استشارة في كورولا 2005- 2007 1300 سي سي اتوماتيك

[أبو_يوسف]

السلام عليكم ورحمة الله وبركاته..
عندي سيارة سيراتو 2006 مانيوال
ارغب في الانتقال الى سيارة اتوماتيك طمعا في قيادة مريحة
ولذلك اود معرفة رأيكم في كورلا 2005-2007 اتوماتيك 1300 سي سي
علما بأني لست من هواة القيادة السريعة والعنيفة .. انما اريد القيادة المريحة..
هل السيارة مناسبة لانها تكون اتوماتيك وهي 1300 سي سي؟ ورأيكم ايه في عفشتها..(اهم حاجة)
والسؤال الاخير هل التغيير يستاهل يعني هاحس بفرق بين السيراتو والكورولا؟

[mr_sameh]

الكورولا عربية ممتازة ومحدش يقدر يقول عليها حاجة وانا من رئيي افضل من السيراتو واتوكل علي الله

[bmya]

هتحس بفرق كبير اكيد لصالح السيراتو من ناحيه الااء
ولا لان السيراتو 1600 سي سس والكرولا 1300 سي سي
ثانيا وااهم السياتو مانوال والكورولا اتوماتيك فكيد فرق كبير في السارع و التحميل والتكييف لكن لو حضرتك مش فار معاك التسارع يبقي اليتويوتا اعتقد انع واريح من الداخل مع اني ش بح كلها من بره وعلي فكره الكورولا عفشتها ممتازه

[mazika838]

كرولا بلا منافسة يا باشا وتوكل علي الله وربنا يكفيك شرها

[Ahmed.TV]

توكل على الله وهات التويوتا عربية ممتازة مع انها 1300 سى سى بس ادائهاممتاز وموفرة فى الستهلاك البنزين

[أبو_يوسف]

أشكركم جميعا على النصيحة..
فعلا الفكرة بتراودني جامد .. وكلامكم مطمئن والحمدلله..
بس مازلت في مرحلة الاستخارة والتفكير
وجزاكم الله خيرا..

[أبو_يوسف]

يا جماعة الخير
هوا في فرق في العفشة بين 1300 و 1600

[bmya]

في التويوتا ولا ايه ؟

[أبو_يوسف]

في التويوتا ولا ايه ؟

ايوة يا فندم في الكورلا..
معذرة اني محددتش

[bmya]

علي حسب ما اعرف ان الكورولا ال1600 مختلفه عن ال1300 حتي من الداخل 1300 مفيش عداد للrpm أل1600 فيها وكمان بيبقي تقريبا فيها 2 ايرباجز مش وحده وفي الكامله منها ال1600 بيبقي فيها فرامل abs +فتحه سقف وجنوط اسبور وتقريبا عفشه رياضيه
لكن ال1300 عفشه عاديه ونعمه وطريه وكلها حنيه هههههههههه

[أبو_يوسف]

أشكرك جدا على المعلومات اللينة والمريحة دي

[bmya]

هههههههههههههه اي خدمه ياباشا

[magooda]

ممكن يا شباب حد يقولي محرك التويوتا كورولا 1300 موديل 2005-2007 كام حصان بالظبط

[magooda]

عاوز أعرف قدرة محركات اللانسر 2005-2006 1300،1600 كام حصان برضه علشان المقارنة بين وبين التويوتا تبقي عادلة

[memo823000]

بص ياباشا انا كان معايا كرولا 1300 مانيوال 2007 وكان مع ابويه بردو نفس العربيه ونفس الموديل والموتور شوف والعربيتين توكيل كان سعرهم 97 الف زيرو
لاكن كانت بتاعتى تقفيل جنوب افريقى وبتعاعت ابويه يابانى - مشقادر اقولك ان الفرق بين الاثنين السماء عن الارض - انا بس هكلمك هن عربيت ابويه

العفشه رائعه وماسكه نفسها مع المطبات والسحب طلقه بمعنى الكلمه مع انها 1300 والتكييف ولا بتفرق والله
تيجى بقى للدريكسيون - بور كهرباء - تحفه تحفه تحفه ناعم جدا جدا جدا ولما بتسرع بيظبط معاك اتوماتيك - 2 ايرباج - والفرامل رائعه - بس تلاقيها فين دى

طبعا بقولك هات الكرولا 1300 اتوماتيك ايا كانت - 2005 او 2006 او 2007 بس يكون الاستعمال نطيف مشمتبهدله عشان متقرفكش - وياحطك لو طلعت تقفيل يابانى - ممكن تعرف من الشهاده بتاعتها
شهادة الاستيراد - مشعارف بقى - او تستشير التوكيل او حد تثق فيه
لاكن لو جنوب افريقى بصراحه زباله قوى - كانك والله راكب كورى