حادثة الياريس والايرباج

[Ahmed.Ali]

طب حضرتك الخاصية بتاعة تعطيل الايرباج دى موجودة فى عربيات زى ايه ؟؟؟؟؟؟

و هل فيات لينيا فيها الخاصية دى ........ او التويوتا كورولا

ارجو الافادة للاهمية

موجوده في اللينيا و غاليا في الكرولا بس للراكب الامامي يعني مستحيل تقفل الوسادات الهاوئيه الخاصه بالسائق

يا جماعه انتو خايفين علي الفلوس اكتر من نفسكم ليه!!!!
دي الناس بره بتركب عربيات بـ6 ايرباج احنا خايفين من 2

انا لما بقول لحد اني اخترت الجين2 عشان فيها 2 ايرباج بتريق عليا انا هعرف اعوض 100 الف جنيه بس هعوض نفسي و الراكب جنبي بكااااااام؟

[medo_2060]

بصراحه الايرباج دا اد ما هو امان بس خراب بيوت والله بقى مخدتين ب 20 الف جنيه دا تمن عربيه حرام والله انا اعرف اصحابى قافلين الايرباجز اصلا عشان الاسعار الخياليه دى

والف حمد لله على سلامتك

[medo_2060]

موجوده في اللينيا و غاليا في الكرولا بس للراكب الامامي يعني مستحيل تقفل الوسادات الهاوئيه الخاصه بالسائق

يا جماعه انتو خايفين علي الفلوس اكتر من نفسكم ليه!!!!
دي الناس بره بتركب عربيات بـ6 ايرباج احنا خايفين من 2

انا لما بقول لحد اني اخترت الجين2 عشان فيها 2 ايرباج بتريق عليا انا هعرف اعوض 100 الف جنيه بس هعوض نفسي و الراكب جنبي بكااااااام؟

حضرتك موضوع السلامه دا بيد الله فقط والى مكتوبله حاجه هيشوفها وياما شوفنا عربيات فسكانه مدشدشه من الحوادث واصحابها عايشين وعربيات احدث وسائل الامان وربنا ما ارداش زى العربيه slr بتاعت واحد من العائله المالكه فى قطر واتوفى بعد الحادث علطول

الى مكتوبله حاجه هيشوفها وربنا يستر علينا جميعا

[mr_sameh]

اولا ده رأي حضرتك ومع احترامي لحضرتك
الحزام والايرباج منظومه وحده حزام لوحده مش كفايه في الحوادث الكبيره والايرباج لوحده من غير حزام مينفعش اصلا وعشان كده معظم العربيات الحديثه الايرباج فيها مبتفتحش الا لورابط الحزام عشان الايرباج ممكن تؤدي للاصابه وللقدر الله للوفاه لو مش رابط الحزام
تاني حاجه سيادتك الايرباج دي مش هتنقذك من الموت لان دي اعمار واقدار ومحدش هيهرب من قدره بس دي بتبقي اسباب
بالاضافه اللي ان الايرباج مفديه ودي مش محتاجه كلام لمن متمشيش 160 وتخبط في عامود نور وتقولي مهي فيها ايرباج ازاي يحصلي حاجه يعني ومال الايرباج لزمتها ايه لان الايرباج تقدر تحميك بس مش في كل الاحوال لكن علي الاقل بتخف نتيجه الحادث
ثالثا حضرتك بتقول ان يام العالم اهتم بحاجات كتيير وطلعت فاشله
طيب معلش يعني هي لو الايرباجز فاشله وهي موجوده من الثمنينات ازاي لسه بتنزل لحد 2010 ؟!!!!
ياريت بس الكلام يبقي موضوعي وفيه اقناع

اولا انا في البداية قولت دا راي ومازلت اصر علية
ثانيا اعتقد ان في ناس متفقة معايا
ثالثا بصراحة اول مرة اعرف ان الايرباج موجودة من الثمانيات
رابعا هاتيلي واقعة واحدة الايرباج انقذ سائق
خامسا في كتير الايرباج سبب مشاكل لاصحابة وعلي سبيل المثال انا ليا صديق عند نيسان صني خبط في رصيف جانبي والايرباج فتح مشافش قدامة وكانت النتيجة انو دخل في عربية وفي كتير من كدة
سادسا انا كلامي منطقي لاكن مش شرط يكون مقنع لحضرتك

[Ahmed.Ali]

حضرتك موضوع السلامه دا بيد الله فقط والى مكتوبله حاجه هيشوفها وياما شوفنا عربيات فسكانه مدشدشه من الحوادث واصحابها عايشين وعربيات احدث وسائل الامان وربنا ما ارداش زى العربيه slr بتاعت واحد من العائله المالكه فى قطر واتوفى بعد الحادث علطول

الى مكتوبله حاجه هيشوفها وربنا يستر علينا جميعا

مش الواحد المفروض ياخد بالاسباب منا ممكن اموت وانا في بيتي قضاء ربنا محدش يقدر يحكمه غير الله سبحانه و تعالي

انما مقفلش حاجه ممكن تنجيني انا شوفت في المنتدي خادثتين علي الاقل الايرباج انقذ اصحاب العربيات و ده طبعا بمشيئه الله

واحد معاه ميجان و لما طلع سليم من الحادثه و العربيه توتال لوس و هو مش عامل تأمين برضه كان مبسوط انه لسه عايش

الثانيه كانت كرولا و الي وصف الموضوع كان شاهد شاف الحادثه وقال لولا الايرباج كان السواق راح

الخلاصه اراده ربنا لا يمكن التحكم فيها لاكننا لازم ناخد بالاسباب

[abohalmos]

موجوده في اللينيا و غاليا في الكرولا بس للراكب الامامي يعني مستحيل تقفل الوسادات الهاوئيه الخاصه بالسائق

يا جماعه انتو خايفين علي الفلوس اكتر من نفسكم ليه!!!!
دي الناس بره بتركب عربيات بـ6 ايرباج احنا خايفين من 2

انا لما بقول لحد اني اخترت الجين2 عشان فيها 2 ايرباج بتريق عليا انا هعرف اعوض 100 الف جنيه بس هعوض نفسي و الراكب جنبي بكااااااام؟

ازيك يا باشا

انا وجه اعتراضى مش وجود الايرباج بالعكس انا عارف انها مهمة جدا جدا و لا تنازل عنها و كمان دى معيار انك تختار عربية عن التانية ........

وجه اعتراضى :

1- ثمن اصلاح الايرباج الباهظ للغاية فى الياريس 25 الف جنيه ..... بصراحة رقم مفزع و معرفشى باقى العربيات كام ..... طب لو الحادثة جامدة و على سرعة كبيرة و مسألة حياة او موت يبقى حاجة بسيطة جدا ...... انما لما اكون ماشى فى وسط البلد و على 50 كم و تتخبط العربية اللى هيا لسة جديدة .... اللى ممكن اكون لسة بادفع فى اقساطها ...... اللى ممكن كمان مش مأمن عليها ....... و الاقى نفسى عاوز 25 الف جنيه للاصلاح الايرباج بس..... بصراحة حاجة تحزن اوى ....
2- حضرتك او انا بعد الشر علينا جميعا ان شاء الله لو كنا مكان الراجل صاحب الحادثة ده ..... كونت هاتقوله المهم سلامتك ...... مش مهم الفلوس ...... طب هوا ايه الخطر اللى كان ممكن يحصله و هوا سايق على 50 كم وعمل حادثة اساسا .... و كمان رابط الحزام ... لو مكانشى فيه ايرباج .....
3- الايرباج بالتكلفة دى و بالطريقة دى فى التشغيل لايخدم و لا يؤمن الا اصحاب التوكيلات فقط ........ لانه تقريبا مفيش يوم بيعدى من غير ايرباج فتح غلط .... و صاحبه جايب معاه 25 الف لحلوح عشان يصلح الايرباج ..... و كد ده ايراد مضمون مية مية ...... صح ؟؟؟؟؟؟
4- لو كان صاحب العربية مش مأمن عليها و جايبها قسط ....... و لا مش معاه يعمل ايه ؟؟؟؟ يجيب فلوس ايرباج و فلوس تصليح العربية اللى كمان هاتعدى فى حالة الياريس 10 بوكى كمان .... يعنى فى حادثة اساسا بسيطة على 50 كم ...... الواحد يلاقى نفسه مطلوب منه 35 الف جنيه ...... يعنى دى سهلة انه يدبر المبلغ ده ؟؟؟؟؟؟؟؟؟
5- اعتراضنا اساسا على توكيلات جشعة و لا يملئ عيون و لا افواه اصحابها الا التراب ان شاء الله ...... و كأن اللى يجيب عربية ده .....لا ياكل و لا يشرب و كل اللى يكسبه حلال عليهم ........ و لا اموالنا و شقانا غنيمة ليهم ....... ياكلوا منها زى ماهما عاوزين

[bmya]

اولا انا في البداية قولت دا راي ومازلت اصر علية
ثانيا اعتقد ان في ناس متفقة معايا
ثالثا بصراحة اول مرة اعرف ان الايرباج موجودة من الثمانيات
رابعا هاتيلي واقعة واحدة الايرباج انقذ سائق
خامسا في كتير الايرباج سبب مشاكل لاصحابة وعلي سبيل المثال انا ليا صديق عند نيسان صني خبط في رصيف جانبي والايرباج فتح مشافش قدامة وكانت النتيجة انو دخل في عربية وفي كتير من كدة
سادسا انا كلامي منطقي لاكن مش شرط يكون مقنع لحضرتك

بصراحه انا مش عارف حضرتك بتجادل في ايه
ازاي يعني الايرباجز ملهاش لازمه
بص حضرتك بغض النظر عن ان التوكيلات هنا حراميه وبيسرقونا لكن الايرباجز مهمه وضوريه وانا مقولتش انها هتنقذك من الموت انا قلت بتخفف الصدمه
حضرتك شوف حد عمل حادثه وكان رابط الحزام واليرباج فتحت وتخيلها لو مفيش ايرباج وهو لزق بنفسه في الدركسيون ولا رشق في الزجاج وانت تعرف الايرباجز ليها لازمه ولا لاءه
يعني بالمنطق كده هي لو لهاش لازم ليه بيحوطها في العربيات اللي بيعملوا عليها اختبارات امااااان
لو هي فشله من الثمانيات ليه بتنزل في العربيات لحد الان
لو هي فاشله هينلوها في المرسيدس والBMW والعربيات الجمده ليييييييييييه
انا معاك انها هنا في مصر فعلا سعرها مباااااالغ فيه وفعلن ميشجعش ان الواحد يصلحها بس ده مش زنب الايرباجز ومش معني انهم بيسرقونا هنا في مصر تبقي هي ملهاش لازمه
انا ابن خالتي عمل حادثه باوبل فيكترا ومكنش شادد الحزام ولا هو ولا اللي جمبه ورشق في الدركسيون بصدره وضلوعه اتكسرت واللي جمبه مات ؟!!
بالنسبه لصحبك اللي خبط في عربيه بسبب الايرباج افرض لو مفيش ايرباج مش كان ممكن يخبط هو نفسه في الدركسيون ويتبهدل هو بدل العربيه للاسف هنا في مصر الواحد بيبص للعربيه والبهدله اللي فيها علي اساس انها اهم من البشر ومن سلامته
وانا بقول للمره المليووووووووووون الايرباج مش هتنجيك من الموووووووت لو مكتوبلك انك تموت
لكن لو مكتوبلك تعيش ربنا هيحعل الايرباج سبب في انها تخفف عنك الحادث لا قدر الله

[pro_samir]

حمد الله علي السلامة وأهم حاجة انك بخير

التوكيل دة منهم لله فى الأستغلال اللى بيستغلوة فى الناس ولو غيرت التابلوة بواحد استيراد فية ايرباج أكيد هيكون أفضل لكن مهم تتأكد من باقي مكوناتة زي السينسور المسؤل عن الفتح وكدة

ومفيش شك طبعا من أهمية الأيرباج ، يمكن مكانش مفيد بالنسبالك علي سرعة 50 لكن لا قدر الله لو سرعة أكبر من كدة أكيد هيفرق ربنا يكفينا جميعا شر الحوجة ليها (علي الأقل خالص الواحد ياخد بالأسباب .. أعقلها وتوكل)

بخصوص مفتاح فصل الأيرباج دة أول مرة اسمع عنة ، بس لو مش عايز الأيرباج يفتح فى وسط البلد ممكن متلبسش الحزام وخلاص هههههه ، ولا اعملة اتنين مشبك واحد لوسط البلد و الأصلي للسفر هههه

[m_o_sakr]

السلام عليكم ورحمة الله وبركاته

الف سلامه عليك و علعربيه و منهم لله توكيل العربيه لما عربيه بحالها بمتورها و كمالياتها و جماركها بـ 90000 جنيه إزاى الإيرباجز لوحدها حتى لو كانت تابلوه كامل بـ 25000 جنيه, د نصب و سرقه عينى عينك!!!!
حسبنا الله و نعم الوكيل
بس حبيت اوضح نقطه بخصوص التأمين: معظم إن لم يكن كل شركات التأمين لا تؤمن على الإيرباجز (فى بند فى العقد خاص بإثتثناء الإيرباجز من تعويضات التمين)

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[tamagogo]

انا وجه اعتراضى مش وجود الايرباج بالعكس انا عارف انها مهمة جدا جدا و لا تنازل عنها و كمان دى معيار انك تختار عربية عن التانية ........

وجه اعتراضى :

1- ثمن اصلاح الايرباج الباهظ للغاية فى الياريس 25 الف جنيه ..... بصراحة رقم مفزع و معرفشى باقى العربيات كام ..... طب لو الحادثة جامدة و على سرعة كبيرة و مسألة حياة او موت يبقى حاجة بسيطة جدا ...... انما لما اكون ماشى فى وسط البلد و على 50 كم و تتخبط العربية اللى هيا لسة جديدة .... اللى ممكن اكون لسة بادفع فى اقساطها ...... اللى ممكن كمان مش مأمن عليها ....... و الاقى نفسى عاوز 25 الف جنيه للاصلاح الايرباج بس..... بصراحة حاجة تحزن اوى ....
2- حضرتك او انا بعد الشر علينا جميعا ان شاء الله لو كنا مكان الراجل صاحب الحادثة ده ..... كونت هاتقوله المهم سلامتك ...... مش مهم الفلوس ...... طب هوا ايه الخطر اللى كان ممكن يحصله و هوا سايق على 50 كم وعمل حادثة اساسا .... و كمان رابط الحزام ... لو مكانشى فيه ايرباج .....
3- الايرباج بالتكلفة دى و بالطريقة دى فى التشغيل لايخدم و لا يؤمن الا اصحاب التوكيلات فقط ........ لانه تقريبا مفيش يوم بيعدى من غير ايرباج فتح غلط .... و صاحبه جايب معاه 25 الف لحلوح عشان يصلح الايرباج ..... و كد ده ايراد مضمون مية مية ...... صح ؟؟؟؟؟؟
4- لو كان صاحب العربية مش مأمن عليها و جايبها قسط ....... و لا مش معاه يعمل ايه ؟؟؟؟ يجيب فلوس ايرباج و فلوس تصليح العربية اللى كمان هاتعدى فى حالة الياريس 10 بوكى كمان .... يعنى فى حادثة اساسا بسيطة على 50 كم ...... الواحد يلاقى نفسه مطلوب منه 35 الف جنيه ...... يعنى دى سهلة انه يدبر المبلغ ده ؟؟؟؟؟؟؟؟؟
5- اعتراضنا اساسا على توكيلات جشعة و لا يملئ عيون و لا افواه اصحابها الا التراب ان شاء الله ...... و كأن اللى يجيب عربية ده .....لا ياكل و لا يشرب و كل اللى يكسبه حلال عليهم ........ و لا اموالنا و شقانا غنيمة ليهم ....... ياكلوا منها زى ماهما عاوزين

أنا متفق مع كلام حضرتك جدا كانك خدته من على طرف لساني, انا اللى عملت الحادثه وشايف انه ماكانش ليه لازمه نهائياطلوع الايرباج في الخبطه ديه. حتى بتاع التوكيل بيقولي ان تكاليف السمكره بسيطه لكن الايرباج هو اللى هيفحت الدنيا.

نفترض ان الايرباج مهم لكن اعتقد اهميته لا تزيد على 5% من امية حزام الامان فحرام عشان 5% زياده امان ارمي العربيه لما اعمل حادثه على سرعة 4 او 50.
وكماله على كلام حضرتك انا شايف ان فيه حاجتين لازم يحصلوا.

1- الايرباج لازم يتم اعادة استخدامها. يعني يكون تصميمها قابل لاعادة التشغيل بدون تغيير. بمعنى اخر ممكن الحته اللى بتتقطع في التابلوه والتاره تكون بتتفتح وتتقفل تاني بدون تغيير.
ممكن الكمبيوتر بتاع الايرباج يعاد استخدامه ما يترميش. احزمة الامان تتلم تاني.
ممكن مثلا اللى يتغير البلونه اللى بتتنفخ والسينسورز اللى بتتخبط في الاكصدام. لكن باقي المكونات ممكن تستخدم تاني.

انا شايف ان فكر التسويق والتخطيط بتاع شركات العربيات قاصدين كده انك ترمي العربيه لو اتخبطت , وفي نفس الوقت ماتقدرش تتكلم وتقول ان العربيه ورق. يقول انا بعمل عشان سلامتك ومش مهم الفلوس لكن في نفس الوقت هو يقدر يحافظ على سلامتك وفلوسك.

[mohamedway]

انا من راي ان الايرباج ملوش لازمة ودي اشتغالات شركات ومن راي ات الحزام اهم من الايرباج وعلي فكرة الايرباج موجود من فترة وكل نتايجة سيئة وياما ناس عربياتهم عملت حوادث وتوافو واليرباج معملش حاجة وحالات كتير جدا الايرباج فتح في صدامات بسيطة وسبب مشاكل للسائقين انا عارف ان كلامي مش هيعجب ناس كتير ويقولو ازاي العالم كلة بيهتم بالايرباج ردي ان ياما العالم اهتم بحاجات كتير وبعد كدة اكتشف ان الحاجة دي كانت فاشلة وطور فيها والامثلة كتير

اتفق بشدة مع هذا الكلام

[abohalmos]

أنا متفق مع كلام حضرتك جدا كانك خدته من على طرف لساني, انا اللى عملت الحادثه وشايف انه ماكانش ليه لازمه نهائياطلوع الايرباج في الخبطه ديه. حتى بتاع التوكيل بيقولي ان تكاليف السمكره بسيطه لكن الايرباج هو اللى هيفحت الدنيا.

نفترض ان الايرباج مهم لكن اعتقد اهميته لا تزيد على 5% من امية حزام الامان فحرام عشان 5% زياده امان ارمي العربيه لما اعمل حادثه على سرعة 4 او 50.
وكماله على كلام حضرتك انا شايف ان فيه حاجتين لازم يحصلوا.

1- الايرباج لازم يتم اعادة استخدامها. يعني يكون تصميمها قابل لاعادة التشغيل بدون تغيير. بمعنى اخر ممكن الحته اللى بتتقطع في التابلوه والتاره تكون بتتفتح وتتقفل تاني بدون تغيير.
ممكن الكمبيوتر بتاع الايرباج يعاد استخدامه ما يترميش. احزمة الامان تتلم تاني.
ممكن مثلا اللى يتغير البلونه اللى بتتنفخ والسينسورز اللى بتتخبط في الاكصدام. لكن باقي المكونات ممكن تستخدم تاني.

انا شايف ان فكر التسويق والتخطيط بتاع شركات العربيات قاصدين كده انك ترمي العربيه لو اتخبطت , وفي نفس الوقت ماتقدرش تتكلم وتقول ان العربيه ورق. يقول انا بعمل عشان سلامتك ومش مهم الفلوس لكن في نفس الوقت هو يقدر يحافظ على سلامتك وفلوسك.

انا متشكر لكلام حضرتك اوى و تقريبا انا كل اللى قولته من احساسى بالازمة اللى انت فيها

ربنا يكون فى عونك ان شاء الله

و يكفينى رد حضرتك ده

على فكرة انا عملت مشاركة على الموضوع ده فى قسم الفيات عن اللينيا عشان انا معجب بيها و فى ناس اتريقت عليا بس ردك و الله حسسنى انى عملت قولت حاجة مفيدة

ربنا معاك

[bmya]

يا جماعه كلنا دلوقتي متفقين علي حاجه وحده
ان السعر المبالغ فيه في تصليح الايرباجز هو المشكله وده السبب في ان الناس بتكره الايرباج يعني ده بسبب التوكيلات مش لان الايرباجز ملهاش لازم هو صح هي ملهاش لازمه لو حوادث بسيطه اوي زي بتاعت اخونا صاحب الموضوع لكن لو حادثه جمده بتفرق والله مش محتاجه جدال
واعتقد ان الايرباجز دي لو تكلفتها رخيصه مكنش حد من اللي هنا اعترض وقال انها ملهاش لازمه
يبقي الخلاصه الايرباجز ضروري جداااا لكن بسبب طمع التوكيلات في تكلفه اصلاحها وجشعه في انه يشيل الزرار اللي بيفصل منه الايرباجز والسنسور اللي بيكون في الكرسي عشان يحس اذا كان فيه حد قاعد علي الكرسي بجانب السائق يفتح الايرباجز لو مفيش حد ميفتحش علي الفاضي
علي فكره الزرار والسنسور ده موجود عندي في السييون بس بره وطبعا هما شالينه كالعاده زي حاجات كتير اوي
يبقي العيب في التوكيلات مش في ان الايرباجز ملهاش لازمه

[hani945]

المشكلة فى التوكيلات

الإيرباج ده عنصر أمان فى العربية ،إزاى مالوش لازمة ، العربيات التانية فى 6 إيرباج وفيه عربيات تانيه برضه فيها 10 إيرباج


التوكيلات هى اللى غالية نار

[medo_2060]

مش الواحد المفروض ياخد بالاسباب منا ممكن اموت وانا في بيتي قضاء ربنا محدش يقدر يحكمه غير الله سبحانه و تعالي

انما مقفلش حاجه ممكن تنجيني انا شوفت في المنتدي خادثتين علي الاقل الايرباج انقذ اصحاب العربيات و ده طبعا بمشيئه الله

واحد معاه ميجان و لما طلع سليم من الحادثه و العربيه توتال لوس و هو مش عامل تأمين برضه كان مبسوط انه لسه عايش

الثانيه كانت كرولا و الي وصف الموضوع كان شاهد شاف الحادثه وقال لولا الايرباج كان السواق راح

الخلاصه اراده ربنا لا يمكن التحكم فيها لاكننا لازم ناخد بالاسباب

انا معاك ومحدش قال ان الايرباج مش مهمه بس كلامى دا موجه للناس الى فاكره الايرباج دا زى كرسى الطائره الحربيه لو فى حادثه هيحدفك بره طبعا لازم نعمل الى علينا بس برضه دا استغلال من التوكيل مش حرام لما تدفع تلت تمن العربيه عشان تصلح ايرباج والعربيه كانت ماشيه 50