معايا كرولا 2002 خليجي و محتاج مساعدتكم

[محمد أنور]

السلام عليكم
أنا معايا كرولا 2002 اوتوماتيك كنت جايبها معايا من الخليج سنة 2004 و طبعا من ساعة ما وصلت مصر معملتلهاش اي صيانة .. فالعربية بقلها 5 سنين زي الفل بس جت فالاخر كدة و صوت السيور بدأ يعلى والعربية نفسها صوتها علي و كهربتها ضعفت ... فالمهم كلمت مركز الصيانة فالعباسية قالولي مبنعملش صيانة للخليجي .. فهل حد يعرف مركز صيانة برة التوكيل يكون متخصص فالتويوتا ؟ و هل اتعامل معاه قبل كدة ؟
اصلي الصراحة خايف اسيبها لمكانيكي يلعبلي فيها .. فيا ريت تخدموني فالموضوع دة و شكرا

[Nile Heart]

يا مفترى!!
سايب العربيه 5 سنين من غير صيانه (ادعو الله انك تكون بتغير الزيت ع الأقل) و خايف تسيبها لميكانيكى!!

هو هايعمل فيها ايه اكتر من كده!

انت روح محطة التعاون عند المطار هما بيعملوا صيانه لآى تويوتا وغير السيور والفلاتر والزيوت كلها حالآ وبعدين نبقى نشوف

[hero]

ان شاء الله كل توكيلات السيارات هاتفتح ابواباها عما قريب لكل السيارات التابعة للماركة الممثلة لها ....وذلك بناء علي اتفاقية الجات...والكلام دة بيتناقش الوقتي في مجتمع السيارات المصري ..علشان اي سيارة خليجي يتعملها صيانة وضمان كمان....

[محمد أنور]

شكرا يا جماعة عالردود ..
هيا محطة التعاون دي بنزينة ولا مركز صيانة ولا ايه ظروفها ؟ معلش عاوز العنوان بالتفصيل و ألف شكر

[Karim_Monir]

نايل هيرت قصدة من بنزينة التعاون دي مركز خدمة صيانة عرفة جابر للتويوتا
دي مكانها جوة المطار على اليمين اول ما تدخل ناس متخصصين تويوتا وعندهم كل قطع الغيار
وليهم فرع تاني في بنزينة وطنية اللي في امتداد الاتوستراد
ناس فاهمة وقطع غيار اصلية
اوكل على الله
انا مجربهم قبل كدة

[Sharky]

نايل هيرت قصدة من بنزينة التعاون دي مركز خدمة صيانة عرفة جابر للتويوتا
دي مكانها جوة المطار على اليمين اول ما تدخل ناس متخصصين تويوتا وعندهم كل قطع الغيار
وليهم فرع تاني في بنزينة وطنية اللي في امتداد الاتوستراد
ناس فاهمة وقطع غيار اصلية
اوكل على الله
انا مجربهم قبل كدة

أنا كمان أعرفم كويس دول ناس محترمة جدا و ولو إحتاجت أى حاجة منهم أنا تحت أمرك

[محمد أنور]

متشكر يا جماعة بس انا عاوز اعرف عنوانهم و نمر التليفونات و هل لازم اخد معاد الاول ولا اروح على طول ؟ اصل لو كدة محتاج اروح بكرة قبل بعده خصوصا انها عملتها انهاردة و وقفت فالشارع
ولو فيها رخامة ممكن اعرف اعمل حسابي على كام عشان مش عاوز الراجل يطلعلي فاتورة ب 2000 جنيه و يقولي روح الخزنة ادفع .. دة انا ممكن اسيبهالهم فيها ..

[Sharky]

هو عند المطار يعنى حضرتك تاخد طريق المطار لأخره كأنك رايح المطار القديم و فى أخر الشارع حتلاقى أدامك طريق شمال للمطار القديم أو يمين حنخش إنت من الطريق اليمين و حتلاقى هناك بنزين التعاون هو المركز جوة البنزينة

دى نمرة صديق ليه مشارك فى المركز إسمه أحمد العنانى
تليفونه 0106081448

[Karim_Monir]

0100033118
نمرة مركز خدمة عرفة جابر للصيانة اللي في بنزينة وطنية

[محمد أنور]

شكرا يا جماعة عالردود و على مجهودكوا .. و ان شاء الله هروحلهم يوم من الصبح كدة و لما ارجع هحكيلكوا عملت ايه