Tweet
اشتريت ياريس 2008 وقبل ما استلمها وكان الموزع كل يوم يتصل بيا عشان اجي اخد العربيه (كان ورق التقسيط لسه بيخلص) المهم اني رحت استلمتها يوم 3 اكتوبر وقالي عدي عليا بالليل اجيبلك الافراج الجمركي وبقية الورق طبعا انا صدقت تويوتا ماكنتش اتوقع انهم ممكن يعملوا زي الفرسان او الربيع تريد فاديتله شيك البنك ورحت بالليل وتاني يوم وكل يوم كل يوم يقولي الورق لسه ماجاش.
بعت ميل شكوى لتويوتا لقيت واحده من مصر بتكلمني وتقولي ان الافراج هيتاخر لبعد العيد باسبوع وان ديه مش غلطة تويوتا ديه غلطة الموزع اللى باع العربيه من غير ورق , قلتلها لا طبعا ديه غلطة تويوتا انها تطلع العربيه من عندها من غير ورق.
قلتلها ان تويوتا طلعت العربيه من غير ورق عشان تاخد فلوسها والموزع باع من غير ورق عشان ياخد فلوسه واللى يتحرق ويدفع في الاخر هو العميل اللى اشترى العربيه
. طلبت ان تويوتا تتحمل تمن النمر التجاريه رفضت (خلي بالك ان النمر التجاريه اقلها 50 جنيه في اليوم في حوالي 23 يوم يعني حوالي 1150 جنيه زياده عن تمن العربيه) وفي ختام المكالمه اتنرفزت جدا لما قالتلي انها واخده بالها اني مش عامل حسابي ادفع فلوس تانيه عشان النمر التجاريه :x .
بعد التليفون اللى مالوش لازمه ده بعت ميل تاني لتويوتا ان مشكلتي لسه موجوده وماتحلتش.
كلمني بعدها مدير خدمة العملاء وقالي نفس كلام الموظفه والخلاصه ان مشكلتي مع الموزع وان تويوتا مالهاش دعوه بالموزعين مع ان تويوتا هى اللي باعت العربيه للموزع من غير ورق وفهمته اني عايز نمر تجاريه لاني مش هدفع كل الفلوس ديه في غلطه مش غلطتي بصراحه كان مفيد جدا وقالي (معلش) :? :shock:
اضطريت اني اتخلى عن النمر التجاريه واسوقها من غير نمر راحت رخصتي مسحوبه اول يوم العيد والحمد لله.
اسف للتطويل ولكن حبيت احكي مشكلتي عشان تاخدوا بالكم وماتقعوش في نفس غلطتي. انا كنت فاكر ان توكيل تويوتا محترم لكن للاسف طلع مايفرقش عن اي شركه عاديه مصريه, لو حصل حاجه زي كده في اي دوله تانيه بتحترم الانسان كان هيكون فيه اعتار رسمي وتعويض, لكن للاسف احنا في مصر وبصراحه انا هفضل اطالب بحقي, في حد عنده اي اقتراح او يعرف مكان لجنة شكاوي السيارات. واشكركم مقدما.
بعت ميل شكوى لتويوتا لقيت واحده من مصر بتكلمني وتقولي ان الافراج هيتاخر لبعد العيد باسبوع وان ديه مش غلطة تويوتا ديه غلطة الموزع اللى باع العربيه من غير ورق , قلتلها لا طبعا ديه غلطة تويوتا انها تطلع العربيه من عندها من غير ورق.
قلتلها ان تويوتا طلعت العربيه من غير ورق عشان تاخد فلوسها والموزع باع من غير ورق عشان ياخد فلوسه واللى يتحرق ويدفع في الاخر هو العميل اللى اشترى العربيه
. طلبت ان تويوتا تتحمل تمن النمر التجاريه رفضت (خلي بالك ان النمر التجاريه اقلها 50 جنيه في اليوم في حوالي 23 يوم يعني حوالي 1150 جنيه زياده عن تمن العربيه) وفي ختام المكالمه اتنرفزت جدا لما قالتلي انها واخده بالها اني مش عامل حسابي ادفع فلوس تانيه عشان النمر التجاريه :x . بعد التليفون اللى مالوش لازمه ده بعت ميل تاني لتويوتا ان مشكلتي لسه موجوده وماتحلتش.
كلمني بعدها مدير خدمة العملاء وقالي نفس كلام الموظفه والخلاصه ان مشكلتي مع الموزع وان تويوتا مالهاش دعوه بالموزعين مع ان تويوتا هى اللي باعت العربيه للموزع من غير ورق وفهمته اني عايز نمر تجاريه لاني مش هدفع كل الفلوس ديه في غلطه مش غلطتي بصراحه كان مفيد جدا وقالي (معلش) :? :shock:
اضطريت اني اتخلى عن النمر التجاريه واسوقها من غير نمر راحت رخصتي مسحوبه اول يوم العيد والحمد لله.
اسف للتطويل ولكن حبيت احكي مشكلتي عشان تاخدوا بالكم وماتقعوش في نفس غلطتي. انا كنت فاكر ان توكيل تويوتا محترم لكن للاسف طلع مايفرقش عن اي شركه عاديه مصريه, لو حصل حاجه زي كده في اي دوله تانيه بتحترم الانسان كان هيكون فيه اعتار رسمي وتعويض, لكن للاسف احنا في مصر وبصراحه انا هفضل اطالب بحقي, في حد عنده اي اقتراح او يعرف مكان لجنة شكاوي السيارات. واشكركم مقدما.
Comment