عايز ابيع تويوتا جنوب افريقيا....تعمل كام؟؟

[ChicoChico]

سلام عليكم و كل سنة و انتم طيبين..

معايا كورولا جنوب افريقيا اوتوماتك بس مش الي ب 156 دي انا معايا الي كانت ب 138 فضي عاملة 46 الف اول دفعة.موتور تمام بس اكصدام ورا مخبوط و هغيره و الجنب اليمين مخبوط كله زي الصورة بس العربية فابريكة غير كده, صيانة بالتوكيل و مظبطين الفتيس و مش راشة اي حاجة...بجيب بيها 200كم عادي علي الطريقلغاية دلوقتي...تفتكروا تعمل كام؟؟؟ انا عايز اجيب الجولف الي ب 150 دي انا كان معايا بولو زمان و بحب الهاتشباك....

افيدوني لنل مش عارف سعر العربية الكورولا مستعمل بكام خالص...و شكرا

[Eng.Sameh]

المشكلة ان الجنوب افريقي دي واقعة خالص في السوق .. واللي بيفهم وميفش يقولك اوعى تجيب جانوب افريقي ، لسه كنت قاعد مع واحد من يومين ولا ليه في البطيخ واصلا عندو حوالي 60 سنة وتفكيره كله مبني على موديلات السبعينات ، ولما جات سيرة التيوتا الجنوب افريقي ، لقيته بيقول ولا ليها لازمة والياباني بخمسة من الجنوب افريقي دي ، وهو اصلا مش عارف ليه ،

المشكلة في مصر ان الناس بتردد بدون اي فهم ، فأنت حاول تشوف حد بيفهم عشان تتباع بسعر معقول

[ChicoChico]

شكرا يا باشا....بس بردو متعرفش بتبقي في حدود كام؟؟؟

[mohamed Gamal]

متبعهاش غير لما تلاقي الجولف علشان بقت قليلة اوي دلوقتي

[Eng.Sameh]

أعتقد من 90 ل 100 ألف طبقا للحالة اللي انت موضحها ، والله اعلم انا مش خبير في اعسارها بس مجرد تقييم شخصي لكل العوامل المحيطة بالسيارة

[Sharky]

أعتقد من 90 ل 100 ألف طبقا للحالة اللي انت موضحها ، والله اعلم انا مش خبير في اعسارها بس مجرد تقييم شخصي لكل العوامل المحيطة بالسيارة

كلام مظبوط
و علشان تتأكد انزل سوق العاشر و او خد لفه فى معارض السيارات وشوف الموديل بتاعك بيتباع على كام مش معروض على كام

للأسف الـ mmt سعر إعادة بيعها مش عالى زى بقية الكرولات

[محمد محمد]

هى دى البروفيشنال اخر سعر ليها كان ب132000 ممكن نحسبها بالورقة والقلم لو قلنا هنخصم 10% اهلاك هتبقى 118800 وعندك جنب عايز يترش غير السمكرة الجنب ده 4 قطعء*300 جنيه للقطعة الواحدة ده على سعر التوكيل يعنى 1200 وبالضريبة 1320 وقول هتاخد سمكرة 1000 فى المتوسط وممكن تزيد يبقى التصليح 2320 نخصمهم من 118800 يبقى 1164800قول 116000 وعشان حال السوق نايم والناس بطبيعتها بتدور على الزيرو القسط احسن من الكاش المستعمل ممكن نحط حد ادنى للبيع ويكون من100000 ل105000 ايه رأيكو فى الحساب ده كويس ولا لأ؟؟؟؟؟!!!!!!
وافضل حاجة انك تبيعها لحد من معارفك وواحد يكون بيفهم فعلا فى العربيات مش واحد بيسمع كلمة من هنا وكلمة من هناك وعلى فكرة اكتر من 3/4 العربيات دلوقتى بيتجمع او يتصنع برة بلادها والربع الباقى بيشاور عقله.

[sa3dawy]

انا رأى 105 بعد التصليح

[ChicoChico]

شكرا با جماعة بجد....بس كده انا لبستها يعني:( الحمد لله علي كل شيء...والله هي العربية كويسة و ثابتة جدا جدا علي الطريق و الموتور تمام جدا بس الmmt دا فعلا مش قد كده...لا انصح اي حد يشتري عربية مش متجربة زي ما انا عملت...

الف شكر بجد...الجولف 2008 الي عاملة 20-30 الف بتعمل اكتر من 120؟؟؟

[Scent7104]

105 إلى 110 ألف (لو هاتصلحها ) بس لو هاتبيع كده ما اعتقدش هتعدي 100 ألف ...

و أعتقد ده مش سعر إعادة بيع وحش خالص بالعكس ده سعر كويس جدا و ماتنساش ان الوق نايم و موديل السنة بينزل من 10- 15 الف.

[محمد محمد]

شكرا با جماعة بجد....بس كده انا لبستها يعني:( الحمد لله علي كل شيء...والله هي العربية كويسة و ثابتة جدا جدا علي الطريق و الموتور تمام جدا بس الmmt دا فعلا مش قد كده...لا انصح اي حد يشتري عربية مش متجربة زي ما انا عملت...

الف شكر بجد...الجولف 2008 الي عاملة 20-30 الف بتعمل اكتر من 120؟؟؟

حضرتك حط نفسك مكان اللى هايشتري واحد معاه 120 يروح يجيب كورولا مستعمل ولا سيراتو زيرو ده ثقافة شريحة كبيرة من المستهلكين فى ظل انتشار التقسيط بالصورة اللى موجودة دلوقتى ومكنتش موجودة بالشكل ده من 3 سنوات الفرح بالزيرو بيخلى الواحد ميهتمش بحاجات مهمة كتير حضرتك متبعش العربية لمعرض بيعها لواحد من معارفك انا واحد معرفة كان بايع واحدة خليجى كاملة معرفش هى عاملة كام كيلو بس هو كان بيسافر بيها كتير باعها ب140000 الكلام ده من حوالى 3 اشهر وبعدين انا عايز اعرف حضرتك حاجة اى عربية فى مصر بتعدى ال120000 مش بتبقى منافسة فى سعر اعادة بيع مش حكاية عربية فتيسها وحش او متقفلة برة نفس الفتيس نازل فى الأوبل بموديلاته وفى عربيات محترمة كتير وغالية وبتخسر فى سعر اعادة بيع حضرتك اتمسك بالسعر اللى انت عايزه واللى عايزها برده هيتمسك فيها فى ناس بتتفرج على العربية وتفاصل فى سعرها وهى مش هتشترى اصلا وده ميخلكش تخسف بسعرها الأرض عشان تتخلص منها حضرتك بتتكلم على كورولا يعنى لو اتصنعت فى بهتيم برده هاتفضل تويوتا

[sherifahmed]

حضرتك بتتكلم على كورولا يعنى لو اتصنعت فى بهتيم برده هاتفضل تويوتا

دا سعادتك عشان احنا هنا فى نايل موتورز و فاهمين العربيات
لكن المواطن العادى يبتوهم جدا لو اولتلوا الكلمة السحرية made in japan اول ما يسمعها ممكن يشترى اى حاجة حتى لو طعمية يابانى :)