Tweet
ياجماعة انا عندي كورولا 94 خليجي اتوماتيك وفيها موتور 1300 بصراحة العربية ممتازة بس في ناس بتنصحني اغير الموتور واركب موتور 1600 انجكشن بيقولو انو اقوي وكمان هيوفر في البنزين كتير 0 بصراحة انا محتار مع العلم اني بسافر مسافات طويلة فهل اخلي الموتور بتعها ولا اغير وممكن اعرف سعرة بالفتيس في حدود كا وشكرا جزيلا0
-
-
انا معنديش خبرة فى العربيات اوووى بس فى حاجه انا لو مكانك مش هعملها اول حاجه انك تغير فى اصل العربية وده بيترتب عليه انك وقت لمابتبيع العربية بتخسر فيها عشان لعبت فى الفابريكة بتاعتها يبقى دول سببين اعتقد لو حضرتك من النوع اللى بتبيع وتشترى هتفرق معاك -
طبعا يا جوجي كلامك مظبوط بس انا لما اغير المحرك اعتقد اني هضيف للعربية ميزة ودة مش هيقلل من قيمة العربية تماما وانا مش من هواة التغير لاني بحب عربيتي جدا واي واحد بحبو بانصحو بالتويوتا واخر حاجة انا لسة جايب لخويا عربية تويوتا من ناس طيبين قويComment
-
بصراحه انا م ش مع التغيير وزى مقلتلك اسال اللى بيفهموا بس انا واحد قريبى معاه ابيزا 94 ركب موتور 1400 سعرها نزل مع العلم انه شاديدها شادة بحق ربنا والله ونزل سعرها عشان الموتور متغير
والله هى التويوتا عربية محترمة فعلا وربنا يبارك لاخوك ويكفيه شر الطريق واحسن حاجه تكون راضى والناس الطيبة اللى قابلتوهم دول عشان انتوا اكيد ناس اخلاق وطيبين ربنا يباركلكم فيها ان شاء الله :) بس ياريت لو سالت بره على الموضوع بتاع الموتور تقلنا :)Comment
-
ميزة الموتور القديم انك ممكن تحط بنزين 80 اما الانجكشن فبنزين 80 هيخربهComment
-
علي فكرة انا غيرت الموتور وركبت موتور تويوتا 1600 انجكشن اسمو 4a بالفتيس بتاعة بصراحة فرق جااااااامد محرك جبار وكمان فية اوفر درايف واستهلاكو اقل في البنزين وحاسس اني راكب عربية تانية خالص واللي مركبينو اساتذة فعلا طبعا والتكيف اداءة افضل بس هحتاج اغير المساعدين الاماميين واجيب مساعدين 1600 بص الملحوظة اللي ماخوذة علية انو بيسخن شوية عن المحرك القديم ولانو دة موضوع يضايق شوية سئلت اكتشفت انا دة طبيعي وتقنيتو كدة عموما انا بعد فترة هقيمو واعرفكو طبعا علشان الكل يستفادComment
-
الموضوع ده كلفك كام وعملته فين ؟؟؟Comment
-
بصراحة انا ليا صديق من الزقازيق مستورد قطع غيار تويوتا هوا اللي اتكفل بالموضوع ده ولسة ماخدش حاجة بس انا متوقع انو مش هيزيد عن 3000 جنية وهياخد الموتور القديم 0 عموما حتي الان مفيش اي ملاحظات علية وانا مشيت بية حوالي 1000Comment
-
مبروك عليك الموتورالجديد وفى انتظار تقييميكComment
-
فى انتظار تقييمك
وربنا يبارك لك ياربالفقير الى الله / [COLOR="Indigo"]احمد عزالرجال[/COLOR]
[COLOR="Magenta"][SIZE="7"][CENTER]لكى الله ياغزة[/CENTER][/SIZE][/COLOR]
[url=http://www.postimage.org/image.php?v=aV6zQe0][img]http://www.postimage.org/aV6zQe0.jpg[/img][/url]Comment
-
انا عاوز اعرف اخر تقييم عشان انا ناوى اقلدك:36_9_4:Comment
-
ياريت حضرتك تساعدنا في الموضوع دة لاني بجد نفسي اعمل زي حضرتك فياريت تقولي
اية الاخبار بعد التركيب ؟
ياتري سعر الماتور بالتركيب كان كام ؟
مين الي ركب الماتور لحضرتك ؟
وياتري ممكن تساعدني في الموضوع دة ؟ وياريت لو في امكانية انك تساعدني تقول رقم حضرتك وشكراhttps://t.me/pump_uppComment
-
انا تحت امرك ياباشاالمشاركة الأصلية كتبت بواسطة zizophone مشاهدة المشاركة
الموضوع جميل وفعلا فرق كبير جدا ومشاكل كتير بتستغني عنها بس فيه طبعا مشاكل وقعت فيها . وهكمل بعد الصلاه[CENTER][B]سامح البقري
المحامي[/B][/CENTER]Comment
-
اولا شكرا لرد حضرتك
ومستني كلامك بفااارغ الصبرhttps://t.me/pump_uppComment
-
في البداية في ثلاث انواع من المواتير اللي ممكن تتسقط علي العربية دي
وهم 5aوده السعة اللترية 1500 سي سي وده غالبا بيكون وارد اليابان والضفيرة غالبا بتكون يمين ولازم تتعدل الضفيرة للشمال
المحرك التاني 4a وده 1600 سي سي وده بيكون غالبا وارد اوروبا وامريكا وده غالبا بتكون الضفيره شمال وبيركب علي طول بدون تعديل
المحرك التالت 7a وده السعة اللتريه 1800 سي سي وده غالبا بيكون وارد امريكا وبيركب علي طول بدون تعديل في الضفيرة
= بالنسبه ليا
انا مسقط موتور 4a وده وارد امريكا وركب علي طول وطبعا الموتور بالفتيس انا اشتريت الربع كامل بس من غير الصاج يعني كل اللي كان راكب في العربية نقلته عندي زي الردياتير والقربة وخزنة الفرامل والسرفو وكل حاجة ما عدا التكيف لان محبتش اعدل فية والموضوع كلفني 4000 جنية بالتركيب بكل حاجة .
الموتور لوحده في حدود 3000 جنية او اقل شوية
الموضوع ده خد وقت يومين يوم تسقيط ويوم الكهربا
التقيم
المحرك بيولد 115 حصان يعني قوة السحب جامده جدا
التكييف تاثيرة علي الموتور تكاد لا تذكر ( طبعا الموتور بيركب بالباور والكمبروسر وكل حاجه )
الفتيس 4 نقلة القديم كان 3 بس طبعا الاتوماتيك مش مانوال فيه زرار للاوفر درايف
استهلاك البنزين اول ماركب كان الاستهلاك عالي وده لان كان عندي مشكله هقولها بعدين لاكن دلوقتي بتستهلك 260 ك في الصفيحة وده استهلاك ممتاز وعندي شعور انها ان شاء الله هتوفر اكتر من كده
طبعا الموتور انجكشن يعني البنزين يكون مش اقل من 90
من يوم مسقطه من حوالي 5 اشهر مقبلتش اي مشكله في الموتور نهائي الحمد لله
بالنسبة للسخونية المؤشر بيكون في النص لا بيزيد ولا بيقل تحت اي ظرف
طبعا بتشيل دماغك من مشاكل الكاربراتير والتكيهات وظبطهم
التسارع بيكون في طلعتة قويه جدا لاكن بعد 120 بيكون مش جامد قوي بعكس الموتور القديم لاكن طبعا انا مشيت بيه 180 .
غير شكله حلو في الحوض
نيجي بقي للمشاكل
انا بقي شوفت ايام سوده مع الفتيس
اول حاجة زرار الافر درايف مكنش شغال ومحدش كان عارف يشغلة لحد ماروحت لمحمد عسكر في الحرافيين وده كهربائي مشهور وصل الزرار واشتغل
ومن اول ما سقط الموتور كنت حاسس ان الفتيس في مشكله لاكن كل واحد يركب العربيه يقولي مفيش حاجه لحد مادخلت في دوامه كبيرة
من شهرين بدات بان الفتيس الصبح ينقل الاول وبعد كده مينقلش تفضل العربية مسافة 10 ك وبعد كده يشتغل عادي جدا بعد كده الفتيس مكانش بينقل الا والار بي ام علي 5 وده طبعا تدمير للموتور لفيت الدنيا كلها علشان الاقي حل للموضوع ده
واحد يقولي غير حساس البوابة اغيرة مفيش فايده
وواحد يقول غير صباع الحرارة مفيش فايده
وواحد يقول غير الفتيس غيرتة مفيش فايده
وواحد يقول غير قربة الفتيس مفيش فايده
لحد لما روحت لواحد في المنصوره اسمه محمد علي قالي الفتيس اللي راكب عندك ده بينقل بالكهربا والحاجات بتاعتة ناقصه عندك الحل تغير الفتيس ده بواحد عادي بدون كهربا وقالي ان الموتور بتاعك ده بينزل علية النوعين من الفتيس بس الكهربا بيكون وارد امريكا واللي من غير كهربا وارد اليابان
والحمد لله غيرت الفتيس والمشكله اتحلت بس بعد ماصرفت حوالي 1000 جنية لان اللي مسقطلي الموتور كنت بجيب واغير من عندو عادي
الخلاصة الغلط اللي وقعت فية اني سقط الموتور اللي راكب عليه الفتيس الكهربا وده غلط
يبقي لما يكون في حد عاوز يسقط موتور ياخد باله من الموضوع ده ضروري
انا مسقط الموتور عند واحد في الزقازيق وده لاني شرقاوي
النهايه التجربة ناجحة جدا الحمدلله وفرق جامد لاكن خلي بالك من موضوع الفتيس
وانا تحت امر اي شخص عاوز يسقط موتور ممكن افيده ان شاء الله
رقم تليفوني 0189944888[CENTER][B]سامح البقري
المحامي[/B][/CENTER]Comment
Comment