفير وفير وفير وفير وفير وفير وفير من البترول بعكس مصر
شوارعنا زحمة و لو ثمن العربيات نزل زي السعودية مش هانلاقي مكان نركن فيه و لا هانلاقي شارع نسوق فيه

بالاضافة أن الجمارك دي هي وسيلة من وسائل الدخل القومي لكل بلاد العالم و دول الخليج أستثناء علشان هما عندهم دخل البترول مع قلة عدد السكان مكفي و زيادة شوية أو شويتين أو مائة شوية .

لذلك مصر تتقارن بالدولة المثيلة في الظروف

[alisleman]

حلوة الحركة دى , تحس كدة ان انتا واقف فى مغارة و فى صدى صوت جامد
طب ما عادى مانتا بتمن بيكانتو فاضية فى مصر تركب مازدا 3 كاملة فى الامارات , خليكوا فريش
العيب على الجمارك و الضرائب مش الوكلاء

وكمان التاجر انتا ناسى العربيه المغربيه اللوجان اللى فضحت التجار

[alisleman]

مينفعش أسعار العربيات تتقارن بالسعودية و دول الخليج
لأختلاف الظروف في كل البلاد الخليجية مع مصر
عدد سكان أقل بكثير
و طرق أكبر و خصوصا السعودية أنتاج وفير وفير وفير وفير وفير وفير وفير وفير من البترول بعكس مصر
شوارعنا زحمة و لو ثمن العربيات نزل زي السعودية مش هانلاقي مكان نركن فيه و لا هانلاقي شارع نسوق فيه

بالاضافة أن الجمارك دي هي وسيلة من وسائل الدخل القومي لكل بلاد العالم و دول الخليج أستثناء علشان هما عندهم دخل البترول مع قلة عدد السكان مكفي و زيادة شوية أو شويتين أو مائة شوية .

لذلك مصر تتقارن بالدولة المثيلة في الظروف

انتا عندك خير اكتر منهم وفى البترول احسن منهم كفاية الصحراء الغربيه اللى كل الدول المطل عليها بتاخد منها ابار بترول الا احنا بس المشكلة هما مع معندهمشى حرامية زينا

[tutankhamoun]

انتا عندك خير اكتر منهم وفى البترول احسن منهم كفاية الصحراء الغربيه اللى كل الدول المطل عليها بتاخد منها ابار بترول الا احنا بس المشكلة هما مع معندهمشى حرامية زينا

أنا مش بتكلم على الخير يا أستاذي الفاضل
أنا أتكلمت عن أنتاج البترول .......................... مصر دولة عادية جدا في أنتاج البترول ....... و لو فيه أي آبار بترول في الصحراء الغربية غير مستغلة زي ما حضرتم بتقول كانت الحكومة بدأت تطلع منها بترول و أهي سبوبة للسرقة و لتقليل لأستيراد

لمعلومات حضرتك مضر بتستورد بنزين من ليبيا و الامارات و تقريبا كمان السعودية
لأن البترول المصري من البترول الثقيل يعني أغلب مكوناته هي الزفت و القليل منهم هو السولار و البنزين .

و موضوع كثرة السيارات من عدمه ملوش دعوة بموضوع حرامية و مش حرامية ............

أحنا 80 مليون بني آدم .............. يعني أكتر من كل دول الخليج مجتمعين ............
أكبر دولة فيهم في عدد السكان هي السعودية و أعتقد عددهم 27 مليون نسمة و بقية الدول
أكبرهم 250 ألف نسمة و تقريبا الكويت أكبر و عندهم ثلاثة أرباع مليون نسمة ........

يبقى أحنا عندنا مشكلة و هي الكثافة السكانية يعني زحام و تكدس في ظل الزيادة السكانية و غياب التخطيط .
محدودية الانتاج البترولي ....... و بالتالي بنزين أغلى و استهلاك أكبر علشان عدد سكان أكبر .


أنا مش بتكلم عن خيرات البلاد نهائيا . و عن الأقتصاد ....... حضرتك طرحت موضوع و نقطة معينة للنقاش و أنا ردت على أد النقطة المطروحة للنقاش
و هي أن مينفعش الغاء الضرائب اللي على العربيات لأسباب كتيرة

مفيش طرق هاتستحمل أن الشعب المصري كله يركب عربيات .
مفيش انتاج بترولي كافي يكفي ان الشعب كله يركب عربيات .
و أصلا مفيش نظام مروري و مفيش نظام عند الناس
يعني نزول أسعار العربيات = كارثة محققة .

[محمد ابراهيم 1]

متوسط ما يدفعه المصرى زيادة على سعر العربية حوالى 65% من تمنها وده بالنسبة للسيارات 1600 سى سى فأقل

يعنى 66000 ( سعر العربية ) × 0.65 ( الجمارك والضرائب وخلافه ) = 42900

66000 + 42900 = 108900

يعنى تقريبا نفس السعر

[Samir Elshahawy]

متوسط ما يدفعه المصرى زيادة على سعر العربية حوالى 65% من تمنها وده بالنسبة للسيارات 1600 سى سى فأقل

يعنى 66000 ( سعر العربية ) × 0.65 ( الجمارك والضرائب وخلافه ) = 42900

66000 + 42900 = 108900

يعنى تقريبا نفس السعر

الكلام ده جميل جدا و انا موافق علي النسبة دي من الضرائب و الجمارك و الدمغات و الرسوم و خلافه و لكن ...
اين تذهب هذه الاموال ؟؟؟؟؟
أليس من المفروض أن نحصل عليها في صورة خدمات ؟؟؟؟
- طرق ممهدة و مضائة ليلا
- أماكن أنتظار و جراجات
- مراكز خدمات و صيانة علي الطرق
- اجراءات سهلة و سريعة لتراخيص المرور
- و غيره كثير من الخدمات الاخري .......

يبقي أحنا مش بس مظلومين , لأ ده احنا بيتنصب علينا كمان

[memo_p910]

الجمارك هي الي عاليه جدا وليس مكسب الوكلاء الوكيل في السعوديه بيكسب اكتر المشكله ان الحكومه المصريه بتكسب في العربيه اكتر من الشركه المصنعه يعني لو تويوتا بتكسب من ورا الكورولا 2000 دولار مثلا يعني 10500 جنيه تقريبا الحكومه المصريه بتكسب 65000 الف جنيه بدون وجه حق ( سرقه علنيه حقيقيه ) واستغفال واستغلال للشعب الطيب الجاهل ومداراة للفشل على كل الاصعده

حسبنا الله ونعم الوكيل

[أحمد كمال]

وكمان التاجر انتا ناسى العربيه المغربيه اللوجان اللى فضحت التجار

باشا اللوجان المغربي ما بتتجمركش و هي داخلة مصر

بس هي متجمركة و هي داخلة المغرب من أوروبا

و جمارك المغرب اقل مننا ب 10% بس

يعني ان الناس كانت فاكرة ان اللوجان هتخش من غير جمرك معناها انها هتبقى بنص التمن

و بعدها قالوا انها كده الوكيل و التجار اكلوا الفرق

مش صحيح

الجمارك هي الي عاليه جدا وليس مكسب الوكلاء الوكيل في السعوديه بيكسب اكتر المشكله ان الحكومه المصريه بتكسب في العربيه اكتر من الشركه المصنعه يعني لو تويوتا بتكسب من ورا الكورولا 2000 دولار مثلا يعني 10500 جنيه تقريبا الحكومه المصريه بتكسب 65000 الف جنيه بدون وجه حق ( سرقه علنيه حقيقيه ) واستغفال واستغلال للشعب الطيب الجاهل ومداراة للفشل على كل الاصعده

حسبنا الله ونعم الوكيل

عليك نووووووور كده حضرتك فاهم صح

[alisleman]

باشا اللوجان المغربي ما بتتجمركش و هي داخلة مصر

بس هي متجمركة و هي داخلة المغرب من أوروبا

و جمارك المغرب اقل مننا ب 10% بس

يعني ان الناس كانت فاكرة ان اللوجان هتخش من غير جمرك معناها انها هتبقى بنص التمن

و بعدها قالوا انها كده الوكيل و التجار اكلوا الفرق

مش صحيح




عليك نووووووور كده حضرتك فاهم صح

باين من كلام حضرتك انك مش عضو برونزى وبس انتا كمان تاجر يا باشا الهيبة فضاحة شوية
حضرتك انا اتعرض عليا اروح المغرب مع مجموعة من اصحاب ونشتريها من هناك بس الحكاية مكملتشى
لان ناس من المغرب قالتلنا ان سعرها 6 الاف دولار يعنى 33 الف جنية + دمغات ومصاريف يعنى الحكاية ممكن تخش معاك فى 40 الف غير مصاريفك ورحلتك
وبالنسبة للتجار
عارف حضرتك فودافون وخدة العربيه من bmw بكام 180 الف والعربيه بتباع 250 الف
وكمان واحد من الاعضاء فى المنتدى العام قال ان عمة اشترى باجيرو زيرو ونزل من تمنها 50 الف
وكان مكتوب فى الاهرام مقالة فى يوم ان العربية اللانوس والفيرنا بعد التقفيل فى المصنع والبيع للمستهلك المفروض تتباع 35 الف ويكون التاجر كسبان كمان فيها 5 الاف بس عندنا مينفعشى تكسب 5 الاف بس فى عربيه
والقصة بتاعت اللوجان مينفعشى تتباع بسعرها الحقيقى فى مصر لاسباب انها هتوقف بيع عربيات كتير
من فقتين او تلاته على الاقل يعنى ان الكورى كله هيضرب ومش هيتباع وهتاخد نصيب من اليابانى كبير
فلازم تنزل بالسعر دة علشان تبقى منافس للفيرنا واللانوس
اللى مبيكسبشى غير تلات او اربع الاف فى العربية هو المعرض و الموزع لكن التاجر ياكولنا بالدليل
سعر العربيات نزلت فى كل العالم الا هنا

[alisleman]

الكلام ده جميل جدا و انا موافق علي النسبة دي من الضرائب و الجمارك و الدمغات و الرسوم و خلافه و لكن ...
اين تذهب هذه الاموال ؟؟؟؟؟
أليس من المفروض أن نحصل عليها في صورة خدمات ؟؟؟؟
- طرق ممهدة و مضائة ليلا
- أماكن أنتظار و جراجات
- مراكز خدمات و صيانة علي الطرق
- اجراءات سهلة و سريعة لتراخيص المرور
- و غيره كثير من الخدمات الاخري .......

يبقي أحنا مش بس مظلومين , لأ ده احنا بيتنصب علينا كمان

عارف حضرتك زى ما بتقول كدة لو فى خدمات حقيقية ان عمرى ماكنت زعلت خالص على الفلوس اللى بتتدفع لان فى مقابل وفى خدمة لكن طرق زبالة وتروح ترخص لازم تاخد يوم فى الترخيص وعلشان تمشى لازم ترش
ويا سلام لو غلطت وعملت مخالفة الظابط يعاملك كانك حشرة واقف قدامة بس الشهادة لله فى ناس محترمين