سؤال عن الشاريد-ارجو الرد بسرعة

[د.اشرف هنداوى]

قدامي شاريد 2007- عاملة 35000 كم
جميع الكماليات مانيوال مطلوب 47000 جنيه

انا متزوج و عندي طفلين و باسافر بين القاهرة و كفر الشيخ مرتين اسبوعيا

هل الشاريد مناسبة للسفر ؟ و مش حاتتعبني مع السفر المستمر ؟

و هل تناسب عائلة صغيرة؟

ارجو المشورة من اهل الخبرة

[أبو عبدالله]

هيا الشاريد جميله جدا
ولكن لازم تاخد في الأعتبار انها عربيه مدينة
يعني مش مصممه انها تجري على الطرق ويبقى ده الأساسي بتاعها
هيا طبعا هتجري وكل حاجه ولكن مش هتعطيك كل حاجه زي السيدان في السفر اكيد
من حيث الأعتمادية فهيا اعتماديه جدا وهتستحمل وكل حاجه يعني مفيش تعب
انا كلامي على فكره مالوش علاقة بقوة استحمال العربيه ولكن كلامي ان العربيه غير مصممه لذلك
يعني مثلا شنطة مش هتلاقيها كبيره
عربيه وزنها خفيف بالنسبة لعربيه تجري على الطرق
حاجات زي كده ده اللي اقصده
ولكن لازم تبقى عارف انك واخد عربيه للمدينة وليست للسفر
وانصحك بكثرة الأستخارة لكي ترزق الخير ان شاء الله

[د.اشرف هنداوى]

شكرا علي الرد -انا حاشوفها يوم الثلاثاء و ربنا يكرم

[rockana]

عفوا استاذ اشرف
47000 مبلغ كبير على عربيه صغيرة ( حيث انك رب اسره و عندك طفلين)
انا رأيي ( الغير متخصص) ممكن تشوفلك كورولا او لانسر تسعينات افضل من شاريد 2007 وذلك للمساحه و الجري على الطريق

[monmonmon]

قدامي شاريد 2007- عاملة 35000 كم
جميع الكماليات مانيوال مطلوب 47000 جنيه

انا متزوج و عندي طفلين و باسافر بين القاهرة و كفر الشيخ مرتين اسبوعيا

هل الشاريد مناسبة للسفر ؟ و مش حاتتعبني مع السفر المستمر ؟

و هل تناسب عائلة صغيرة؟

ارجو المشورة من اهل الخبرة

هى لا شك تستحمل السفر و كل حاجه

لكن مشكلتها فى عدم انتشارها و وقف تصنيعها و التوكيل مش بينزل الشكل الجديد و انا كنت بعانى من المشكلة دى فى دايهاتسو ميرا زمان مش بلاقى قطع غيار الا بعد لف الكرة الارضية كلها

كمان 47000 كتير ممكن تشوف سوزوكى سيلاريو الجديدة او هيونداى i10

انا معايا i10 العربية مريحه فى كل حاجه و بسافر بيها و كل حاجه.. و بصراحه شايف ان عربية جديدة منتشره شويه تكون حل افضل و بلاش تنزل لموديلات ال 90 علشان فى احتمال انك تصرف عليهم كتيير فيما بعد لو ظهرت مشكلة و الله الموفق

[د.اشرف هنداوى]

شكرا لكل الردود
و فعلا الاحسن اشوف عربية كبيرة شوية علشان العائلة + السفر

فعلا الاخوه في المنتدي ربنا يكرمهم و يجازيهم كل خير -مساعدتهم قيمه جدا