كنت حاستلم تويوتا كورولاhighline 2010 النهاردة ولكن ......

[asa2005eg]

2010السلام عليكم

النهاردة و أنا بستلم التويوتا كورولا 2010 advanched highline

لحظت إن Sparekey
مش متمرمج على عربية طبعا
سبتلهم العربية, حستلم بكرة إن شاء الله

جربوا كل حاجة يا جماعة متقولش العربية لسة جديدة وأكيد كله تمام

[معتز]

الف مبروك ياسيدى الفاضل.ياترى الاتوماتيك ؟ ... ياريت التقييم بسرعة ...

[SHNORY]

.ياترى الاتوماتيك ؟ ...

هاي لاين يا باشا
ربنا يملاهاله بركه

[asa2005eg]

Toyota Corolla Automatic Highline 2010

[ashrafE51]

ربنا يبارك لك فيها ويكفيك شرها ..

[Samir Elshahawy]

الله ينور عليك هو كده صح , لازم تجرب العربية و تتأكد من كل حاجة قبل ماتستلم
ربنا يبارك لك فيها ان شاء الله و يبعد عنك شر الطريق و اللي بيمشوا فيه

[Ahmed Tarek]

الف مبروك يا باشا
انا اسا مشتري واحده من 10 ايام ما شاء الله عربيه كويسه جداااا

[احمدعبدالعزيز]

الف مبروك مقدما على العربيه الجديده

[alisleman]

مبروك يا باشا وصح جدا انك جربت العربيه قبل ماتستلم

[abo samra]

الف مبروك ياباشا وربنا يباركلك فيها ويكفيك شرها
حضرتك استلمت ولا لسه
وايه تقييمك للعربيه
تحياتى

[asa2005eg]

واللهِ يا جماعة الواحد جاله احباااااااااط , المفتاح طلع مش مفتاح العربية , بيدوروا على مفتاح في مخزن اسكنرية , ,وال عربية مرزوعة في توكيل العباسية

أنا حاسس إني مليش نصيب في عربية خصوصا إن عربيتي القديمة كانت totalloss بـسبب واحد عدا من ناحية التانية على كبري أكتوبر و خبت فيَّ وكمان طلع بـعربيته على عربيتي ودخل في أزاز أكيد سمعته على حادثة ده

بفكر أجيب طايرة بدل العربية هاهاهاها...

معلش طولت عليكم بس كان لازم أطلع الجوايا

لو حد عنده اقتراحات أعمل إيه مع توكيل يا ريت يقولي , أنا مش عايز استلم إلى لما يكون كله تمام , حتى الواحد يكون فرحان بالعربية ومش متكدر


الحمدلله إني لسة عايش بس كان نفسي أفتح صفحة جديدة مع العربية بس شكل ال بداية مش مبشرة مع ال عربية الجديدة

[asa2005eg]

الله ينور عليك هو كده صح , لازم تجرب العربية و تتأكد من كل حاجة قبل ماتستلم
ربنا يبارك لك فيها ان شاء الله و يبعد عنك شر الطريق و اللي بيمشوا فيه



أحلى دعوة واللهِ .....

[محمد محمد]

واللهِ يا جماعة الواحد جاله احباااااااااط , المفتاح طلع مش مفتاح العربية , بيدوروا على مفتاح في مخزن اسكنرية , ,وال عربية مرزوعة في توكيل العباسية

أنا حاسس إني مليش نصيب في عربية خصوصا إن عربيتي القديمة كانت totalloss بـسبب واحد عدا من ناحية التانية على كبري أكتوبر و خبت فيَّ وكمان طلع بـعربيته على عربيتي ودخل في أزاز أكيد سمعته على حادثة ده

بفكر أجيب طايرة بدل العربية هاهاهاها...

معلش طولت عليكم بس كان لازم أطلع الجوايا

لو حد عنده اقتراحات أعمل إيه مع توكيل يا ريت يقولي , أنا مش عايز استلم إلى لما يكون كله تمام , حتى الواحد يكون فرحان بالعربية ومش متكدر


الحمدلله إني لسة عايش بس كان نفسي أفتح صفحة جديدة مع العربية بس شكل ال بداية مش مبشرة مع ال عربية الجديدة

قدر الله وما شاء فعل
وبعدين من تعجل شىء قبل اوانه عاقبه الله بحرمانه وانت متعرفش ايه حكمة ربنا فى كده احنا مثلا كنا مستعجلين فى شراء العربية العربية اتخبطت مرتين قبل منعلق نمر وكنا شارينها فورى ودافعين اكتر من غيرنا وموضوع شراء العربية دى كان سريع جدا اليوم اللى بعنا فيه اللانسر بالنهار اشترينا الكورولا بليل مع انها مكنتش فى دماغنا خالص وكنا بنفكر فى السيفيك او الجيتا بس سبحان الله نصيب.
وخلى الكلمة دى دايما على لسانك لعله خير.

[asa2005eg]

لعله خير

[معتز]

ان الله مع الصابرين....ان شاء الله تكون من نصيبك فى الميعاد