العجلة الامامية شمال جاى منها صوت تكتكة

[Imhotep]

الحكاية باختصار رحت من حوالى اسبوع ازود العجل..... لقيت العجلة الامامية شمال ناقصة اوى على 24 (انا باظبط على 32)..... ضبطت الاربعة و مشيت...... دلوقتى العربية و لتانى يوم على التوالى من بعد سرعة 40 بيطلع منها صوت تكتكة..... تك تك تك تك تتتتتتتتتتتك..... زى ما يكون حاجة شابكة فى العجلة و بتحك او بتلمس حاجة تانية و بتعمل الصوت ده...... لفيت على العجلة دايرا داير عشان اشوف طوبة و لا ظلطة محشورة بين فراغات العجلة و طلعتهم كلهم...... الصوت فضل زى ما هو..... روحت انهارده اشيك علي العجل (فى موبيل اللى بعد هايبر) ندهولى واحد ركب معايا وسمعته الصوت قالى الزوايا محتاجة ظبط..... و بعدها شيكت على العجل تانى هواء..... لقيت كل العجل تقريبا مظبوط الا اللى فيها الصوت لقيتها نزلت الى 29 (بعد اسبوع فقط).....

معلش طولت فى الحكاية بس انا قلت اقول التفاصيل كلها عشان ده يوضح الصورة اكتر.....
السيارة تيريوس عاملة 12000
وشكرا لكل الاخوة الدايهاتساوية اللى هيتفضلوا بالافادة......

[Rembrandt]

لو كوتش العربية جديد هتلاقى زلط صغير محشور ما بين التعريجات اللى فى الكوتش دة أ ختمال ممكن تكون زلطة صغيرة وانت مش شايفها
شيلة بمفك او اى حاجة لو انت مختش مطب جامد بيها شيك على الزوايا وخلية يرفعلك العربية فى البنزينة ويبص عليها من تحت

[Imhotep]

حصلت قبل كده سمعت صوت مشابه و نزلت اشيك لاقيت نواية بلح!
شلتها الصوت راح..... بس المرة دى شيكت و طلعت معظم الزلط الصغير (ولقيت كمان نص نواية بلح :) بس الصوت مراحش....

[توفيق طة]

الحكاية باختصار رحت من حوالى اسبوع ازود العجل..... لقيت العجلة الامامية شمال ناقصة اوى على 24 (انا باظبط على 32)..... ضبطت الاربعة و مشيت...... دلوقتى العربية و لتانى يوم على التوالى من بعد سرعة 40 بيطلع منها صوت تكتكة..... تك تك تك تك تتتتتتتتتتتك..... زى ما يكون حاجة شابكة فى العجلة و بتحك او بتلمس حاجة تانية و بتعمل الصوت ده...... لفيت على العجلة دايرا داير عشان اشوف طوبة و لا ظلطة محشورة بين فراغات العجلة و طلعتهم كلهم...... الصوت فضل زى ما هو..... روحت انهارده اشيك علي العجل (فى موبيل اللى بعد هايبر) ندهولى واحد ركب معايا وسمعته الصوت قالى الزوايا محتاجة ظبط..... و بعدها شيكت على العجل تانى هواء..... لقيت كل العجل تقريبا مظبوط الا اللى فيها الصوت لقيتها نزلت الى 29 (بعد اسبوع فقط).....

معلش طولت فى الحكاية بس انا قلت اقول التفاصيل كلها عشان ده يوضح الصورة اكتر.....
السيارة تيريوس عاملة 12000
وشكرا لكل الاخوة الدايهاتساوية اللى هيتفضلوا بالافادة......

أخى الفاضل.

أحتمال كبير يكون رومان البلى داخل صرة العجل.

كان عندى نفس المشكلة والصوت وأن ماشى بطئ

وأنا ماشى بسرعة ,اكتشفت أنة من رومان البلى

وتم تغييرة فى التوكيل وثمنة 130 جنية فقط

جرب وأخبرنى .

تحيـــــــــــاتى

[Rembrandt]

أخى الفاضل.

أحتمال كبير يكون رومان البلى داخل صرة العجل.

كان عندى نفس المشكلة والصوت وأن ماشى بطئ

وأنا ماشى بسرعة ,اكتشفت أنة من رومان البلى

وتم تغييرة فى التوكيل وثمنة 130 جنية فقط

جرب وأخبرنى .

تحيـــــــــــاتى

لو من رلمان البلى هيسمع صرير مش تكتكة العربية لسة جديدة وأحتمال كبير جدا تكون زلطة سودة ومش باينة بتحصل معاية كتير وبتجننى لحد مالقيها

[Rembrandt]

يا ترى الصوت اللى بتسمعة حاليا هو نفس الصوت اللى كنت بتسمعة لما كانت نوايا البلح محشورة فى الكوتش ولا صوت مختلف ؟؟؟؟؟؟؟؟؟؟

[Imhotep]

يا ترى الصوت اللى بتسمعة حاليا هو نفس الصوت اللى كنت بتسمعة لما كانت نوايا البلح محشورة فى الكوتش ولا صوت مختلف ؟؟؟؟؟؟؟؟؟؟

بص مش عايزك و لا بقية الاخوة اللى هيقروا يقولوا ايه المجنون ده اللى كتب ده كله وواجع دماغنا معاه...... بس فعلا الصوت هو نفس الصوت تقريبا (حتى سألت مراتى وقالت هو نفس الصوت)

[Rembrandt]

بص مش عايزك و لا بقية الاخوة اللى هيقروا يقولوا ايه المجنون ده اللى كتب ده كله وواجع دماغنا معاه...... بس فعلا الصوت هو نفس الصوت تقريبا (حتى سألت مراتى وقالت هو نفس الصوت)

99% دى زلطة صغيرة لونها اسود بنفس لون الكوتش ومش باينة انزل على ركبك وبص على الكوتش كويس فى النهار ولف العجل وان شاء الله هتكون زلطة وهتدعيلى

[Imhotep]

99% دى زلطة صغيرة لونها اسود بنفس لون الكوتش ومش باينة انزل على ركبك وبص على الكوتش كويس فى النهار ولف العجل وان شاء الله هتكون زلطة وهتدعيلى

الصراحة انا لما شيكت كانت الدنيا ليل و فعلا جايز مكونش شوفت كل حاجة بين ثنايا العجل..... برضه احتمال..... هشوف فى ضوء النهار فى اقرب فرصة ان شاء الله.....

طيب ايه رأيكو فى موضوع نقصان العجلة دى جامد بخلاف بقية اخواتها.....

خاصة الاخ موتورايزر اللى معرفناش عمل ايه مع بريدجستون بعد العك اللى عملوه معاه بعد ما كان عنده نفس المشكلة؟؟؟

[aliabutaleb]

روحت انهارده اشيك علي العجل (فى موبيل اللى بعد هايبر) ندهولى واحد ركب معايا وسمعته الصوت قالى الزوايا محتاجة ظبط

إن شاء الله تطلع حاجة بسيطة ويخلص الموضوع على خير
بس انا حبيت أعلق على بنزينة موبيل اللي بعد الهايبر
عشان انا ابتديت أقلق منهم لأني كل ما أروح أعمل أي حاجة بسيطة يفضلوا يلحوا على إن العجل نايم وعاوزين يعملوا شغل، ومن خبرات الناس هنا معظم اللي بيقول كدة بيكونوا نصابين.
فيه ناس جربت إسحق حكيم اللي في مجمع علي الدين قبل ليلة القدر وقالوا عليه راجل محترم بس انا مجربتهوش بصراحة.
ربنا يسترها معانا جميعاً.

[hhhmmmzzzz]

حصلت معايا قبل كدة صوت التكتكة دى وفعلا كانت زلط محشور بين العجل اول ماشلته بمفك راح الصوت علي طول
بالنسبة ل ا/علي انا فى اكتوبر بزود بس العجل فى محطة كالتكس من ساعة ما اشترتهاولسه ماعملتش حاجة فيها تانى بس افتكر فيه واحد فى سنتر الفيروز بعد مسجد الحصري بيشكره فيه

[aliabutaleb]

حصلت معايا قبل كدة صوت التكتكة دى وفعلا كانت زلط محشور بين العجل اول ماشلته بمفك راح الصوت علي طول
بالنسبة ل ا/علي انا فى اكتوبر بزود بس العجل فى محطة كالتكس من ساعة ما اشترتهاولسه ماعملتش حاجة فيها تانى بس افتكر فيه واحد فى سنتر الفيروز بعد مسجد الحصري بيشكره فيه

شكراً على المعلومة يا هاني
جنب بتاع الكاوتش اللي بتقول عليه ده واحد بتاع بطاريات محترم أوي
كشفلي على البطارية وكان مصمم مياخدش فلوس
قليل اللي بيعمل كدة دلوقتي :)

[bmya]

الحكاية باختصار رحت من حوالى اسبوع ازود العجل..... لقيت العجلة الامامية شمال ناقصة اوى على 24 (انا باظبط على 32)..... ضبطت الاربعة و مشيت...... دلوقتى العربية و لتانى يوم على التوالى من بعد سرعة 40 بيطلع منها صوت تكتكة..... تك تك تك تك تتتتتتتتتتتك..... زى ما يكون حاجة شابكة فى العجلة و بتحك او بتلمس حاجة تانية و بتعمل الصوت ده...... لفيت على العجلة دايرا داير عشان اشوف طوبة و لا ظلطة محشورة بين فراغات العجلة و طلعتهم كلهم...... الصوت فضل زى ما هو..... روحت انهارده اشيك علي العجل (فى موبيل اللى بعد هايبر) ندهولى واحد ركب معايا وسمعته الصوت قالى الزوايا محتاجة ظبط..... و بعدها شيكت على العجل تانى هواء..... لقيت كل العجل تقريبا مظبوط الا اللى فيها الصوت لقيتها نزلت الى 29 (بعد اسبوع فقط).....

معلش طولت فى الحكاية بس انا قلت اقول التفاصيل كلها عشان ده يوضح الصورة اكتر.....
السيارة تيريوس عاملة 12000
وشكرا لكل الاخوة الدايهاتساوية اللى هيتفضلوا بالافادة......

طيب حضرتك دلوقتي بتقول انه عجله وحده اللي فيها الصوت وكمان هي الوحيده اللي نقصت صح
اعتقد ممكن يكون فيها مسمار مثلا او اي حاجه بتعمل الصوت ده وفي نفس الوقت بتسرب الهواء منا
شوف حد يكون محترم وخليه يفوكها خالص ويكشف عليها ويشوف مخرومه ولا لاء وتقف علي ايده وتشوف بعينك الخورم عشان الناس دي احيانا بيكونوا حراميه
انا عن نفسي كان عندي كده

[shaltot]

[اعتقد [gdwl]ممكن يكون فيها مسمار [/gdwl]
هو دة الكلام المضبوط تسلم ياأمير أنا كنت ناوي أقول كدة بس كنت مستني الردود كلها تسلم ياباشا