حجزت sirion 1.3L GL

[darealhard]

انا حجزت العربية وإن شاء الله هاستلمها بكرة

انا بس عندي شوية أسئلة عن الفتيس الاوتوماتيك

عايز اعرف في sirion كل حاجة بتعمل ايه ؟

وشكرا مقدما

[أبو عبدالله]

مبارك عليك وربنا يعطيك خيرها ويكفي عنك شرها ان شاء الله
خد جولة في الساحة هنا وانت هتلاقي اجوبة لكل اللي انت عاوزه ان شاء الله
ولو في حاجه مش مفهومة يبقى اسأل وان شاء الله هتلاقي الاجابة
ومبارك عليك السيريون

[GMakram]

انا حجزت العربية وإن شاء الله هاستلمها بكرة

انا بس عندي شوية أسئلة عن الفتيس الاوتوماتيك

عايز اعرف في sirion كل حاجة بتعمل ايه ؟

وشكرا مقدما

انا مش فاهم انت تقصد عن الفتيس ولا ايه بالضبط؟

[darealhard]

بالضبط انا قصدي الفتيس الاوتوماتيك

كل نقلة بتعمل ايه والزرار اللي في الجنب ده بيعمل ايه :)

شكرا مقدما :) :)

[GMakram]

بالضبط انا قصدي الفتيس الاوتوماتيك

كل نقلة بتعمل ايه والزرار اللي في الجنب ده بيعمل ايه :)

شكرا مقدما :) :)

http://www.nilemotors.net/Nile/54459-a.html

الموضوع ده هيفيدك عن موضوع الفتيس الاوتوماتيك بصفه عامه وعن فتيس السيريون بصفه خاصه لان صاحب الموضوع معاه سيريون ولو تحب تسئل عن اى حاجه مش واضحه وحوش السيريون موجودين -وانا اقل واحد فيهم- جاهزين نرد على استفساراتك
تقبل تحياتى والف مبروك مقدما

[MoToRiZeR]

ألف ألف مبروك

[darealhard]

شكرا يا جورج الموضوع مفيد فعلا :)

انا عندي سؤال على el-over drive هل لازم ادوس فرامل؟؟:)

على فكرة انا استلمت العربية النهرده الحمد لله ورخصتها :):):):)

[أبو عبدالله]

شكرا يا جورج الموضوع مفيد فعلا :)

انا عندي سؤال على el-over drive هل لازم ادوس فرامل؟؟:)

على فكرة انا استلمت العربية النهرده الحمد لله ورخصتها :):):):)

تدوس فرامل ليه ؟؟
الفرامل ليس لها علاقة بالأوفر درايف
ومبارك عليك الترخيص

[hhhmmmzzzz]

شكرا يا جورج الموضوع مفيد فعلا :)

انا عندي سؤال على el-over drive هل لازم ادوس فرامل؟؟:)

على فكرة انا استلمت العربية النهرده الحمد لله ورخصتها :):):):)

الف مبروك عليك سيريونتك وربنا يكفيك شرها ويعطيك خيرها
بالنسبة للاوفر درايف ده زرار بيسقط نقله بمعنى انه بدل مايخليها اربع نقلات يخليها تلاتة فقط ويحرق حلي الغيار شوية لزيادة التسارع
بالبلدى الزرار ده بتستخدمه لما السرعة تكون فوق ال80تقريبا عشان تزيد من التسارع لو عايز تعدى عربية مثلا وبعد حد معين بتبطله تانى لانك هتلاحظ ان صوت الموتور بيعلى فلمى تفصله يرجع الموتور لصوته الطبيعى
ولو فيه حاجة مش واضحة بكلامى ممكن تسال
ومبارك عليك السيارة مرة تانية

[M.Mosaad]

الف مبروك عليك و ربنا يباركلك فيها
ببساطة الاوفر درايف بيعفرت العربيه يعني مزنوق بين اتنين مخنوق منهم و عايز تخلص نفسك
في مساحة ((( تكفيك ))) بين عربيتين عايز تشد و تدخل فيها
ممكن كمان تكبس البنزين للاخر هيديك تاثير زي الاوفر درايف بس مش عارف هو هو و لا لأ ممكن حد من الخبرا بتوعنا يقولك

[GMakram]

شكرا يا جورج الموضوع مفيد فعلا :)

انا عندي سؤال على el-over drive هل لازم ادوس فرامل؟؟:)

على فكرة انا استلمت العربية النهرده الحمد لله ورخصتها :):):):)

الف مبروك عليك سيريونتك وربنا يكفيك شرها ويعطيك خيرها
بالنسبة للاوفر درايف ده زرار بيسقط نقله بمعنى انه بدل مايخليها اربع نقلات يخليها تلاتة فقط ويحرق حلي الغيار شوية لزيادة التسارع
بالبلدى الزرار ده بتستخدمه لما السرعة تكون فوق ال80تقريبا عشان تزيد من التسارع لو عايز تعدى عربية مثلا وبعد حد معين بتبطله تانى لانك هتلاحظ ان صوت الموتور بيعلى فلمى تفصله يرجع الموتور لصوته الطبيعى
ولو فيه حاجة مش واضحة بكلامى ممكن تسال
ومبارك عليك السيارة مرة تانية

طبعا ميصحش اقول حاجه بعد رد استاذ هانى بس اسمحلى يا هانى اوضح اكتر للاستاذ صاحب الموضوع ببساطه موضوع زرار الاوفر درايف,بص هو زرار الاوفر درايف ده بيستخدم لتسقيط نقله فى الفتيس الاوتوماتيك وده مش بيشتغل غير لما بتكون سرعتك فوق ال80,من المعروف ان الفتيس المانيوال 5 سرعات والاوتوماتك 4 سرعات ولما بتكون على طريق سريع والعربيه بتكون على الرابع وعايز تزود التسارع بتاعها تقوم تشغل الزرار بتاع الاوفر درايف وده بيقوم مسقط نقله يعنى بدل مبتكون ماشى على الرابع والعربيه مرتاحه بتبقى على الثالث وده بيخلى لفات الموتور تزيد(الار بى ام بيعلى)وسرعه العربيه بتزيد,حاجه اخيره احب اوضحها بعد اذن الاستاذ ابو عبدالله قالها انك مش لازم تكون واقف او تدوس فرامل علشان تشغل الاوفر درايف ممكن تشغله فى اى وقت وانت سايق لكن مش هتحس به غير وانت فوق ال80
تقبل تحياتى

[rockana]

الف مبروك عليك السيريون وربنا يكفيك شرها ويعطيك خيرها
خد بالك انت اخر العنقود دلوقتى يعني عليك عزومه زي اللى انا عزمتها للناس فى المقابله الاخيره ( صح يا شباب )
طبعا النصائح المعتادة بتاعة اول 1000 كيلو
بلاش التكييف
بلاش تعدي ال 100
يلاش كيك داون ولا اوفر درايف

[mohamedhamam]

ألف مبروك ربنا يديك خيرها و يكفيك شرها

[darealhard]

طبعا النصائح المعتادة بتاعة اول 1000 كيلو
بلاش التكييف
بلاش تعدي ال 100
يلاش كيك داون ولا اوفر درايف

مممم هو انا عرفت الموضوع ده متأخر شوية لاني حاليا عامل 1200 كم :)

شكرا يا رجالة

[bmya]

خليك معانا تكسب هههههههههه
لا بجد تابعنا كده وقولنا انطباعك وتقريرك فيييييييييييين

اخوك شريف