الى ملوك الكورولا

[nado2u]

ارجو رأيكم في الكورولا العيون 1998 كاملة مانيوال عيوب ومزايا من حيث البنزين وتوفر قطع الغيار والاعتمادية
وشكرا

[elansary]

بص ياباشا انا كان معايا عربية 99 وعملت بيها 70 الف في 11 شهر يعني طحنتها مشاوير بس بصراحة هيا كانت جديدة ودلوقتي معايا 94 وهعملك مقارنة بينهم وهقولك اولا عيوبها هيا ديقة شوية من جوة وكمان لو حبيت تشترليها رفرف او كبوت مستعمل هيكون اغلي شوية من العادي 0وكمان يقال ان 98 تقفيل ماليزي ودي معلومة مش متاكد منها كويس 0وثباتها في السرعات اقل من اللي معايا بس معقولة 0لما تيجي تبعها ثمنها بيقل شوية يعني مش بياعة قوي 0مميزتها طبعا انها تويوتا هيا عربية قوية وجامدة تكيفها ممتاز الموتور محترم العفشة قوية وقطع غيار الموتور والعفشة متوفرة جديد ومستعمل الفتييس محترم الات الجر ممتازة استهلاك البنزين كويس جدا بصراحة انا بعتبرها عربية مظلومة ودة لان تويوتا منزلوش منها كتير لو حبيت تجبها توكل علي اللة بس تكون حالتها كويسة

[aboezz44]

من الكلام السابق اعتقد ان السياره الملكة من مو93-97 هاتكون كخيار افضل لك
ربنا يهدينا و يهديك للى فيه الخير