هبيع الافيو وهشترى تيريوس ؟؟؟؟؟

[khaledmaher]

السلام عليكم ورحمة الله وبركاته

انا عضو جديد فى المنتدى الرائع دة بجد يا جماعة انا مبسوط جدا جدا من اراء الاعضاء وفعلا الواحد بيستفيد كتير ... على فكرة انا عندى افيو مو2009 وبصراحة مش مريحانى لاسباب كتيرة مش عاز اطول عليكوا المهم انا كنت عايز اخذ ارائكم فى الموضوع دة ؟؟؟؟
معروض عليا ادخل الافيو فى عربية تيريوس من معرض بس انا بثق فى اصحابة لانى اتعملت معاهم قبل كدة فى سيارة زوجتى المهم العربية مو 2008 كاملة مانيوال 2*4 فابريكة بالكامل واكسسوارات النواكل موجودة من عتب وخلافة العداد عامل 40000 السعر = 90000 الف جنية .... سؤالى هل المبلغ دة معقول وللا مبالغ فية مع العلم انى اتصلت بالوكيل وقاللى انها فى 2008 الزيرو كان بيتباع من 114000 الى 116000 وارجو النصيحة لوجة اللة لان انا المفروض بكرة هروح اخدها ,,,,,
والسؤال التانى للسادة الخبراء ازاى اكشف على العربية علشان اعرف انها سليمة مع ان انا زى ما قولت انا بثق فى المعرض بس دى فلوس "90000 الف " ولو حصل نصيب ان شاء اللة اية اللى المفروض اعملة من صيانة علشان اظبط العربية واحس ان انا ابتديت من الصفر مع العربية ... انا عارف ان انا طولت اوى اوى اوى عليكم بس ارجوكم المساعدة ولكم جزييييل الشكر والتقدير ,,,,, خالد..

[khaledmaher]

السلام عليكم ورحمة الله وبركاته
ارجو المشاااااااركة للاهمية ولكم جزيل الشكر

[M.Mosaad]

ربنا يباركلك انشاء الله و يوفقك للقرار الصحيح
احسن حاجة انك تبيع الافيو لان فعلا راي الاخوة هنا مش مشجع خالص عليها و كله تعبان معاها
بالنسبة للسعر اعتقد انه كويس بس ممكن يتهز شويه لان التيريوس فعلا تقيله في بيعها بس هي عربيه جميله جداااااااااااا
اتصل علي التوكيل 16168 و اسالهم عن الكشف علي العربيه و بيتكلف اد ايه لان دة احسن حاجة
انت هتدفع مبلغ جامد بس هيبقي قلبك مطمن
و الصيانات بقي حافظ عليها في التوكيل و ربنا يباركلك
بس انا ليا راي تاني لو عرفت تبيع الافيو للمعرض و تحط ال 90000 مقدم و تقسط الباقي مش هيبقي قسط كبير و تشتريها جديدة احسن كتير
وربنا يوفقك انشاء الله

[khaledmaher]

ربنا يباركلك انشاء الله و يوفقك للقرار الصحيح
احسن حاجة انك تبيع الافيو لان فعلا راي الاخوة هنا مش مشجع خالص عليها و كله تعبان معاها
بالنسبة للسعر اعتقد انه كويس بس ممكن يتهز شويه لان التيريوس فعلا تقيله في بيعها بس هي عربيه جميله جداااااااااااا
اتصل علي التوكيل 16168 و اسالهم عن الكشف علي العربيه و بيتكلف اد ايه لان دة احسن حاجة
انت هتدفع مبلغ جامد بس هيبقي قلبك مطمن
و الصيانات بقي حافظ عليها في التوكيل و ربنا يباركلك
بس انا ليا راي تاني لو عرفت تبيع الافيو للمعرض و تحط ال 90000 مقدم و تقسط الباقي مش هيبقي قسط كبير و تشتريها جديدة احسن كتير
وربنا يوفقك انشاء الله

السلام عليكم ورحمة الله وبركاته
هوة السعر ممكن ينزل شوية يمكن 88000 بس بالنسبة لموضوع القسط انا بصراحة ممكن اغير العربية بعد سنة او اتنين وانا اتقرصت من الفيو لانى جبتها زيرو وبعدين مريحتنيش وعلى العموم ان متشكر جدا على راى حضرتك ومستنى باقى اراء الاخوة الاعضاء ممكن يفدونى بخبرتهم ... وشكرا

[د.احمدالشافعى]

سعرهالو 85 الالف يبقى كويس اغلى من كدا هتخسر جامدعند اعادة البيع
وربنا يوفقك الى مافيه الخير

[rockana]

بص يا خالد
بالنسبه للسعر انزل سوق الجمعه و شوف سايت كونتكت علشان تعرف السعر حلو ولا لأ " قلل من الاسعار اللى بتسمعها 4000 "
و كمان بالنسبه للتوكيل هاياخد منك 500 جنيه للكشف "كتير فعلا" بس هاتعرف الملف بتاعها كله و لو كان فيها اي مشكله قبل كدا اكيد هاتكون مكتوبه عندهم -و كمان تعرف هي لسه فى الضمان ولا خرجت - على فكره 40000 كيلو فى 20 شهر كتير جدا فا خد بالك من الموضوع ده
بالنسبه للمعرض "انا مش عاوزك تثق زياده عن اللازم "
يعنى ثق فى الناس لكن لا تثق فى الشيطان الذي بداخلهم
و اخيرا هي خطوه جيده ان شاء الله - ولا تنسى الاستخاره

[hhhmmmzzzz]

بص يا خالد
بالنسبه للسعر انزل سوق الجمعه و شوف سايت كونتكت علشان تعرف السعر حلو ولا لأ " قلل من الاسعار اللى بتسمعها 4000 "
و كمان بالنسبه للتوكيل هاياخد منك 500 جنيه للكشف "كتير فعلا" بس هاتعرف الملف بتاعها كله و لو كان فيها اي مشكله قبل كدا اكيد هاتكون مكتوبه عندهم -و كمان تعرف هي لسه فى الضمان ولا خرجت - على فكره 40000 كيلو فى 20 شهر كتير جدا فا خد بالك من الموضوع ده
بالنسبه للمعرض "انا مش عاوزك تثق زياده عن اللازم "
يعنى ثق فى الناس لكن لا تثق فى الشيطان الذي بداخلهم
و اخيرا هي خطوه جيده ان شاء الله - ولا تنسى الاستخاره

ده كلام مظبوط100% بارك الله فيك يا محمود
فعلا لو الكشف500ج بس بشرط تعرف السيرة الذاتية للعربية هيبقى افضل كتير
الواحد لما بيشوف حد بيبهدل عربية فى الشارع بيقول ياترى مين اللى حظه سىء هيشترى العربية بعد اللي بيعملو فيها ده
انت واثق فيهم بس هم ماكانوش قاعدين جنب اللى سايق العربية
ومفهوم تبص علي الشاسية والموتور ويقولك زى الفل ما لازم تكون زي الفل
عشان العربية جديدة ولكن داخليا برضه لازم تبقى مظبوطة ده المبلغ اللى هتدفعه مش قليل وربنا يوفققك لما هو فيه الخير وماتنساش الاستخارة

[khaledmaher]

السلام عليكم ورحمة اللة وبركاتة ....
انا بجد متشكر جدا على النصية وانا الحمد للة اشتريت العربية امبارح 23-11 الاثنين هى وقفت عليا ب 87000 هى العربية الحمد للة حسيت اول لما شوفتها ان صاحبها صارف عليها و معتنى بيها ومن جوة العربية نظيفة جدا ورجعت بيها من الاسكندرية بالليل وحاولت افتح شوية علشان اشوف حالتها على السرعات العالية كنت على 150 لقيت الاتزان بتعها كويس ومسمعتش صوت كدة او كدة بس على ال110 الدريكسيون بيرعش حاجة بسيطة دة يمكن من الجنوط الاسبور اللى مركبها ...
المهم انا اتصلت بالتوكيل وقولتلهم ان انا عايز اعرف الصيانات اللى قبل كدة بس للاسف كتاب الضمان مش موجود والعربية من الاسكندرية قالولى لو كان هتغير مركز الصيانة فى نفس المدينة كان ممكن بس انت دلوقت هتغير من الاسكندرية للقاهرة يبقى لازم الضمان طيب اعمل اية دلوقت و هل مفيش حل ؟؟؟؟ وبعدين فى ملحوظة هى العربية مفيهاش ولاعة ولا طفاية سجائر هل دة عادى ....
وهفترض ان كتاب الضمان مش موجود "ضاع يعنى" واسم صاحب العربية متسجل فى صيانة الاسكندرية مقدرش انا ابقى اروح للصيانة اللى فى ابورواش لان العربية لسة فى الضمان ومش عايز حقى يروح عليا ارجو ان اعرف اية هوة الحل ؟؟؟ ولكم جزيل الشكرة "وعلى فكرة انا كنت عاملت صلاة استخارة قبل مسافر بيوم والحمدللة ربنا وفقنى"
وحاجة اخيرة ... على فرض لاقدر اللة ان الموضوع فشل اكشف على العربية فين واية الحاجات الضرورية اللى لازم اعملها للعربية علشان احس ان انها كانها رجعت زى الزيرو حتى لو صرفت عليها دة انا دافع فيها 87000 ..
ارجو من السادة الاعضاء يجوبونى على كل نقطة ان اتكلمت فيها وانا اسف جدا اذا كنت طولت عليكم اوى بس ارجو المساعدة... خالد

[Fadi Ezzat]

الظاهر كدة انك من عدويين الثبات

[rockana]

مبارك عليك يا خالد
اولا كتيب الضمان مش اساسي يعنى ممكن تطلب بيان كومبيوتر من الوكيل فى الاسكندريه علشان تعرفه هنا فى ابو رواش ان العربيه دي فى الضمان
حاجه تانيه - روح بنزينة شل اللى فى الهرم جنب الخزان - فيها كشف شامل ب 100 جنيه يجبلك كل حاجه فى العربيه
خد بالك من البارومه للاسف اليود المنتشر فى الاسكندريه بيعمل مشاكل فى صاج العربيات فا اتأكد من الموضوع ده

[rockana]

و كلم صاحب العربيه لأنه ممكن اصلا مايكنش خد الضمان زي ما حصل معايا لولا انى روحت تانى و كلمت المعرض على الضمان
اه حاجه كمان - فى ابو رواش مسالنيش عن كتيب الضمان لما كنت بعمل صيانة الالف و قالى مالوش لزمه لان العربيه بتتسجل عندنا من اول صيانه

[khaledmaher]

انا بجد متشكر انا فعلا اعرف محطة شل اللى فى الهرم اللى جنب الخزان هروح ان شاء اللة علشان اطمئن اما بالنسبة للثبات بتاع العربية انا بقول انة كويس مش ممتاز يعنى وبعدين انا بقارن بالافيو اللى كانت معايا بس اداء التيريوس مش وحش ... بالنسبة للبارومة انا هراجع عليها لما اروح محطة شل انشاء اللة ... ارجو المساعدة بعنوان المركز بابو رواش او ارقام التليفونات ولو حد راح هناك ياريت يقولنا لحسن انا اتقرصت من توكيل منصور و شكرا جزيلا وهحاول اصور العربية علشان تشفوها وتقولولى رايكم اية اجمالا..

[rockana]

التليفون 16168
العنوان دا اللينك بيوصف المكان على النت و انا باعتلك صوره توضح
Wikimapia - Let's describe the whole world!

[khaledmaher]

شكرا يا بشمهندس محمود وانشاء اللة هروح صيانة ال45000 كم بس ياريت لو حد يعرف الصيانة دى بعمل فيها اية يعنى اية اللى هغيرة وكمان التكلفة بالمصنعة هيبقوا كام علشان اعمل حسابى وان رايح

[hhhmmmzzzz]

اتصل ب16168 وده الخط الساخن لدايهاتسو وخليك حافظو دايما