زعلتوني جدا من الياريس

[sa3dawy]

استاذ سعداوي عضرتك بتدافع باستماته عن الياريس وبتحوطها في مقارنات مع عربيات اعلي منها وفئه تانيه اصلا زي الاوبترا والصني اللي هما الاتنين اثبت منها طبعا
انا معايا صيني وابن خالتي معه اوبترا وصديقي معه ياريس
ده كفايه ارتفاع الياريس عن الارض

انا مش بدافع بأستماتة ولا حاجة واللة .. انا بس مش بحب المبالغة فى تقليل ثبات الياريس و تعظيم ثبات عربية تانية زى الصنى والاوبترا
هو طبعا فى فرق فى الثبات لكن عن تجربة العربيتبن فترة طويلة الفرق يكاد يكون غير محسوس ..
انا فاهم ان الياريس sub compact والتانيين compact بس مش علشان كدا يبقوا افضل ... لو عايز حجم انا قولت هاتلك اسبيرانزا a620 واهى عريبة large family car ... بس طبعا فى فرق فى الخامات ودقة التصنيع والتاريخ بين الاوبترا مثلا والياريس ... وبين الباسات مثلا والاسبيرانزا ..
انا شايف الياريس من اعظم ما انتجتة تويوتا ... سيارة جميلة بجد فى الخفة والمرونة داخل المدينة والنعومة على الطرق المكسرة .. ومع ذلك واسعة بردو من الداخل وتصلح لعائلة متوسطة ..
على فكرة انا مش من النوع الى بينحاز لعربيتة .. انا اصلا ناوى اغير قريب

[Samir Elshahawy]

انا مش بدافع بأستماتة ولا حاجة واللة .. انا بس مش بحب المبالغة فى تقليل ثبات الياريس و تعظيم ثبات عربية تانية زى الصنى والاوبترا
هو طبعا فى فرق فى الثبات لكن عن تجربة العربيتبن فترة طويلة الفرق يكاد يكون غير محسوس ..
انا فاهم ان الياريس sub compact والتانيين compact بس مش علشان كدا يبقوا افضل ... لو عايز حجم انا قولت هاتلك اسبيرانزا a620 واهى عريبة large family car ... بس طبعا فى فرق فى الخامات ودقة التصنيع والتاريخ بين الاوبترا مثلا والياريس ... وبين الباسات مثلا والاسبيرانزا ..
انا شايف الياريس من اعظم ما انتجتة تويوتا ... سيارة جميلة بجد فى الخفة والمرونة داخل المدينة والنعومة على الطرق المكسرة .. ومع ذلك واسعة بردو من الداخل وتصلح لعائلة متوسطة ..
على فكرة انا مش من النوع الى بينحاز لعربيتة .. انا اصلا ناوى اغير قريب

و انا بأضم صوتي لصوتك
مش معني أن الياريس عالية عن الارض أنها مش ثابتة لأن ماحدش ينكر أن فيه عوامل تانية تؤثر في موضوع الثبات ده غير الارتفاع عن الارض زي (وزن العربية - نظام التعليق - ...)

و علي فكرة برضه أنا غير منحاز للياريس بل علي العكس كنت من أوائل من هاجمها في موضوع الثبات بعد ما أمتلكتها و لكن لم أقلل من شأنها في هذه النقطة بالمقارنة مع غيرها من السيارات لأن كما قلت سابقا و أقولها و أكررها موضوع الثبات ده نسبي بيختلف تقديره من واحد للتاني و علي حسب كل حالة

[Ibrahim88]

الياريس اكيد عربية كويسة لكن السعر مبالغ فيه جدا و من رأيى الابيزا و الكوردوبا يبقوا احسن للسعر دة

[Michael_Lanos]

الياريس اكيد عربية كويسة لكن السعر مبالغ فيه جدا و من رأيى الابيزا و الكوردوبا يبقوا احسن للسعر دة

ياريس عربيه تقفيل يابانى وفى حدود ال 90 ... سعرها جميل وعلوها على الارض فايدها فى شوارعنا الناعمه جدا وموتورها اليابانى الصغير تاخد منه سحب وتوفير بنزين

الكلام ده عن تجربه ليها .......

انا لو هاغير لانوس هاجيب ياريس

[john_samy]

بص يا باشا
الياريس على قد ثمنها، تقفيل يابانى سحب جميل، توفير بنزين، صاج وفيبر خفيف
ليا صديق معاه واحده وعاجباه جدا، عليا عن الارض وتناسب المشي جوه البلد، مش الجري طبعا



بس لو معاك قلوس لانسر هاتكون احسن وخصوصا فى الاستابيليتي انا بحس انها ماسكه فى الارض عن الياريس وبرده يابانى

حضرتك بتتكلم على انى لانسر بالظبط؟؟؟

[Michael_Lanos]

حضرتك بتتكلم على انى لانسر بالظبط؟؟؟

قصدي الانسر الشكل القديم .....

[Samir Elshahawy]

انا لو هاغير لانوس هاجيب ياريس

:b4_388: علشان تبقي علي درب كل اللانوسية .... بس أصبر شوية و هات كورولا

[Ahlawy1]

اللا مبورجيني

حتي اللا مبورجيني وحشة بتحك في المطيات وسعر اعادة بيعها وحش.

+1

وكمان صوت موتورها عالي قوي
وقطع غيارها غالية
ومتنفعش لاسرة