كورولا 2010 اوتوماتيك - هل من مجيب ؟؟؟

[zinc]

اسف علي كثره الاسئله -
الاستفسارات عن كورولا اوتو 2010 جنوب افريقي ادفانسد 2 ( اللي ب 160000)
1-قرأت ان طلعتها افضل من السيفيك - يعني تسارعها افضل ؟؟؟؟
2- هل ثباتها ممتاز علي السرعات العاليه (180 مثلا) و مش هحس بالسرعه ؟
3- هل فيتيسها انعم من السيفيك ؟
4- هل يوجد وحدات رفع للزجاج ( ال 4 بيقفلوا بالريموت) ؟؟
5- الزينون موجود عالي وواطي ؟
6- الزينون قوي ام لا ؟؟
7- ما هو جهاز رفع الزينون و المصابيح ؟
8- عند تجربتي لكورولا 2003 لاحظت ان العربيه لما مشيت بيها علي حفره اترجيت (اتحركت كسائق يمين و شمال) اقصد يعني ان الركاب بيحسوا بالطريق علما بان سرعتي منخفضه - ولكن عند تجربه الجيتا , عادي العربيه و الركاب مبيحسوش
فعاوز اعرف الكورولا الجديده نظامها ايه - لان في ال test drive ملقتش حفر ولا بالوعات
و شكرا مقدما
و في انتظار مقارنتها بالسيفيك -- و التقرير بتاعها ( معلش بنتعبكوا معانا )

[kareemhisham]

انا ملاحظ ان حضرتك قلقان جامد و عملت مواضيع كتير عن الكورولا .. حضرتك لازم تعرف ان الكورولا هتريحك فى كل حاجة انت عايزها و مفيش حد ممكن يشترى عربية من تويوتا و يندم ..

من تسارع و ثبات و اداء لقطع غيار و اعادة بيع لتقفيل نظيف و جودة خامات و اوبشنز كتير ..

انا قلت فى التقييم بتاعى ان العربية بتديك كل حاجة بس مش بامتياز ..

يعنى مثلا السيفيك بتديك اداء ممتاز .. بس قطع غيارها غالية و سعر اعادة بيعها مش زاى الكورولا .. فهمتنى ؟؟

عامة انا بردو هرد على اسألتك عشان تبقى مطمن %100 و عارف انت بتشترى ايه

1-فى الفئة دى السيفيك هى الافضل فى الاداء و الثبات و تأتى بعدها الكورولا على طول

2-ثبات يخليك مطمن بس مش زاى السيفيك لان السيفيك اوطى على الارض

3-معنديش فكرة الحقيقة

4-مفيش

5-الزينون واطى بس

6-طبعا قوى واضح

7-مش فاهم

8-مركبتش جيتا قبل كدة بس مقارنتا باللانسر فهى ممتازة و مفيش رجرجة كتير


ارجو انى اكون افدتك و ربنا يوفقك فى الاختيار

[محمد محمد]

انا قلت فى التقييم بتاعى ان العربية بتديك كل حاجة بس مش بامتياز ..

عجباني اوي الجملة دي .

[kareemhisham]

عجباني اوي الجملة دي .

احنا ناس جامدين اوى بردو

[zinc]

اشكركم لردودكم القيمه --
انا عملت الموضوع ده بعد ما لاحظت ان فيه اكتر من واحد جرب الكورولا الاوتو فقلت اشوف برده وجهات نظرهم -
و تاني حاجه المشكله اللي انا بسأل عليها في اخر سؤال ( العفشه )-خاصه ان انا سمعت ان العفشه الياباني كلها كده
و برده كل شويه اكتشف ان فيه حاجه ناقصه فيها - زي وحدات رفع الزجاج
و في حاجه كمان لاحظتها في الكورولا 2003 ان فراملها بتضعف كل شويه-
ولكني بسمع ان الالماني بتفضل قويه لاخر يوم ( يعني التيل بيوقف العربيه لحد اخر حته فيه ) --
فمش عارف كل شويه تطلعلي حاجه - و خاصه اني مش هشتري قبل شهر

[kareemhisham]

من الحاجات المعروفة عن الكورولا ان عفشتها ناعمة و سهلة ..

اما موضوع الفرامل و التيل فدة ممكن يفيدك فيه ابو وليد او ابو سمرة او الاستاذ فاروق لانهم معاهم العربية بقالها فترة كبيرة ..

[zinc]

من الحاجات المعروفة عن الكورولا ان عفشتها ناعمة و سهلة ..

اما موضوع الفرامل و التيل فدة ممكن يفيدك فيه ابو وليد او ابو سمرة او الاستاذ فاروق لانهم معاهم العربية بقالها فترة كبيرة ..

اشكرك ---
معلش انا بتعبك معايا

[kareemhisham]

اشكرك ---
معلش انا بتعبك معايا

ولا تعب ولا حاجة ..

انا حاسس ان انت التعبان من الحيرة

[محمد محمد]

اشكركم لردودكم القيمه --
انا عملت الموضوع ده بعد ما لاحظت ان فيه اكتر من واحد جرب الكورولا الاوتو فقلت اشوف برده وجهات نظرهم -
و تاني حاجه المشكله اللي انا بسأل عليها في اخر سؤال ( العفشه )-خاصه ان انا سمعت ان العفشه الياباني كلها كده
و برده كل شويه اكتشف ان فيه حاجه ناقصه فيها - زي وحدات رفع الزجاج
و في حاجه كمان لاحظتها في الكورولا 2003 ان فراملها بتضعف كل شويه-
ولكني بسمع ان الالماني بتفضل قويه لاخر يوم ( يعني التيل بيوقف العربيه لحد اخر حته فيه ) --
فمش عارف كل شويه تطلعلي حاجه - و خاصه اني مش هشتري قبل شهر

الفرامل عندي في الكورولا يتديك نفس الأداء لغاية اخر حتة في التيل بشرط المحافظة علي الصيانة لأن في كل صيانة بيتم عمل رجلاش للفرامل.
الحيرة اللي حضرتك فيها سببها ان حضرتك مش محدد احتياجاتك من السيارة لأن كل الناس عايزة لما تشتري عربية يكون فيها كل حاجة هما محتاجنها (سعر معقول-قطع غيار متوفرة ورخيصة-ثبات بدرجة ممتاز-احساس بالراحة-معمرة-اي حد يعرف يصلحها-سعر اعادة بيع ممتاز-كماليات كتير-متانة-شكل حلو-خامات جيدة-تقفيل ممتاز-نعومة عفشة-فتيس بيعمل كل حاجة يبقي بتاع شد وجري ويكون في نفس الوقت ناعم-عوامل امان-مصاريف تشغيل قليلة-توكيل محترم-مناسبة للطرق بتاعتنا-موتور قوي-رفاهية وفخامة)
دول حوالي 20 حاجة من الصعب جدا ان هم يجتمعوا في عربية واحدة فحضرتك تشوف اهم الأشياء من الحاجات دى بالنسبة ليك وتحب ان هي تكون في عربيتك.

[feras_elngar]

من الحاجات المعروفة عن الكورولا ان عفشتها ناعمة و سهلة ..

اما موضوع الفرامل و التيل فدة ممكن يفيدك فيه ابو وليد او ابو سمرة او الاستاذ فاروق لانهم معاهم العربية بقالها فترة كبيرة ..

انا بستخدم الكورولا فى ظروف قاسية للغاية واقدر اقولك ان التيل عمل اللى عليه لغاية 25 الف كيلو فقط ومن بعدها قدرات الفرامل قلت جدا

[zinc]

اشكركم لتعاونكم -
انا عاوز عربيه تعيش معايا و متتعبنيش و تكون فخمه-مريحه داخل المدينه - مبيهمنيش التسارع و لكن يهمني الثبات
و في انتظار ردود مجربي الكورولا اوتو علي الموضوع الاساسي

[محمد محمد]

اشكركم لتعاونكم -
انا عاوز عربيه تعيش معايا و متتعبنيش و تكون فخمه-مريحه داخل المدينه - مبيهمنيش التسارع و لكن يهمني الثبات
و في انتظار ردود مجربي الكورولا اوتو علي الموضوع الاساسي

تعيش معاك ومعمرة موجودة في الكورولا.
متتعبكش موجودة برده.
فخمة الي حد ما وتؤدي الغرض ولكن بلا شك الألماني افخم حبتين(يعني مسألة نسبية)
مريحة داخل المدينة والسفر كمان ونوع الفتيس مش هيأثرفيها.
الثبات انا بجيب بيها 140 من غير محس.
لو قدرت تأجر العربية يومين تجربها براحتك يبقي افضلك وتزيل حيرتك.

[kareemhisham]

تعيش معاك ومعمرة موجودة في الكورولا.
متتعبكش موجودة برده.
فخمة الي حد ما وتؤدي الغرض ولكن بلا شك الألماني افخم حبتين(يعني مسألة نسبية)
مريحة داخل المدينة والسفر كمان ونوع الفتيس مش هيأثرفيها.
الثبات انا بجيب بيها 140 من غير محس.
لو قدرت تأجر العربية يومين تجربها براحتك يبقي افضلك وتزيل حيرتك.

دى فكرة ممتازة ..

اجرها يومين عشان تجرب كل حاجة و تبقى عارف قدرات العربية كويس

[KSA2011]

بص يا باشا طالما انت بتفكر فى الالمانى
توكل على الله وهات جيتا عامله 158.000 و عندك الفانتازيا 167 اول فئه فى الاوتوماتيك واشترى راحه بالك فى حاجات كتير
مع احترامى للكورولا طبعا بس والله من ملاك ليها واحد راجل كبير فى السن شوى كان جايبها و وواقف يدردش معايا بقوله ايه رايك فى العربيه و فتيسه الام ام تى ؟ هو ما يعرفش انه الفتيس الجديد وبيسوق على انه اوتوماتيك وخلاص بس هو مش مستريح ومش مرتاح للعربيه وبيقولى انه كان معاه لانسر قبلها ندم انه باعها وجاب كورولا
دى وجهات نظر طبعا بس ده واحد من الملاك حكى الكلام ده ادامى والله العظيم
يعنى مش معقول واحد دافع الفلوس دى كلها ويتكلم كده عن العربيه ؟
الثبات وحش وناس كتيره جداا اشتكت من موضوع الثبات من واحد فى التوكيل وميكانيكى اعرفه
بس مع ذلك هتفضل الكورولا من افضل العربيات الى موجوده فى مصر بس مش احسنهم

[kareemhisham]

بص يا باشا طالما انت بتفكر فى الالمانى
توكل على الله وهات جيتا عامله 158.000 و عندك الفانتازيا 167 اول فئه فى الاوتوماتيك واشترى راحه بالك فى حاجات كتير
مع احترامى للكورولا طبعا بس والله من ملاك ليها واحد راجل كبير فى السن شوى كان جايبها و وواقف يدردش معايا بقوله ايه رايك فى العربيه و فتيسه الام ام تى ؟ هو ما يعرفش انه الفتيس الجديد وبيسوق على انه اوتوماتيك وخلاص بس هو مش مستريح ومش مرتاح للعربيه وبيقولى انه كان معاه لانسر قبلها ندم انه باعها وجاب كورولا
دى وجهات نظر طبعا بس ده واحد من الملاك حكى الكلام ده ادامى والله العظيم
يعنى مش معقول واحد دافع الفلوس دى كلها ويتكلم كده عن العربيه ؟
الثبات وحش وناس كتيره جداا اشتكت من موضوع الثبات من واحد فى التوكيل وميكانيكى اعرفه
بس مع ذلك هتفضل الكورولا من افضل العربيات الى موجوده فى مصر بس مش احسنهم

ما هو دة الملاك الmmt هنا بيحاولوا يوصلوا للناس بقالهم سنتين ..

الفتيس ملوش اى دعوة بالاوتوماتيك عشان كدة بنقول ان الناس مش عارفة تسوقه ..

بس دة مش موضوعنا ..

طبعا فى ناس ممكن متستريحش مع العربية عادى .. هو موضوع الواحد عايز ايه من العربية ..

و ممكن يكون الراجل العربية مش بتديلوا الهوا محتاجه ..