شباب بخصوص توصيل عداد الياريس: رجا الاهتمام

[HRH_Sameh]

الحمد لله استلمنا الياريس 2008 من يومين
العدادات شغالة ما عدا عداد السرعة وعداد الكيلومتر
و 4 لماب مش بتطفي: الباور P/s وفرامل اليد والـ ABS والموتور
لما استلمناها كان طبعا الـ RPM شغال فمخدتش بالي ان السرعة مش شغالة فمشيت
ولما اتصلت بالشركة قاللي روح لأي كهربائي هايوصلك الفيشة (او فيوز)
المهم رحت لـ 2 كهربائيا وماعرفوش يوصلوها (قالو انها متوصله!) وقالو تروح التوكيل!!
السؤال هي ايه الطريقة بالظبط لتوصيل الكلام ده
وهل ده عادي والا فيه مشكلة

رجاء الاهتمام يا عشاق واصحاب الياريس

============================

نرجوا من العضو الكريم عدم الكتابة باللون الأحمر لأنه مخصص للأدارة فقط ومنبه على ذلك في قواعد وتعليمات المنتدى
الإدارة

[hazem_khidr]

المعارض بتعمل كده علشان يمشو بالعربيه و بعدين يبعوها عادي علشان الزبون ما يتكلمش و يقول دي عامله 100 كيلو ولا 200 كيلو و يوجع في دماغهم.
نصيحه ما تلعبش فيها عند اي حد بره و تروح للمعرض اللي اشترتها منه و اتكلم معاهم باسلوب جاف و خليهم يعملوها

[tarekkasaby]

المعارض بتعمل كده علشان يمشو بالعربيه و بعدين يبعوها عادي علشان الزبون ما يتكلمش و يقول دي عامله 100 كيلو ولا 200 كيلو و يوجع في دماغهم.
نصيحه ما تلعبش فيها عند اي حد بره و تروح للمعرض اللي اشترتها منه و اتكلم معاهم باسلوب جاف و خليهم يعملوها

+1000000
انا برده كان معايا الوضع كده و حاول ماتروحش التوكيل علشان ما يستهبلوش فى موضوع الضمان ارجع للمعرض زى ما انا عملت و ماتمشيش غير لما يوصلوهالك

[HRH_Sameh]

شكرا على الاهتمام يا شباب
دلوقت انا اشتريت العربية من القاهرة وانا ابعد عنها حوالي 150 كم !!!

هل ممكن كهربائي شاطر يعرفها
طيب هي مكانها فين وبتتعمل ازاي؟ واوصلها انا طيب

[معاذ الشرباصى]

شكرا على الاهتمام يا شباب
دلوقت انا اشتريت العربية من القاهرة وانا ابعد عنها حوالي 150 كم !!!

هل ممكن كهربائي شاطر يعرفها
طيب هي مكانها فين وبتتعمل ازاي؟ واوصلها انا طيب

المفروض بتستلم مع العربية ورقة بيبقى موضح فيها مكان الفيوز اللى المفروض تركبه لما تستلم العربية, و انا كنت كتبت لحضرتك انك لازم تاخد بالك من الموضوع ده مع الاستلام فى الموضوع السابق

[HRH_Sameh]

كلامك مظبوط يا معاذ
بس انا وقت الاستلام راجعت على حاجات كتير بس نسيت موضوع الفيوز ده !!

طيب ممكن تقوللي مكانه بالظبط

[tarekkasaby]

مش لازم يكون فيوز ممكن يكون زى ماحصل معايا فى كلبس كده بيركب فى العربيه وبيختلف مكانه من عربيه لاخرى روح لكهربائى شاطر او يكون اشتغل فى تويوتا بس اوعى يلعب فى حاجه اساله الاول عارف مكان الكليبس و لا لأ

[HRH_Sameh]

شكرا ليك على الاهتمام

[معاذ الشرباصى]

مش لازم يكون فيوز ممكن يكون زى ماحصل معايا فى كلبس كده بيركب فى العربيه وبيختلف مكانه من عربيه لاخرى روح لكهربائى شاطر او يكون اشتغل فى تويوتا بس اوعى يلعب فى حاجه اساله الاول عارف مكان الكليبس و لا لأ

لأ هو فيوز, انا شفت الكهربائى بتاع المعرض بيركبه لما كنا بنستلم عربية ابن خالتى

[اسلام المصرى]

ألف مبروك يا أخ prsameh ربنا يباركلكم فيها و يديكم خيرها و يبعد عنكم شرها. ان شاء الله مشكلة العدادات تتحل بسرعة , للأسف مش هاقدر أساعدك فى حل المشكلة ديه علشان ماعنديش خلفية عنها و أول مرة أسمع عنها الصراحة فعلا بلد العجايب حد يعمل كده فى عربية زيرو! !

[HRH_Sameh]

لأ هو فيوز, انا شفت الكهربائى بتاع المعرض بيركبه لما كنا بنستلم عربية ابن خالتى

شكرا يا معاذ على الاهتمام
طيب الفيوز ده في الكابوت والا تحت الدريكسيون؟؟؟ :roll:

وشكرا يا اسلام

[معاذ الشرباصى]

الفيوز فى الكابوت تقريبا

[HRH_Sameh]

شكرا يا معاذ على الاهتمام
بإذن الله هاروح لكهربائي ويراجع على كل الفيوزات

[aber mohamed]

عندما استلمت السيارة لقتها ماشية 10 كيلو قلت للشخص اللى كان سايقها طيب ازاى دة انت جاى سايقها اكثر من 50 كم قالى أصل الشركة بتنزلها كدة و قام فاتح الكابوت و موصل فيوز فى لحظة كل شىء بقى تمام هى دى فقاقة المصريين بس بصراحة أنا الى الان مش عارف مكانة بس اللى عارفة كويس اننا أكيد فى مصر

[zozza]

هو فعلا كليبس (فيشه) كده بيفوكوها عشان يمشوا بيها من غير العداد بتاع الكيلو متر و الموضوع ده مش فيز

افتح ااكبوت في حته منوره جدا او الصبح في الشمس و دور في يمين الموتور بس تحت شويه لحد ما تلاقي فيشه مش متركبه ركبها بايدك عادي و هتلاقي كل شئ تمام انشاء الله بس مش عارف دي لسها علاقه بلمبة لا ABS و الباور ولا لأ ... اللي بقولك عليه ده هيشغل عداد السرعه و عداد الكيلو متر انشاء الله