استهلاك البنزين لكرولا 1600 خليجي

[ahmed_elmasri91]

السلام عليكم ورحمة الله وبركاته
انا لسه شاري من اسبوعين تقريبا كرولا 2008 خليجي العربيه بحالتها جايبها مستعمله
الغريب واللي انا متفاجيئ بيه ان العربيه بتاكل بنزين كانها اكتر من 200cc يعني الصفيحه 20لتر مش بتكمل معايا 120كم مش عارف المشكله في ايه ولا هو دا الطبيعي بتاع العربيه دي مع العلم ان اغلب ال1600 استهلاكه اقل من كده بكتير والعربيه منيوال .
رجاء اللي عندو معلومه او حل لمشكلتي دي يفيدني
لوفضلت معايا بالطريقه دي انا هرجع اركب مواصلات احسن

[yahiahelaly]

فعلا الاستهلاك عالي اوي بيتهيئلي راجع على الرشاشات ممكن تكون عايزة تتنضف او تتغير وممكن تكون بتحط بنزين من بنزينة بتغشة دة لو حاله الموتور حلوة

[limo]

انا سامع فعلا ان الكورولا الشكل الجديد اليابانى استهلاكها اعلى من القديمه بس مش للدرجه ده يعنى الاستهلاك جوه البلد من 180 الى 210 كم فى 20لتر

[محمد محمد]

السلام عليكم ورحمة الله وبركاته
انا لسه شاري من اسبوعين تقريبا كرولا 2008 خليجي العربيه بحالتها جايبها مستعمله
الغريب واللي انا متفاجيئ بيه ان العربيه بتاكل بنزين كانها اكتر من 200cc يعني الصفيحه 20لتر مش بتكمل معايا 120كم مش عارف المشكله في ايه ولا هو دا الطبيعي بتاع العربيه دي مع العلم ان اغلب ال1600 استهلاكه اقل من كده بكتير والعربيه منيوال .
رجاء اللي عندو معلومه او حل لمشكلتي دي يفيدني
لوفضلت معايا بالطريقه دي انا هرجع اركب مواصلات احسن:b4_611:

المفروض كنت توديها التوكيل يكشف عليها الأول قبل ماتشتريها وعلي العموم وديها التوكيل افضل من اللعب فيها برة وخليهم يكشفوا علي العربية كلها.

[mohd_k7]

أنا معايا العربية ده 2008 جايبها من الإمارات و أكتر حاجة عاجباني فيها هو استهلاك البنزين ما شاء الله والمعدل اللي حضرتك بتقول عليه ده مش طبيعي أصلا على أي عربية 1600 أنا عندي التانك بيعمل أكتر من 500 كيلو وده معدل الاستهلاك من موقع تويوتا Mileage Estimates (mpg city/highway) [4]
26/34
يعني 9 لتر لكل 100 كيلو وده معدل لجوه البلد وعلى طريق مفتوح

جرب تغير البنزينة اللي بتمون منها وفوّلها وامشي شوية وارجع فولها تاني واحسب لها هي بتاكل أذ إيه بالظبط ولو الاستهلاك عالي أكشف عليها في التوكيل

[محمد ابراهيم 1]

أكيد فيه عيب عليك وعلى التوكيل

[hani945]

كده الاستهلاك كتير قوى

[Strong]

لو المعدل ده داخل البلد أو طريقة القيادة عنيفة وفيه استخدام فرامل كتير أو حرق غيارات يبقى المعدل ده ممكن يكون معقول

جرب فول وامشي على طريق سريع بسرعة منتظمة مسافة 50 كيلو مثلا وارجع فول تاني

وشوف هتستهلك كام علشان تحسبها صح ، لو اخدت أكتر من 1 لتر في 10 كيلو (كحد أدني ) يبقى روح اكشف عليها في التوكيل أحسن

[abo samra]

لو المعدل ده داخل البلد أو طريقة القيادة عنيفة وفيه استخدام فرامل كتير أو حرق غيارات يبقى المعدل ده ممكن يكون معقول

مستحيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــل

[kemo0o]

100 في الميه فيه حاجة غلط !!

[ashrafE51]

أكيد فيه عيب عليك وعلى التوكيل

فعلا استهلاك علي جداًًً عليك وعلي مركز خدمة ومعتمد لان التوكيل مش بيدخل العربية الخليجي !!!!

[Strong]

مستحيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــل

مش مستحيل ولا حاجة أنا الدايو داخل البلد ساعات بتوصل ل 90 كيلو في ال20 لتر بالمكيف ومن غير مكيف 140 كيلو علشان فترات الإنتظار

وخارجها 240-270 على حسب الطريق والسرعة زراعي أو صحراوي

ولو ماشي 90 سرعة منتظمة طريق صحراوي على طول اللتر بيمشي 14 كيلو بسهولة

[ahmed_elmasri91]

والله يا جماعه انا حسبتها وطلعت بيهال على الطريق السريع على طول
المهم فولتها على الاخر حد ما البنزينن يكب مشت حوالي 270 كيلو متر استهلكت مني بنزين بالظبط 30 لتر يعني صفيحه ونص يبقى كده ايه رايكو.......:b4_556:

[ashrafE51]

والله يا جماعه انا حسبتها وطلعت بيهال على الطريق السريع على طول
المهم فولتها على الاخر حد ما البنزينن يكب مشت حوالي 270 كيلو متر استهلكت مني بنزين بالظبط 30 لتر يعني صفيحه ونص يبقى كده ايه رايكو.......:b4_556:

ايه السرعة الا كنت ماشي بيها 100 ام اكثر من 100
وده معناه انك علي الطريق السريع بتستهلاك 180 كيلو متر في 20 لتر وده اعتقد يتوقف علي السرعه المستخدمه !!!! لان انا اعرف انك لو مشيت علي اكثر من 100 يكون استهلاك اعلي مش عارف ده صح ام لا !!!!

[محمد محمد]

ايه السرعة الا كنت ماشي بيها 100 ام اكثر من 100
وده معناه انك علي الطريق السريع بتستهلاك 180 كيلو متر في 20 لتر وده اعتقد يتوقف علي السرعه المستخدمه !!!! لان انا اعرف انك لو مشيت علي اكثر من 100 يكون استهلاك اعلي مش عارف ده صح ام لا !!!!

برده كتير على الكورولا انا عندي لما باسافر كنت ماشي حوالى 200 ك بأنتظام علي سرعة 100 والكمبيوتر طلع معدل الأستهلاك حوالي 5.5 لتر/100 وحتي لو افترضنا ان قراءة الكمبيوتر غير دقيقة وان الموتور تصميمه مش زي بتاع الجنوب افريقي برده ميبقاش الأستهلاك كبير او كده ممكن الأستهلاك ده يبقي مقبول لو داخل المدينة لكن علي سواقة منتظمة غير مقبول.