منظف الرشاشات

[MAKHARETA]

طب بعد أذنكم أنا عربيتى لسة أخر موديل بقالها معايا 3 شهور كانت تمام ماشاء الله فى السحب بس لأنى كنت بمون من بنزينة مش تمام بقى سحب وتجميع العربية ضعيف مع العلم أنى أحيانا وأنا ماشى أحس أن العربية سلكت وبقت تمام أجى أنقل نقلة تانية أحس أنها أتكتمت تانى فياريت حد يفيدنى لأن العربية لسةزيرو وعاملة 4500 كيلو بس فخايف أعمل حاجة غلط أرجع أندم عليها

[asemx1]

بالطبع مهم جدا ودا بالنسبه للناس الى بتسيب البنزين يخلص فى التانك لحد الاخر لان بعض الشوائب بتدخل منظومه الوقود والانجيكشن

وبالنسبه للعربيات الى عملت كيلوهات كتير

يفضل استخدام نوعيه نضيفه وغاليه ودا اجراء صيانه اساسا وبيتعمل كل من 10 ال 20 الف كيلو

ممكن ماتحسش بفرق لان المنظومه عندك نضيفه وممكن تحس بفرق لو فى مشكله او ترسبات

ويتم وضعه على الفول تانك

وعلى رائى المثل الى مايفيدش مايضرش .... جرب ممكن ينفع وممكن مايحصلش حاجه بس اكيد مش هيضر ..

تحياتى لك ......... م/ عاصم جاد

[asemx1]

طب بعد أذنكم أنا عربيتى لسة أخر موديل بقالها معايا 3 شهور كانت تمام ماشاء الله فى السحب بس لأنى كنت بمون من بنزينة مش تمام بقى سحب وتجميع العربية ضعيف مع العلم أنى أحيانا وأنا ماشى أحس أن العربية سلكت وبقت تمام أجى أنقل نقلة تانية أحس أنها أتكتمت تانى فياريت حد يفيدنى لأن العربية لسةزيرو وعاملة 4500 كيلو بس فخايف أعمل حاجة غلط أرجع أندم عليها

يعنى ايه بنزينه مش تمام ؟؟؟؟

حضرتك مع احترامى لك اول اسباب تلف او ضغف منظومه البنزين هيا انك تسيب التانك يخلص خالص واللمبه تنور بتاعت البنزين

لو حصل كدا بعد ما مونت من البنزينه الى مش تمام يبقى ممكن يكون دخل شوائب الانجيكشن وهتحتاج منظف رشاشات لو ما حصلش كدا يبقى انتا بدات تاخد او تتعود على العربيه علشان كدا بدات تحس ان سحبها مش تمام

او ممكن تكون عايزه سفريه حلوه علشان تفتح بقى لان كدا خلاص انتا عديت مرحله التليين

تحياتى لك .......

[dr_maged1975]

فلتر بنزين الياريس ثمنه 750 جنية و يتم تغييره كل 85000 كيلومتر

[Youssef.Awad]

الصنى فلتر بنزينها مع الطلمبة داخل خزان الوقود
ناوى اجربه قبل تغيير الزيت فى صيانة ال60 الف كم باذن الله
ليكوى مولى ب30ج
ويفضل انه يتحط على تفويلة كاملة قبل تغيير الزيت ولا تفول تانى الا قرب فراغ التانك

[أبو عبدالله]

انا من فتره كنت اشتريت منظف سوناك الألماني وبصراحه حطيته ونظف كويس لأن شوفت الهباب اللي طلع من الشكمان ولما فتحت ابص على البوجيهات شوف شكل السلندرات ومكنش فيه اي هباب بداخل الماتور ماشاء الله



انا من زمان كنت بشتري ليكوي مولي من ايام الفرسان ماركت كان هو الوحيد اللي بيجيبه وكان محترم برضه
رايي اشتري نوع معروف ونظيف لأن فيه منظفات بتخرب الرشاشات

اما بخصوص البنزينات ففيه فعلا بنزينات دائما تلاقيه بنزينها مكتوم اول ما تحط بنزين منها تلاقي العربيه اتكتمت وفيه بنزينات تحط منها بنزين تلاقي العربيه بتتنطنط لوحدها وعاوزه تجري لوحدها
ربنا يهدي المسلمين

[dr_maged1975]

فلتر البنزين بيتغير كل 85000كيلومتر و سعره 750 جنيه

[Youssef.Awad]

انا من زمان كنت بشتري ليكوي مولي من ايام الفرسان ماركت كان هو الوحيد اللي بيجيبه وكان محترم برضه
رايي اشتري نوع معروف ونظيف لأن فيه منظفات بتخرب الرشاشات

اما بخصوص البنزينات ففيه فعلا بنزينات دائما تلاقيه بنزينها مكتوم اول ما تحط بنزين منها تلاقي العربيه اتكتمت وفيه بنزينات تحط منها بنزين تلاقي العربيه بتتنطنط لوحدها وعاوزه تجري لوحدها
ربنا يهدي المسلمين

اكيد فيه اختلافات ومن اكتر البنزينات المحترمة اوى لحد الان فى مصر : توتال ووطنية وطاقة وبعض كالتكس وبعض موبيل
اما الاسوأ : التعاون ومصر وموبيل