توصيلات كاسيت التويوتا

[Khalid_Mostafa]

لما وجدت ان فيه ناس كتير مهتمه زي حالاتي بالتوصيلات المختلفه لكاسيت التويوتا وبتحب تدعبس زي حالاتي برضه ..وجدت انه من المناسب تجميع معلومات توضح الأشكال المختلفة للتوصيلات للتويوتا :

راجع موضوع : http://www.nilemotors.net/Nile/78485-a.html (كاسيت التويوتا)

وموضوع : http://www.nilemotors.net/Nile/85628-a.html (طريقه فك كاسيت الياريس خطوة بخطوة)

بشكل عام يوجد نوعين رئيسين لكاسيتات التويوتا :
1- امبليفير داخلي (الأمبليفير بداخل الكاسيت نفسه)
2- امبليفير خارجي (الأمبليفير وحده مستقلة)

واعتقد ان اغلبنا عنده النوع الأول



10 طرف :

1: FR+
2: FL-
3: ACC
4: +B
5: FR-
6: FL-
7: GND
8: ANT+
9: AMP+
10: ILL+

6 طرف

1: RR+
2: RL+
3: RR-
4: (usually unused)
5: LL-
6: RL-

وده شكل الفيش للنوعين السابقين :




12 طرف
ويوجد منها شكلين :


الشكل القديم:


1 +12v out
2 mute
3 S.GND
4 L+ in
5 R+ in
6 +12V ACC
7 TXT
8 TX+
9 TX-
10 GND
11 L- in
12 R- in

الشكل الجديد:


وده شكل الفيشة :

[Khalid_Mostafa]

تابع.........

وحدة النفيجاشن :

[john_samy]

موضوع ممتاز جدا.وشكرا على المجهود الرائع
بس حضرتك مقولتلناش نجيب الوصلات دة منين

[nodey]

مجهود رائع وحياك الله

[mohd79]

أنا بابحث في نفس الموضوع من زمان لأني غير راضي عن الكاسيت وأنا حاليا شغال بالـ Tapeوفي بعض المعلومات احب اضيفها أنا عربيتي 2008 الي فيها الكاسيت الكبير:
1- الكاسيت ده نوعه Alpine تجميع مصري وبيجي من عند كلاريون (الي قالي المعلومة دي كلاريون شخصيا) ولو دورت في ورق الضمان اللي جاي مع العربية هتلائي ورقة الضمان بتاعة الكاسيت من كلاريون.
2- الكاسيت بيركب عليه Cd- changer Alpine بيقرأ mp3 وموجود في التوكيل وعند كلاريون وتمنه 700 جنيه لكن طبعا مالهوش لازمه لأنه اساسا مبكتبش انا بسمع ايه . وطبع تخيلوا حجم المأساه وهو الواحد بيدور على حاجه معينه في 6 سي دي كل واحده عليها حوالي 200 أغنيه.
3- حاولت أدور على Ipod cable أو أعمل Aux Cable ولكن ملقتش ولا واحد فيهم (نفسي أعمل واحد بس الموضوع كبير).
4- طبعا الصوت بالـ FM Transmitter وحش جدا.
5- وانا بشتري العربيه كنت متضايق ان العربيه نازله بكاسيت لأن لما اشتريت البولو من 8 سنوات كانت من غير كاسيت وأول حاجة ركبتها فيها كانت Audio CD.
5- السماعات الخلفية للياريس بيضاوي 6*9 بتشيل القديمه وتحط الجديده من غير اي قطع في العربيه بس طبعا مبتحطش ال Cover بتاع السماعة الجديده ( الي مشجعني اني أعمل الحركة دي واحد صاحبي عنده كرولا 2009 عمل نفس الموضوع والصوت اتحسن كتير فسألت على الياريس طلع بيضاوي برده).

في الآخر لو زهقت من الكاسيت ومالقتش حل هغير الكاسيت

[alisleman]

انا تعايشت مع الكاسيت الموجود هاعمل ايه بقيت اشترى شرايط مستر للمطربين الجداد ونسيت حاجة اسمها كوكتيلات وحاجة اسمها سى دى واكتشفت انه فى امكانيات حلوة لكن المشكلة اللى مقبلانى ان مش لاقى اماكن تخزين للشرايط فى العربيه

[HRH_Sameh]

موضوع رائع ومجهود ممتاز

[john_samy]

ايه خلاص مفيش حل للمشكلة دة ؟؟؟
انا كنت ناوى انزل اشترى جهاز FM Transmitter ولاقيته بى 35 جنيه.
بس مشعارف صوته حلو ولا وحش.

[mohd79]

انا كنت ناوى انزل اشترى جهاز FM Transmitter ولاقيته بى 35 جنيه.
بس مشعارف صوته حلو ولا وحش.

موضوع صوته حلو او وحش ده تقدير شخصي فيه ناس بيعجبها صوت FM Transmitter انا جربته نوعه Infinity وكمان جربت iTrip بتاع Ipod معجبنيش صوتهم

[Khalid_Mostafa]

علي فكره مش كل كاسيت التويوتا Alpin ....انا بتاعي في الياريس 2006 نوعه فوجيتسو تين وعلي فكره صوته رائع وقريباً إن شاء الله حعمل دائرة الـ AUX بس افضي شويه ولكن حجيب fm ترانسيميتر مؤقتاً لحد مافضي و اعمل الدائرة دي...وبمجرد ما اعملها و تشتغل حنزل موضوع بيها لكل الي عايز منها نسخه ...بس اصبروا عليا شويه صغيريين

[john_samy]

علي فكره مش كل كاسيت التويوتا alpin ....انا بتاعي في الياريس 2006 نوعه فوجيتسو تين وعلي فكره صوته رائع وقريباً إن شاء الله حعمل دائرة الـ aux بس افضي شويه ولكن حجيب fm ترانسيميتر مؤقتاً لحد مافضي و اعمل الدائرة دي...وبمجرد ما اعملها و تشتغل حنزل موضوع بيها لكل الي عايز منها نسخه ...بس اصبروا عليا شويه صغيريين

متشكرين جدا يا استاذ خالد على مجهودك بس يا ريت متنسناش .

[M.Mohsen_Saleh]

يا جماعة أنا اتعلمت طريقة أحسن من الترانسميتر و أوفر بكتير، مش هتكلفك أكتر من تمن كبال صوت 3.5 مم

بس انا اتعلمته على كورولا، هو طبعا كل العربيات نفس النظام بس لازم حد يتطوع يفك الكاسيت بتاعه و أنا أضمنله كفاءة الصوت و التقفيل.

بعد تركيب الوصلة ، تفتح الراديو ، و توصل الجهاز اللى يعجبك ipod أو mp3 أي حاجة، هتلاقي الراديو فصل و صوت الجهاز طلع.

أبعتلي لو مهتم بالموضوع.

[john_samy]

يا جماعة أنا اتعلمت طريقة أحسن من الترانسميتر و أوفر بكتير، مش هتكلفك أكتر من تمن كبال صوت 3.5 مم

بس انا اتعلمته على كورولا، هو طبعا كل العربيات نفس النظام بس لازم حد يتطوع يفك الكاسيت بتاعه و أنا أضمنله كفاءة الصوت و التقفيل.

بعد تركيب الوصلة ، تفتح الراديو ، و توصل الجهاز اللى يعجبك ipod أو mp3 أي حاجة، هتلاقي الراديو فصل و صوت الجهاز طلع.

أبعتلي لو مهتم بالموضوع.

يا ريت شرح تفصيلى بالخطوات والصور عشان نقدر نفهم وننفذ. شكرا

[mohd79]

أنا تقريبا لقيت حل عمل وصلة AUX للكاسيت بتاع الياريس الكبير الي في موديلات 2008 و 2009 عن طريق وصلة CD-Changer بس مش لاقي وقت خالص علشان اجربه.
أنا جبت الـ Connector 8 Pin وعندي ال Wiring بتاعها بس مش لاقي وقت خالص علشان اجربها لو حد عايز شرح وعنده وقت يجربها يقولي وانا ابعتله كل حاجه.
أنا هحاول لو فضيت النهارده اجمع الي وصلتله وابعتهلكم

[mohd79]

دلوقتي هشرح كل الي وصلت له في موضوع عمل AUX من الـ Port بتاع Cd-Changer لكاسيت الياريس الكبير لموديلات 2008 و 2009
الشرح في الموقع ده أنا عملت الموقع ده لأنه أسهل من وضع الصور في المنتدى الي يعرف يحط الشرح في المنتدى يكون أحسن:
http://mohd79....s.com
أنا ان شاء الله أول ما الاقي وقت هعمله وقول لكم النتائج ولو حد برده عمله يقول لنا النتايج لأن أنا مقتنع جدا بالكاسيت ده وصوته حلو خصوصا بعد ما غيرت السماعات الي ورا.