تويتا استارليت , ساعدوني بمعلومات عن اول عربية

[EmBaWe]

السلام عليكم

رمضان كريم

كنت بفكر اشتري العربية ديه وملقتش اي معلومات عنها

فياريت تنصحوني بيها وتقولي لي ايه رايكم فيها ومشاكلها

واللي عنده خلفيه عنها ياريت يتكلم بوضوح

هل قطع غيارها بتبوظ بسرعه , ولا بتعمر

والبنزين ايه نظامه

وهل صاجها يستحمل ولا ايه

وهل الميكانيكيه بيفهموا فيها

وايه نظام سعر قطع غيارها ... ؟

وكام سعرها مستعمل دلوقتي موديل 97

ياريت تقولوا كل المعلومات اللي عندكم

وشكرا لكم ... :)

والسلام خير ختام ... :)

[alisleman]

الصراحة انا اول مرة اسمع عن الموديل دة

[EmBaWe]

الصراحة انا اول مرة اسمع عن الموديل دة

هو انا بسال عليها مبدئيا علشان عايز اعرف معلومات وياريت تصادفني في الواقع لاني معتقدش هلاقي منها في السوق المستعمل

بس هي شكلها ومواصفاتها

Toyota starlet

و

Toyota starlet


حد يعرف عنها حاجه ... ؟

[EmBaWe]

محدش يعرف عنها حاجه ... ؟

[Scent7104]

بص حضرتك انا أعرف منها موديل 91 لأن ده كنت هأجيبها كأول عربية تتعلم فيها ،

مميواتها:

العربية شبابية و جراية قوي الواحد يحس انه طاير بيها.

و ثابتة شوية كعربية صغيرة أثبت من الماروتي و الميرا و البرايد ( هي تقريبا نفس نظام المازدا 323 القديمة هاتش باك ) .

صاجها كويس اوي.

موتورها ناعم و هادي و جميل

و عفشتها ناعمة كمان

عيوبها:

كصالون الكراسي اللي قدام حلوة اوي بس الكنبة صغيرة و ضيقة و المازدا القديمة و الأوبل كورسا أحلى في كده.
العربية واطية على الأرض جدا.


طبعا كقطع غيار و نظامها ده أنا ماعرفهاش لأني ما اشتريتش في الآخر.

أنا طبعا سعرها ما أعرفش دلوقتي تعمل كام بس من 8 سنين أو أكتر كمان كانت من 22 إلى 25 ألف