ماتش مصر والجزائر

[madoo]

بسم الله الرحمن الرحيم

يا جماعه انا بسئل مين من الدايهاتسوايه رايحين ماتش بكره عايزين نتفق على العموم انا رايح وهكون فى تالته يمين

اللى رايح يكلمنى ونتقابل هناك 0106020717

[aliabutaleb]

مش دايماً اللي معاه تذكرة بدرجة معينة بيقعد في الدرجة دي.
الراجل في إعلان كوكاكولا كان معاه درجة أولى شمال لقى نفسه قاعد تالتة تحت الساعة
على العموم انا إن شاء الله رايح ولو حصلت المعجزة وقعدت طبقاً لتذكرتي فهاكون موجود في أولى يمين بإذن الله.

[hhhmmmzzzz]

وانا هشفكو فى الtv بس ابقو شاورولى
انا عارف طبعا ابو حمزة بس م/محمد هتبقى لابس ليه
ان شاء الله النصر لمصر والتاهل
ويارب ما ترجعو زعلانين

[rockana]

ابو واحد صديقي شغال فى اوراسكم فى الجزائر
المتخلفين الجزائريين فى المصنع كسرو اجهزة الكومبيوتر و زجاج المصنع
و احتجزوا 11 عامل مصري بينهم مصابين
و الامن الجزائري مش موافق يتدخل
و الامن الالمانى (دي شركة امن ماسكه الموقع ) حاول اخراج المصريين لكن الجزائريين طردوهم
للاسف الاخوه المتخلفين حاطين جراكن بنزين عند كل المداخل و مستعدين لحرق المصنع فى حالة فوز مصر
"دي مش قصه وهميه دي للاسف نص مكالمة ابو صديقي له"
"مع العلم بتكسير معظم كامبات المصرين بالمنطقه - التزام والد صديقي المنزل لحين انتهاء النكسه"
اه سلمولى على السفارة المصرية بالجزائر

[bmya]

فعلا شعب همجييي ومتخلف يارييهم فالحين في حاجه غير انهم يلبسوا حلق في ودانهم

[hhhmmmzzzz]

دول اصلا بدو(بربر)يعنى هم طبعهم كدة(بربري)
ان شاء الله هنسكهم النهردة ونكسر نفسهم

[rzeiny]

انشاء الله

[aliabutaleb]

إعذروني يا جماعة أنا حابب أسجل اعتراضي على كم العنصرية اللي في الردود.
الجزائريين زيهم زينا
فيها العاقل
وفيها المجنون
وفيهم المتعصب
إنما التعميم بالشكل ده لا يجوز شرعاً ولا أخلاقاً

[rockana]

اولا 1000 مبروك لمصر
ثانيا انا مش بتكلم على الشعب كله لان منهم ناس محترمين
لكن انا بتكلم عن موظفين فى شركه مصريه فى الجزائر عملو كدا - تفتكر تفكيرهم عامل ازاي

[fouad_programer]

مبررررررررررررروك لينا الفوز والتزام الجماهير للأخر دقيقة والله جماهيرنا عظيمة وظهرت طبعا المدام الجزائرية الى كانت بتعمل حركة بأيديها مش عايز اقول عليها ولا الأخ الى بيقولى اننا ضربناهم فى الملعب وكنا بنلعب بعنف والله العيال النايتى دى ملهاش فى الكورة متجيش وظهرت اكثر قلة ادبهم فى الملعب اعملولهم ملف وابعتوه للفيفا ولا سمير زاهر مبيعرفش ولا ايه

وكفاية دفاع بقى يا عم شوبير وان شاء الله هياخدوا 2 تانى فى السودان المونديال عايزنا يا جماعة

[abou_ruqi]

تنبيه للعضو الفاضل بمراعاة الذوق العام فى اختيار الصور

حيث ان محتوى الصورة لا يصح وضعه فى بالمنتدى

مشرف دايهاتسو

[mnabil1980]

الاهانات دى زى مالواحد مايرضاهاش على بلده ومنتخبه مايرضاهاش على الآخرين برده. طبعا أنا عارف أن فى منهم غلطوا فينا وأهانونا لكن خلينا احنا الأحسن وأعتقد أن ربنا بيكرم الجانب الأكثر أخلاقا.

[abou_ruqi]

وقبول الاهانات علي طول ده لا ليه علاقة لا بالاخلاق ولا بربنا

ومش معقول اعيش واموت وانا بتشم انا وامي وبلدي من نفس الناس واسكت بدعوى اني مؤدب ؟؟؟

"وعلي فكرة انا ما شتمتش امهاتهم زي ما هما شتموا امهاتنا"

[madoo]

مبروك يا رجاله ...ويارب زى ماطلعتنا من الاستاد واحنا مبسوطين وفرحانين بعد ماخلاص كنا هنموت من الحزن فرحنا الفرحه الكبرى يوم الاربع فى ام درمان


احكى ليكوا بقى تفاصيل اليوم الجميل والمتعب ده
اولا انا كان معايا تذكره تالته يمين جبتها يوم الاربع من النادى الاهلى مدينه نصر بعد ما موبيلى اتسرق وفلوسى كمان
اولا رحت الاستاد الساعه واحده ونص صباحا بتاكسى ومش رديت اخد العربيه
قمه قمه قمه البهدله فى الدخول الامن المركزى والعساكر الجميله دى نزلت فينا ضرب بالعصيان السوده دى واحنا داخلين البوابات مضيقين الممر جدا والعدد فوق الخيال زحمه جدا
المهم قعدت على الكرسى فى المدرج الساعه 3 الا 10 منظر جميل جمهور كبير
ولاول مره فى الاستاد يقعدوا ينصحونا فى المايك باننا ننوفر المجهود لغايه الماتش بس مين يسمع بقى من اول دقيقه والتشجعيع نار
وكل اما يهدى الجمهور المصرى يقوموا بتوع الجزائر ينرفزوهم شويه علشان يقوموا تانى ويتعبوا
كانوا بيذيعوا الاذان فى الشاشات قبل الماتش اذان العصر والمغرب والناس كل كانت بتدعى فى نفس واحد والمذيع بتاع الاستاد قرأ معانا الفاتحه وقل هو الله احد تخيل اكتر من 80 الف واحد بيدعوا فى نفس واحد الصوت كان بيجلجل
احسن احساس كان الهدف التانى فى الوقت القاتل ده ..الناس كلها كانت ماتت ومحدش بيتكلم وفى ناس بتمشى وفجأه الاستاد كله قعدت يقول يارب ...كأس العالم
وفى ثوانى جه الجون ده انا وقفت مستنى حد يقولى ده حلم وقعدت ابكى كتير وناس كتير بتضحنى وكله شايل بعضه وبتبارك لبعض

ياااااااااااااااااااااااااااااا رب انصرنا فى السودان

[Ahmed Hassan]

دول اصلا بدو(بربر)يعنى هم طبعهم كدة(بربري)
ان شاء الله هنسكهم النهردة ونكسر نفسهم

على فكره كلام حضرتك مش مضبوط. كلمة بربر كاسم لقبائل ملوش علاقه بصفة (بربري) و التي تحمل معنى الهمجيه.

دول شمال افريقيا سكانها جزء من البربر و جزء عرب و لو مصمم توصف حد فيهم بصفة البداوه (اللي هيه مش شتيمه اصلا) يبقى العرب (اللي انا و انت منهم) احق بهذا الوصف من البربر.

يا ريت يكون هدفنا ان احنا نفرح مش اننا "نكسر نفس" حد و نغلط فيه.